ច្បាប់ស្តីពីការបង់ពន្ធលើប្រាក់បៀវត្សរបស់និយោជក និយោជិក ត្រូវបានសាខាពន្ធដារខេត្តព្រះសីហនុ ផ្សព្វផ្សាយក្នុងរោងចក្រផលិតស្រាបៀរអង្គរ
ខេត្តព្រះសីហនុ៖ MC.សាខាពន្ធដារខេត្តព្រះសីហនុ បង្កើនការផ្សព្វផ្សាយ ច្បាប់ស្តីពីការបង់ពន្ធលើប្រាក់បៀវត្ស ដល់និយោជក និយោជិក បុគ្គលិក តាមរោងចក្រ សហគ្រាស នានា ជុំវិញខេត្តព្រះសីហនុ ក្នុងន័យផ្តល់ការយល់ដឹងអោយបានស៊ីជម្រៅ ជុំវិញកាតព្វកិច្ចនៃការបង់ពន្ធរបស់និយោជក និយោជិក បុគ្គលិក ក្នុងវិស័យឯកជន។
ថ្លែក្នុងសិក្ខាសាលាស្តីពីពន្ធលើប្រាក់បៀវត្ស នៅរោងចក្រផលិតស្រាបៀរអង្គរខេត្តព្រះសីហនុ នាព្រឹកថ្ងៃទី១៣ ខែកុម្ភៈ ឆ្នាំ២០១៥ លោក នុត វុត្ថា ប្រធានសាខាពន្ធដារខេត្តព្រះសីហនុ បានគូសបញ្ជាស់ថា៖ ការបង់ពន្ធលើប្រាក់បៀវត្សគឺជាកាតព្វកិច្ចមិនអាចគេចវេសបានឡើយសម្រាប់ និយោជក និយោជិក បុគ្គលិក ក្នុងវិស័យឯកជន តាម រោងចក្រ សហគ្រាស នា នាតាមច្បាប់កំណត់ ក្នុងតារាងបៀវត្ស។ ហើយដើម្បីអោយការបំពេញការតព្វកិច្ចរបស់និយោជក និយោជិក បុគ្គលិក មានលក្ខណៈយុត្តិធម៌ ច្បាស់លាស់ បំបាត់មន្ទិលសង្ស័យ នានា សាខាពន្ធដារខេត្តព្រះសីហនុ ក្រោមការណែនាំពីអគ្គនាយកដ្ឋានពន្ធដារ បង្កើតកម្មវិធីបញ្ជ្រាប់ការយល់ដឹងអំពីច្បាប់ នានា ដែលពាក់ព័ន្ធ ទីនឹងការបង់ពន្ធលើប្រាក់បៀវត្ស ទាំងវិស័យឯកជន និងស្ថាប័នរដ្ឋ។
លោកលោក នុត វុត្ថា បានបញ្ជាក់ទៀតថា ដូចនេះគោលបំណងសំខាន់ក្នុងអង្គសិក្ខាសាលានៅក្នុងរោងចក្រស្រាបៀរអង្គរ នាពេលនេះ គឺចង់ពន្យល់ណែនាំអំពីកាតព្វបង់ពន្ធលើប្រាក់បៀវត្សជូនដល់និយោជក និយោជិក រោងចក្រផលិតស្រាបៀអង្គរខេត្តព្រះសីហនុ។លោកបន្តថា កម្មវិធីផ្សព្វផ្សាយស្តីពីពន្ធលើប្រាក់បៀវត្ស និយោជក និយោជិក បុគ្គលិក ក្នុងវិស័យឯកជន តាមរោងចក្រ សហគ្រាសនានា ក៏ដូចជានៅតាមស្ថាប័នរដ្ឋ នឹងត្រូវបន្តផ្សព្វផ្សាយទៅតាមដំណាក់កាល ដែលអាចធ្វើទៅបាន។
សូមបញ្ជាក់ផងដែរថា បើយោងតាមការបញ្ជាក់ពីលោក ឆេង សុភ័ក្រ អ្នកគ្រប់គ្រង ផ្នែកធនធានមនុស្ស នៃរោងចក្រផលិតស្រាបៀអង្គរខេត្តព្រះសីហនុបានអះអាងថា និយោជក និយោជិក ក្នុងរោងចក្រស្រាបៀរអង្គរ ដែលជាប់កាតព្វកិច្ចបង់ពន្ធជូនរដ្ឋលើប្រាក់បៀវត្សប្រចាំខែមានចំនួន៤២១នាក់ នេះបើគិតចាប់ពីថ្ងៃទី០១ ខែមករា ឆ្នាំ២០១៥ ក្នុងចំណោមនិយោជក និយោជិក បុគ្គលិក កម្មកជិត២ពាន់នាក់៕ ដោយ កោះត្រល់
