ទំនិញគេចពន្ធសម្រុលនាំចូលពីប្រទេសវៀតណាម តាមច្រកព្រំដែនខេត្តតាកែវ ដូចទឹកបាក់ទំនប់ មន្ត្រីគយ សប្បាយប្រមូលលុយច្រកហោប៉ៅ ខណៈលោកមេគយ គុណ ញឹម ក្តាប់ការងារថ្មីថ្មោង
ខេត្តតាកែវ ៖ ទំនិញគេចពន្ធសម្រុកនាំចេញពីប្រទេសវៀតណាម តាមច្រកទ្វារព្រំដែនភ្នំដិន ស្រុកគិរីវង្ស ដឹកតាមផ្លូវជាតិលេខ២ ចូលរាជធានីភ្នំពេញទាំងយប់ ទាំងថ្ងៃ ដូចទឹកបាក់ទំនប់ ដោយសារចំណាត់ការអង្គភាពគយ និងស្ថាប័ននគរបាលប្រឆាំងបទល្មើសសេដ្ឋកិច្ច ប្រចាំនៅទីនោះ និងនៅតាមដងផ្លូវទើបគ្មានទម្លាក់ចុះនូវវិធានការទប់ស្កាត់បង្ក្រាប ដោយនាំគ្នាឆ្លៀតអង្គុយសំកុកបើកភ្លើងខៀវឲ្យជូនឈ្មួញ ប្រមូលប្រាក់ដាក់ហោប៉ៅតាមជំនាញ រៀងៗខ្លួន លែងខ្វល់បទបញ្ជាថ្នាក់ទៅហើយ តែវាជាទង្វើរួមដៃបំផ្លាញចំណូលជាតិ។ ទោះយ៉ាងណាភាពធូររលង់នេះនេះបាន ប្រព្រឹត្តឡើងតាំងពីជំនាន់លោក ប៉ែន ស៊ីម៉ន ហើយបច្ចុប្បន្នបានបន្តមកជំនាន់លោក គុណ ញឹម មេគយថ្មី។
ប្រភពព័ត៌មានពីមន្ត្រីតូចតាចនៅខេត្តតាកែវបានប្រាប់ឲ្យដឹងថា សព្វរាល់ទំនិញគ្រប់ប្រភេទមានទំនិញគ្រឿង សំណង់ ទំនិញចំណីអាហារ មេស្រា អវ៉ាន់ចាប់ហួយ និងម៉ាស៊ីនភ្លើង គ្រឿងអេឡិកត្រូនិក ។ល។ ភាគច្រើនដឹកចូលតាមរបៀបផ្សេងៗភាគច្រើនមិនបានបង់ពន្ធត្រឹមត្រូវនោះទេ តែបានង់ចូលហោប៉ៅមន្ត្រីមាត់ច្រករបៀង ហើយក៏គ្មានការត្រួតពិនិត្យទៅតាមជំនាញអ្វីនោះទេ គឺគ្រាន់តែបង់លុយ ហើយកត់ឈ្មោះជាការស្រេច ពិសេសប្រភេទទំនិញចាប់ហួយតែម្តង។ ប្រការនេះហើយបានធ្វើឲ្យឈ្មួញមានឱកាសជាថ្មីរត់ពន្ធទំនិញពីវៀតណាម ដឹកជញ្ជូនចូលមកក្រុងភ្នំពេញភាគច្រើនធ្វើឡើងនៅពាក់កណ្តាលអធ្រត្រ មានឡាន តួរីស រថយន្តមួយបាំងកន្លះ ឡានខ្នាតចំណុះ១០តោន ៣០តោន។
ប្រភពខាងលើបន្តថា មេឈ្មួញដែលល្បីឈ្មោះ ហើយប្រើខ្សែបណ្តាញរកស៊ី ដែលមិនចាំបាច់បង់ពន្ធដឹកជញ្ជូនមកភ្នំពេញនោះ ត្រូវបានគេស្គាល់ឈ្មោះ ចែស្រី(វៀតណាមយកប្តីប៉ូលិសខ្មែរ) ចែ លិន ជាស្ត្រីមេម៉ាយ កូន៣រូប ស្រស់ម្នាក់ប្រចាំនៅខេត្តតាកែវ ទទួលប៉ាវទំនិញគេចពន្ធស្ទើរតែដាច់មុខទៅហើយ គាត់ចេះសហការត្រូវរ៉ូវជាមួយមន្ត្រីពាក់ព័ន្ធ ដែលដាក់ប៉ុស្តិ៍គោលដៅនៅព្រំដែនខេត្តតាកែវ រហូតឆ្លងកាត់ខេត្តកណ្តាល មកដល់ភ្នំពេញ បង់ប្រាក់ប្រចាំខែគ្រប់ស្ថាប័ន ពិសេសមន្ត្រីគយចល័ត មេសាខាប្រចាំខេត្ត ក្រុង ទើបមេឈ្មួញឈ្មោះ ចែស្រិ និងចែ លិន រកស៊ីបានយ៉ាងរលូនមកទល់សព្វថ្ងៃនេះ៕
http://ift.tt/17hU5h2
