សាំយ៉ុង១គ្រឿងដាច់កង់ក្រោយ បានបោះពួយចេញពីផ្លូវក្រឡាប់ជាច្រើនត្រឡប់ស្លាប់១នាក់ និងរបួស១៧នាក់
ខេត្តសៀមរៀប៖ រថយន្តសាំយ៉ុង១គ្រឿងបានបោះពួយចេញពីផ្លូវកៅស៊ូធ្លាក់ជង្ហុកក្រឡាប់ជាច្រើនត្រឡប់ ដែលកម្មករប្រុសស្រីចំនួន២៧នាក់ ជិះក្នុងនោះ បានខ្ទាតប៉ើងហោះចេញតាមបំណែកកញ្ចក់ទ្វារ និងបង្អួច ដេកសន្លប់រដូករណែលរាយប៉ាយក្បែរៗរថយន្ត ដោយរបួសធ្ង់ៗ១៦នាក់ និង ស្លាប់បាត់បង់ជីវិត១នាក់ និងរបួសមធ្យម ១០នាក់ ។ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង ១០ និង៤០នាទី ព្រឹកថ្ងៃទី២៩ ខែមិនា ឆ្នាំ ២០១៥ នៅលើផ្លូវហាយវេ ចំណុចភូមិត្មាតពង ឃុំរុនតាឯក ស្រុកបន្ទាយស្រី ខេត្តសៀមរាប។
តាមប្រភពព័ត៌មាន នៅកន្លែងកើតហេតុបានឲ្យដឹងថា គ្រោះថ្នាក់នេះកើតឡើងដោយសារ រថយន្តបើកលឿន ហើយដាច់កង់ក្រោយផ្នែកខាងស្តាំ ដែលបណ្តាលឲ្យរថយន្តបាត់បង់លំនឹង ហើយបានប្រទាញកាច់ធ្លាកចេញពីផ្លូវបណ្តាលឲ្យក្រឡាប់ជាច្រើនត្រឡប់ផ្ទុះកញ្ចក់បែកអស់គ្មានសល់ ហើយខូចខាតកំពិតតួរថយន្តទាំងស្រុង៕
http://ift.tt/1D7Dt9n
