ក្រុមប្រឹក្សាឃុំសង្កាត់ រដ្ឋាភិបាលបានម្រេចអោយមានឯសណ្ឋាន និងសញ្ញាស័ក្តិ
ខេត្តកំពង់ឆ្នាំង៖ នៅក្នុងកិច្ចប្រជុំលើកទី២ របស់សមាគមក្រុមប្រឹក្សាថ្នាក់មូលដ្ឋានខេត្តកំពង់ឆ្នាំង ដើម្បី បូកសរុបលទ្ធផលការងាប្រចាំឆ្នាំ២០១៤ លោកស្រី ភួន ឈុយអេង ប្រធានសមាគមក្រុមប្រឹក្សាថ្នាក់ មូលដ្ឋានខេត្តកំពង់ឆ្នាំង លើកឡើងថា ថ្មីៗនេះក្រុមប្រឹក្សាឃុំសង្កាត់ត្រូវបានប្រមុខរាជរដ្ឋាភិបាល សម្រេចអោយមានឯកសណ្ឋាន និងសញ្ញាស័ក្តិ ដែលនេះគឺជាកិត្តិយស សេចក្តីថ្លៃថ្នូរ សម្រាប់មន្ត្រី នយោបាល ថ្នាក់មូលដ្ឋាន ស័ក្តិសមជាយុទ្ធជនជួរមុខ នៃសមរភូមិវិមជ្ឈការ។
នៅក្នុងកិច្ចប្រជុំខាងលើនេះលោកស្រី ភួន ឈុយអេង បានថ្លែងអោយដឹងថា៖ មកដល់ពេលនេះ សហគមក្រុមប្រឹក្សាថ្នាក់មូលដ្ឋានបានបង្កើតជាង១ឆ្នាំហើយ កន្លងមកថ្នាក់ដឹកនាំសហគមបានប្រឹង ប្រែងគ្រប់បែបយ៉ាងក្នុងការអនុវត្តសកម្មភាពរបស់ខ្លួន ដោះស្រាយសំណូមពរចំពោះមុខបានគឺរាជ រដ្ឋាភិបាលបានតម្លើងប្រាក់ឧបត្ថម្ភដល់ក្រុមប្រឹក្សាឃុំ សង្កាត់ និងភូមិនៅទូទាំងប្រទេស និងបានសម្រច អោយក្រុមប្រឹក្សាឃុំសង្កាត់ មានឯកសណ្ឋាន និងសញ្ញាស័ក្តិ ដែលនេះគឺជាកិត្តិយស សេចក្តីថ្លៃថ្នូរ សម្រាប់មន្ត្រីនយោបាលថ្នាក់មូលដ្ឋាន សក្តិសមជាយុទ្ធជនជួរមុខ នៃសមរភូមិវិមជ្ឈការ។
លោក សំ រិទ្ធិអេង អនុប្រធានសម្ពន្ធ័ភាពជាតិក្រុមប្រឹក្សាថ្នាក់មូលដ្ឋាន ដែលបានចូលរួមក្នុងកម្មវិធីប្រជុំ នេះបានគូសបញ្ជាក់អោយដឹងថា៖សហគមថ្នាក់មូលដ្ឋានត្រូវបានឯកឧត្តមរដ្ឋមន្ត្រីក្រសួងមហាផ្ទៃទទួលស្គាល់ថា ជាមជ្ឍមណ្ឌលប្រមូលផ្តុំឯកសារ ព័ត៌មានសហគមថ្នាក់ក្រោមជាតិ ជាវេទិការសម្រាប់ផ្សព្វ ផ្សាយចែករំលែកព័ត៌មាន គោលនយោបាយ គោលការណ៍ផ្សេងៗ របស់រាជរដ្ឋាភិបាល ដល់សមា គម ក្រុមប្រឹក្សាថ្នាក់ក្រោម ជាយន្តការសម្រាប់ចែករំលែកចំណេះដឹងមេរៀនបទពិសោធន៍ និងជាការ ផ្តល់ចសវាសាធារណៈប្រកបដោយប្រសិទ្ធិភាពជូនប្រជាពលរដ្ខ។
សម្ព័ន្ធភាពជាតិក្រុមប្រឹក្សាថ្នាក់មូលដ្ឋានកន្លងមក បានចុះអនុសារណៈជាមួយប្រធានគណៈមេធាវី ការពារក្តីអោយសមាជិកសម្ព័ន្ធជាតិ ចាប់ដៃគូរជាមួយរដ្ឋបាលថ្នាក់ក្រោមជាតិ ផ្តល់មេធាវីការពារក្តី ពិ គ្រោះយោបល់ ផ្សព្វផ្សាយបណ្តុះបណ្តាលច្បាប់ ដល់សមាជិកសហគម។ដែលក្នុងនោះមានមេធាវី ពេញ សិទ្ធិចំនួន៨០៣នាក់ មេធាវីកម្មសិក្សា៩៤នាក់ និងមានគណៈមរធាវី១៥១នាក់ការពារក្តីមិនយកកម្រៃ។
លោកជំទាវ ដោក សុទ្ធា ប្រធានក្រុមប្រឹក្សាខេត្តជាគណៈអធិបតីក្នុងកម្មវិធីប្រុំបានលើកឡើងដែរថា៖ ការប្រជុំបុកសរុបនិងដាក់ចេញទិសដៅរបស់សមាគមក្រុមប្រឹក្សាថ្នាក់មូលដ្ឋានរបស់ខេត្ត សំរាប់ឆ្នាំ ២០១៥ ពេលនេះមានឱកាសតែ១ព្រឹកទេដែលទាមទារអោយសមាជិកទាំងអស់ត្រូវយកចិត្តទុកដាក់ ក្តាប់យកនូវបទពិសោធន៍នានារបស់មូលដ្ឋាន និងការប្រឈមនានា សំរាប់រាយការណ៍ និងរាល់សំណូម ពរប្រជាពលរដ្ឋដែលដោះស្រាយមិនចេញ ជូនដល់សម្ព័ន្ធជាតិ និងថ្នាក់ជាតិជួយដោះស្រាយ។
លោកជំទាវបានថ្លែងអោយដឹងទៀតថា៖ដើម្បីអោយប្រទេសយើងក្លាយជានិតិរដ្ឋ គឺយើងទាំងអស់គ្នា ត្រូវគោរពច្បាប់ ដោយខិតខ៉បង្កើនសមត្ថភាពធ្វើការងារ បង្កើនធនធានមនុស្ស គិតគូពីជីវភាពរស់ នៅរបស់កម្មករ និងប្រជាពលរដ្ឋ គិតគូរពីការអភិវឌ្ឍន៍ និងការអភិរក្ស ដោយបែងចែកគ្នាអោយច្បាស់ និងត្រូវដាក់ជូនសហគមថ្នាក់មូលដ្ឋានជួយដោះស្រាយ ប្រសើរជាការអត្តនោមតិខ្លួនឯង។
ដោយឡែកសញ្ញាស័ក្តិរបស់ក្រុមប្រឹក្សាឃុំសង្កាត់ ត្រូវបានគេបញ្ជាក់អោយដឹងថា៖ សញ្ញាសក្ក័ ពណ៌ទឹកមាសជាលោកមេឃុំ និងចៅសង្កាត់ ចំណែកសញ្ញសក្ក័ពណ៌ទឹកកប្រាក់គឺជាសមាជិកក្រុម ប្រឹក្សាឃុំ សង្កាត់ និងមានឯសណ្ឋានដ៏ស្អាតបាតដូចនគរបាលផងដែរ៕ ដោយ រិទ្ធិ ជ័យ
