ធ្លាក់ឧទ្ធម្ភាគចក្រ នៅម៉ិកស៊ិកូ សម្លាប់មនុស្ស ៣នាក់

ម៉ិកស៊ិកូ ស៊ីធី ៖ យ៉ាងហោច ណាស់មនុស្ស ៣នាក់បានស្លាប់ នៅថ្ងៃសុក្រ ទី២៧ ខែមីនា ឆ្នាំ ២០១៥ បន្ទាប់ពីឧទ្ធម្ភាគចក្រមួយគ្រឿង ដែលពួកគេជិះ បានធ្លាក់នៅក្នុងរដ្ឋ អកហ្សាកា ភាគខាងត្បូងប្រទេសម៉ិកស៊ិកូ។ នេះបើតាមការផ្សាយរបស់សារព័ត៌មានក្នុងស្រុក។

ឧទ្ធម្ភាគចក្រខាងលើនេះ បានធ្លាក់នៅក្នុងក្រុង សាន ម៉ាទីន ដឺ ផរ៉ែស ដែលវាជាកម្មសិទ្ធិ របស់ក្រុមហ៊ុន តែលម៉ិក ដ៏ធំមួយនៅក្នុងស្រុក។ មនុស្ស ៤នាក់ត្រូវបានគេរាយការណ៍ថា បានស្ថិតនៅក្នុងឧទ្ធម្ភាគចក្រ ហើយក្រោយពេលកើតហេតុ មានតែម្នាក់ប៉ុណ្ណោះដែលនៅ រស់រានមានជីវិត ក្នុងស្ថានភាពរបួសធ្ងន់ធ្ងរបំផុត និងកំពុងសម្រាកព្យាបាលនៅមន្ទីរពេទ្យ។

អាជ្ញាធររដ្ឋ អកហ្សាកា បានអះអាងថា មូលហេតុដែលបណ្តាលឲ្យឧទ្ធម្ភាគចក្រខាងលើនេះ ធ្លាក់ គឺទំនងជាបណ្តាល មកពីអាកាសធាតុ ត្រជាក់ខ្លាំងពេក ដែលនាំឲ្យយន្តហោះពិបាក ដំណើរការ និង អ្នកបញ្ជាមិន អាចគ្រប់គ្រង ស្ថានការណ៍បាន ៕

ផ្តល់សិទ្ធិដោយ ដើមអម្ពិល

from Khmernote - The best entertainment website in Cambodia http://ift.tt/1Gy7hgn