ក្មេងប្រុសអាយុ១៦ឆ្នាំ បញ្ឆោតក្មេងស្រីអាយុ៦ឆ្នាំឲ្យស៊ីផ្លែអម្ពិលទឹកក្នុងផ្ទះរបស់ខ្លួន ហើយចាប់រំលោភរហូតបានសម្រេច
ខេត្ដតាកែវ ៖ ក្មេងស្រីអាយុ៦ឆ្នាំ ខណៈឪពុកម្តាយមិននៅផ្ទះ ត្រួវក្មេងប្រុសអាយុ១៦ឆ្នាំម្នាក់នៅផ្ទះក្បែរគ្នាបញ្ឆោតហៅទៅផ្ទះរបស់គេស៊ីផ្លែអំពិលទឹក ក្នុងពេលកុមារីកំពុងស៊ីផ្លែអម្ពិលទឹក ក៏ត្រូវបានក្មេងប្រុសកំហូចនោះចាប់រំលោភរហូតបានសម្រេចកាលពីថ្ងៃទី២៨ ខែមករា ឆ្នាំ២០១៥ វេលា ម៉ោង១៤និង៣០នាទី ស្ថិតនៅ ឃុំគោក ពោធិ៍ ស្រុកបុរីជលសា ខេត្ដតាកែវ ។ បន្ទាប់ពីមានការប្តឹពីឪពុកម្តាយក្មេងរងគ្រោះ យុវជននោះត្រូវបានចាប់ខ្លួន។
សមត្ថ មូលដ្ឋានកិច្ចបានឲ្យដឹងថា មុនពេល កើតហេតុខណៈឪពុកមា្ដយក្មេងស្រីរង គ្រោះមិននៅផ្ទះជន សង្ស័យបានហៅក្មេង ស្រីខាងលើឲ្យមកផ្ទះរបស់ខ្លួនដើម្បីហូបផ្លែអម្ពិលទឹក ។ តាមរបាយការណ៍ឲ្យដឹង ទៀតថា ពេលពីក្មេងស្រីរងគ្រោះកំពុង ហូបផ្លែអំពិលទឹកជនសង្ស័យក៏ចាប់ រំលោភរហូតបានសម្រេច ។ជនសង្ស័យឈ្មោះ ចាយ វន់ អាយុ១៦ឆ្នាំ រស់នៅភូមិឃុំកើតហេតុខាងលើ ចំណែកកុមារីរងគ្រោះមានអាយុ៦ឆ្នាំ រស់នៅក្នុងភូមិឃុំជាមួយគ្នា ។
ក្រោយពេលចាប់រំលោភក្មេងស្រីរងគ្រោះមានការឈឺចាប់ និងហូរឈាមតាមប្រដាប់ភេទ មានការភិតភ័យក៏បានប្រាប់ឪពុកម្ដាយអំពីរឿងហេតុ ហើយឪពុកម្ដាយរបស់នាងបានប្ដឹងសមត្ថកិច្ចឈានដល់ឃាត់ខ្លួនយុវជនវ័យក្មេងយកទៅសូរចម្លើយតែម្តង ។ នៅចំពោះមុខ សមត្ថកិច្ចជនសង្ស័យបានឆ្លើយសារភាពថា ខ្លួនពិត ជាបានរំលោភកុមារីខាងលើ ពិតប្រាកដមែន ។ បច្ចុប្បន្នជនសង្ស័យខាងលើត្រូវបាននគរបាលខេត្ដតាកែវកសាងសំណុំរឿង បញ្ជូនទៅតុលាការខេត្ដចាត់ការតាមច្បាប់ ៕
