លោកប្រធានមន្ទីរអភិវឌ្ឍន៍ជនបទ សហការជាមួយប្រធានមន្ទីរសង្គកិច្ចខេត្តកំពង់ឆ្នាំង ផ្តល់អំណោយមនុស្សធម៌ ដល់គ្រួសារជនពិការក្រីក្រចំនួន៥គ្រួសារ
ខេត្តកំពង់ឆ្នាំង៖ ចែកអំណោយមនុស្សធម៌ដែលដឹកនាំលោក ថោង ចំរើន ប្រធានមន្ទីរសង្គមកិច្ចអតីត យុទ្ឋជន និងយុវនិតិសម្បទាខេត្តកំពង់ឆ្នាំង នៅព្រឹកថ្ងៃទី២៩ ខែមករា ឆ្នាំ២០១៥ បាននាំយកទៅចែកជូន គ្រួសារពិការក្រីក្រ និងចាស់ជរាគ្មានទីពឹងចំនួន៥គ្រួសារ នៅស្រុកសាមគ្គីមានជ័យ ពីធីនេះមានចូលរួម ពីអាជ្ញាធរភូមិឃុំ លោកអភិបាលរងស្រុក និងសភាពសហព័ន្ឋយុវជនស្រុកសាមគ្គីមានជ័យផងដែរ ។
លោក ថោង ចំរើន ប្រធានមន្ទីរសង្គមកិច្ចអតីតយុទ្ឋជន និងយុវនិតិសម្បទាខេត្តបាន និយាយអោយ ដឹងថា៖ ដោយមានការអំពាវនាវពីរូបលោកចំពោះគ្រួសារជនពិការក្រីក្រខាងលើនេះ លោក លាង សេង ប្រធានមន្ទីរអភិវឌ្ឍន៍ជនបទខេត្តកំពង់ឆ្នាំង បានឧបត្ថម្ភទឹកប្រាក់ផ្ទាល់ខ្លួនចំនួន១លានរៀល អោយ លោកៗបានយកទៅចាត់ចែងទិញគ្រឿងឧបភោគបរិភោគ ជូនគ្រួសារពិការទាំង៥គ្រួសារ ដែលរស់នៅ ក្នុងភូមិចំនួន៣ ក្នុងឃុំសេដ្ឋី ស្រុកសាមគ្គីមានជ័យ។ ក្នុងនោះ៣គ្រួសារនៅក្នុងភូមិថ្លុកឫស្សី មាន១ ឈ្មោះ ញ៉េច ថុង ភេទប្រុស អាយុ៤២ឆ្នាំ ពិការភ្នែកទាំង២ , ២ឈ្មោះ អ៊ុច ញឹង ភេទស្រី អាយុ ៧៤ឆ្នាំ ពិការជើងស្តាំ , ៣ឈ្មោះ ញ៉េម ម៉ុន ភេទស្រី អាយុ៧៤ឆ្នាំ ពិការជើងស្តាំ , ៤ឈ្មោះ ញឹម ប៉ាត ភេទប្រុស អាយុ៥៤ឆ្នាំ ពីការភ្នែកទាំង២រស់នៅភូមិពារាជ្យ និង៥ឈ្មោះ មាស ធន ភេទស្រី អាយុ៥៨ឆ្នាំ ពិការភ្នែកទាំង២ រស់នៅភូមិចំការស្វាយ។ក្នុងមួយគ្រួសារៗទទួលបាន អង្ករ ២០គីឡូក្រាម មី១កេះទឹកត្រី១យួរ ទឹកស៊ីអ៊ីវ១យួរ ត្រីខ១២កំប៉ុង ប្រេងឆា១ដប (ចំណុះ១លីត្រ) ប៊ីចេង១កញ្ចប់ និងថវិកា១២ម៉ឺនរៀល ។
លោក សោម ម៉េង អភិបាលរងស្រុកសាមគ្គីមានជ័យបានថ្លែងអំណរគុណថា ជំនួស មុខអោយក្រុម គ្រួសារពិការក្រីក្រខាងលើ លោកសូមថ្លែងអំណរគុណចំពោះលោកប្រធានមន្ទីរសង្គមកិច្ចខេត្ត ដែលបាន នាំអំណោយទាំងនេះមកចែកជូនគ្រួសារខាងលើ ពិសេសសូមថ្លែងអំណរគុណដល់លោក លាង សេង ប្រធានមន្ទីរអភិវឌ្ឍន៍ជនបទខេត្ត ដែលបានចំណាយថវិកាផ្ទាល់ខ្លួន ជួយដល់គ្រួសារពិការក្រីក្រ ៕ ដោយ រិទ្ធិ ជ័យ
