ជនជាតិបារាំងចងករសម្លាប់ខ្លួន ក្នុងផ្ទះសំណាក់ សុខុម បន្ទប់លេខ៣០៥
ខេត្តព្រះសីហនុ៖ បុរសជាជនបរទេសម្នាក់ ត្រូវបានបុគ្គលិកនៃផ្ទះសំណាក់ សុខុមប្រទះឃើញចងករសម្លាប់ខ្លួននៅមុខបន្ទប់ទឹក ដោយពុំដឹងអំពីមូលហេតុ បង្កអោយមានភាពភ្ញាក់ ផ្អើលដល់ភ្ញៀវដែលកំពុងស្នាក់។ សាកសពចងកសម្លាប់ខ្លួននេះ ត្រូវបានគរឃើញនៅ វេលា ម៉ោង៤និង២២ទៀបភ្លឺថ្ងៃទី៩ មករា ឆ្នាំ២០១៥នេះ នៅក្នុងបន្ទប់លេខ៣០៥ នៃផ្ទះសំណាក់សុខុម ដែលមានទីតាំងតាមបណ្តោយផ្លូវ៥០២ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ។
យោងតាមសមត្ថកិច្ចប៉ូលសប៉ុស្តិ៍សង្កាត់លេខ៤ បានអោយដឹងថា ជនបរទេសដែល បានចងករសម្លាប់ខ្លួននេះ មានឈ្មោះ FORET FRANH ភេទប្រុស អាយុ៥៥ឆ្នាំ ជនជាតិបារាំង កាន់លិខិតឆ្លងដែនលេខ 03TT18842 មានមុខរបរទេសចរណ៍ បានចូលមកស្នាក់នៅក្នុងផ្ទះ កាលពីថ្ងៃទី២៩ ខែធ្នូ ឆ្នាំ២០១៤ ចំពោះមូលហេតុនៃការស្លាប់នេះគេនៅពុំបានដឹងថា មកពីមូលហេតុអ្វីនោះទេ គ្រាន់តែដឹងថា នៅមុនកើតហេតុ ជមបរទេសរូបនោះតែងចេញចូលនឹងស្នាក់នៅក្នុងផ្ទះសំណាក់នេះជាញឹកញ៉ាប់ បន្ទាប់ពីបានមកដើរលេងនៅខាងក្រៅ ហើយនៅមុនកើតហេតុក៏ពុំមានរឿងអ្វីកើតឡើងនោះទេ។
ដោយឡែកយោងតាម ស្ត្រីឈ្មោះ ម៉ី ប៊ុណ្ណារី អាយុ៤៣ឆ្នាំ ជាម្ចាស់ផ្ទះសំណាក់ បានអះអាងថា នៅមុនកើតហេតុមួយថ្ងៃវេលាម៉ោង៣ និង២១នាទីទៀបភ្លឺ ជនបរទេសរូបនោះបានចុះមកទិញស្រាបៀរចំនួន៣កំប៉ុង រួចឡើងចូលក្នុងបន្ទប់វិញបាត់រហូត ដល់វេលាម៉ោង៤និង២២នាទីថ្ងៃទ០៩មករា បុគ្គលិករបស់គាត់បានក្រឡេកតាមបង្អួចឃើញជនបរទេសនោះចងកនៅមុខបន្ទប់ទឹកហើយ ទើបរូបគាត់រាយការណ៍ទៅកាន់អាជ្ញាធរដែនដីភ្លាមៗដែរ។ #លោកវរៈសេនីយ៍ទោ សា រ៉ាត់វិជ្ជា នាយការិយាល័យបច្ចេកទេសពិនិត្យសាកសពបានអះអាងថា សាកសពស្លាប់ដោយសារ ធ្វើអត្តឃាត់ ដោយសាកសពបានយកខ្សែរនីឡុង(ខ្សែអង្រឹង) ចងជាមួយឥតខ្សល់មុខបន្ទប់ទឹក។
ទាក់ទិនទៅនឹងការស្លាប់ជនបរទេសនៅក្នុងផ្ទះសំណាក់នេះផងដែរ គេសង្កេតឃើញ សមត្ថកិច្ចគ្រប់លំដាប់ថ្នាក់ គ្រប់ជំនាញពាក់ព័ន្ធពុំបាត់មុខមន្ត្រីណាម្នាក់នោះទេ វាផ្ទុយទៅនឹងការស្លាប់ស្ត្រីម្នាក់នៅក្នុងខ្ចុះក្បែរព្រៃស្ថិតនៅក្បែរសណ្ឋាគារឯករាជ្យ ហៅសណ្ឋាគារ៧ជាន់ គេពុំបានឃើញសមត្ថកិច្ចជំនាញ ពាក់ព័ន្ឋនាំគ្នាទៅពិនិត្យដូចសាកសពស្លាប់នៅក្នុងផ្ទះសំណាក់នេះទេ មិនត្រឹមតែប៉ុណ្ណោះថែមទាំងទុកសាកសពអោយសត្វហែកស៊ីសល់តែគ្រោងឆ្អឹង ដែលមើលទៅគួរអនិច្ចាបំផុត ខណៈពេលសមត្ថកិច្ចបានត្រឹមតែទៅអើតមើលហើយដើរចេញរៀងៗខ្លួន មិនខ្វល់អំពីគុណធម៌ និង មនុស្សធម៌ នឹងឧត្តមគតិជាមន្ត្រីអាជ្ញាធរដែនដី និងសមត្ថកិច្ចជំនាញអ្វីទាំងអស់។ ឱលោកលុយអើយ!។
ក្រោយពិនិត្យរួច សាកសពត្រូវបានសមត្ថកិច្ចរក្សាទុកប្រគល់ជូនស្ថានទូតយកទៅចាត់ចែងបន្ត៕ ដោយ កោះរ៉ុង
