ឈ្មួញឈើ ខឹងនឹងមន្ត្រីអភិរក្សជីវៈចម្រុះកែវសីម៉ា ចាប់ម៉ូតូដឹកឈើប្រណីត៤គ្រឿង បែរជាលើកគ្នាទៅវាយអ្នកកែសែតដល់ផ្ទះ ថាជាអ្នករំខានការដឹកឈើរបស់ពួកគេ!
ខេត្តមណ្ឌលគិរី៖ ក្រុមអ្នករកស៊ីដឹកឈើខុសច្បាប់ដោយម៉ូតូ ខឹងនឹងមន្ត្រីអភិរក្សជីវៈចម្រុះ សីមាចាប់ ម៉ូតូដឹកឈើប្រណីត៤គ្រឿង មិនអាចរំដោះមូតូពីមន្ត្រីអភិរក្សបានដោយសាច់រឿងនេះបានថតចូលកាម៉េរ៉ារបស់អ្នកកាសែតទៅហើយនោះបែរជា បញ្ចេញកំហឹងវាយជាមួយអ្នកកាសែតវាយដំឡើងទ្រោមខ្លួន កាលពីល្ងាចថ្ងៃទី១១ ខែកុម្ភៈ ២០១៥ ត្រង់ចំណុចអូរឆ្លូងស្ថិតក្នុង ភូមិស្រែអំពិល ឃុំ ស្រែខ្ទុម ស្រុកកែវសីមា ។ ជនរងគ្រោះជាអ្នកយកព័ត៌មានពីរនាក់ត្រូវបានក្រុមអ្នករកស៊ីឈើខុសច្បាប់ប្រមាណ៤នាក់ មកដេញវាយដល់ក្នុងផ្ទះត្រូវយ៉ាងដំណំ ថែមទាំងជេរប្រមាថ នឹងគំរាមយកកាំភ្លើងមកបាញ់សម្លាប់ ក្រោយពេលមន្ត្រីអភិរក្សទៅចាប់ប្រមូល និងដឹកជញ្ជូនឈើមកស្នាក់ការអភិរក្សស្រុកកែវសីមាទាំងទើសទាល់រួចមក ដែលពួកគេយល់ថាអ្នកសារព័ត៌មានបានទម្លាយមុខរបររកស៊ីឈើដ៏សុខសាន្តរបស់ពួកគេ ។
ជនរងគ្រោះ ពីរនាក់នោះរួមមាន ភ្នាក់ងារការសែត សម្លេង រាស្ត្រខ្មែរ និង បុគ្គលិកទូរទស្សន៍លេខ៨ បានឲ្យដឹងថា ពួកគាត់បន្ទាប់ពីទទួលបានដំណឹងថា មន្ត្រី អភិរក្សចាប់បានម៉ូតូដឹកឈើបួនគ្រឿង ក៏នាំគ្នាទៅយកព័ត៌មានដើម្បីចុះផ្សាយ ក្រោយពេលថត រូបភាពរួចហើយក៏នាំគ្នាមកផ្ទះនាំគ្នាហូបបាយ ស្រាប់តែមានមនុស្សមួយក្រុមមានស្រីមានប្រុសមកជេរប្រមាថសព្វបែបយ៉ាង ក្រោយមកបន្តិចបុរសពីរនាក់ចុះពីលើម៉ូតូ ចូលមកដេញវាយក្នុងផ្ទះ យ៉ាងកំរោល បណ្តាលអោយអ្នកកាសែតទាំងពីរទ្រោមខ្លួន ហើយពួកគេក៏នាំគ្នាជិះម៉ូតូចេញទៅហើយបាន ស្រែកគំរាមថានឹងយកកាំភ្លើងមកបាញ់សម្លាប់ពួកឯងចោលទាំងអស់។ ពួកគាត់បានបន្តថា ពេលនេះ ពួកគាត់បានដាក់បណ្ដឹងទៅប៉ុស្គិ៍រដ្ឋាបាលរួចហើយជុំវិញករណីខាងលើ។
ប្រជាពលរដ្ឋថា ការចាប់ម៉ូតូដឹកឈើនោះជារឿងតូចតាច ហើយពួកគាត់បានលើកឡើងដែរថា ផ្លូវលំមួយខ្សែរដែលតភ្ជាប់ពីផ្លូវជាតិលេខ៧៦ ទៅភូមិស្រែអំពិលក្នុងស្រុកកែវសីមា បានក្លាយជា ការជួបជុំរបស់សមត្ថកិច្ចគ្រប់ជំនាញសំកុកចាំប្រមូលលុយពីអ្នករកស៊ីដឹកឈើល្មើសច្បាប់ ក៏ប៉ុន្តែពួកគេសុទ្ធតែចាត់តាំង ក្នុងបញ្ជាបេសកកម្មពីក្រសួង និងសាមីស្ថាប័នឲ្យចុះទោះទប់ស្កាត់បង្ក្រាប ដែលគេកត់សម្គាល់ឃើញថាការចាប់បង្ក្រាប់ហាក់បីនៅមានកម្រឹតតិចទួច ហើយស្របពេលក្រុមអ្នករកស៊ីឈើទាំងនោះត្រូវបានអ្នកមានអំណាចគ្រប់ប្រភេទ នៅចាំ ទទួលទិញនឹងជំរុញអោយប្រព្រឹត្តបទល្មើសកាន់តែកើនឡើងពីមួយថ្ងៃទៅមួយថ្ងៃដែលគេរំពឹងទុកថាមិនយូរទេឧទ្យានជីវចម្រុះកែវសីមានឹងរលាយសាបសូន្យក្រោមដៃឈ្មួញទុច្ចរិត និងមន្ត្រីពុករលួយមួយក្តាប់តូច កំពុងតែឃុបឃិតទាញយកផលប្រយោជន៍ប្រមូលលុយដាក់ហោប៉ៅធ្វើមានធ្វើបានរៀងៗខ្លួន និងអាចយកទៅសូកប៉ាន់ការពារតួនាទីមុខតំណែងនិងបេសកកម្ម បានយ៉ាងរំភើយ បន្តរួមដៃបំផ្លាញព្រៃឈើជាតិមិនខ្វល់ពីការវិនាសរលាយរលត់អ្វីទាំងអស់៕ ដោយ ឦសាន២
http://ift.tt/1CuzX6N
