នាងក្រមុំអាយុ២២ឆ្នាំនៅផ្ទះម្នាក់ឯង ត្រូវជនកំហូចបញ្ឆោតឲ្យបើកទ្វារ រួចចាប់សង្កត់ករំលោភតាមអំពើចិត្ត
ខេត្តបន្ទាយមានជ័យ៖ កងរាជអាវុធហត្ថស្រុកអូរជ្រៅ ជាច្រើនាក់បានតាមប្រមាញ់ជនសង្ស័យម្នាក់ បន្ទាប់ពីបង្ខំរំលោភសេពសន្ថវៈបានសម្រេចលើរូបនាងក្រមុំម្នាក់ដល់ទៅជម្រៅកាលពីវេលាម៉ោងប្រមាណជា២០យប់ កាលពីថ្ងៃទី២៥ ខែមីនា ឆ្នាំ២០១៥កន្លងមកនេះ ហើយបានរត់គេចខ្លួនមួយរយៈ តែត្រូវកម្លាំងកងរាជអាវុធហត្ថឃាត់ខ្លួននៅវេលាម៉ោង៩ និង៣០នាទីព្រឹក ថ្ងៃទី៣០ ខែមីនា ឆ្នាំ២០១៥ ត្រង់ចំណុចយាងថ្មី ឃុំកូប ស្រុកអូរជ្រៅ ខេត្តបន្ទាយមានជ័យ។
លោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្ត បានថ្លែងឲ្យដឹងនៅល្ងាចថ្ងៃនេះថា ក្រោយពីបានទទួលពាក្យបណ្តឹងថា មានករណីរំលោភសេពសន្ថវៈ នៅលើផ្ទះនារីរងគ្រោះ លោកក៏បានបញ្ជាកឲ្យ លោកជា ពិសី មេបញ្ជាការកងរាជអាវុធហត្ថស្រុកអូរជ្រៅ ធ្វើការតាមដាន និងស្រាវជ្រាវរកជនល្មើស រហូតឈានមកការឃាត់ខ្លួនជនសង្ស័យបានសម្រេចតែម្តង។
លោកបានឲ្យដឹងថា បើតាមការឆ្លើយសារភាពរបស់ជនល្មើសថា ខ្លួនពិតជាបានធ្វើសកម្មភាពចាប់រំលោភលើនារីរងគ្រោះ មានឈ្មោះ ខ ល ភេទស្រី អាយុ២២ឆ្នាំ រស់នៅភូមិខាងលើខាងនេះ ខណៈពេលឪពុកម្តាយនាងមិននៅផ្ទះ រវល់តែធ្វើចំការ ឯស្រុកសំពៅលូន ដោយជនសង្ស័យបានប្រើល្បិចថាឪពុកម្តាយខលទូរស័ព្ទមកលេង ភ្លាមនោះនារីរងគ្រោះក៏បានបើកទ្វារផ្ទះ ហើយភ្លាមនោះខ្លួន(ជនល្មើស)បានធ្វើសកម្មភាពចាប់បង្ខំរំលោភតែម្តង រហូតបានសម្រេច ។
ហេតុការណ៍រំលោភសេពសន្ថវៈនេះ នៅវេលាម៉ោងប្រមាណជា២០យប់ កាលពីថ្ងៃទី២៥ ខែមីនា ឆ្នាំ២០១៥កន្លងមកនេះ ។ លោកមេបញ្ជាការបន្ថែមថា ជនល្មើសមានឈ្មោះ ម៉ាន ហ៊ន ភេទប្រុស អាយុ៣៨ឆ្នាំ រស់ភូមិកើតហេតុជាមួយគ្នាខាងលើនោះ ។ បច្ចុប្បន្នសមត្ថកិច្ចបានសាងសំណំរឿងជនល្មើស និងតាមការឆ្លើយសារភាពបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមនិតិវិធីច្បាប់៕ ដោយយុវតីប៉ោយប៉ែត
http://ift.tt/1FcSBRL
