PMក្រុងប៉ោយប៉ែតឃាត់ខ្លួនជនសង្ស័យម្នាក់ និងវត្ថុតាងគ្រឿងញៀនមេតំហ្វេតាមីន៥គ្រាប់តូចៗ បញ្ជូនឡើងតុលាការខេត្ត
ខេត្តបន្ទាយមានជ័យ៖ ជនសង្ស័យម្នាក់ ជាម្ចាស់ទីតាំងលក់សំបុត្ររថយន្ដក្រុង ត្រូវកម្លាំងកងរាជអាវុធហត្ថក្រុងប៉ោយប៉ែតឃាត់ខ្លួនពីបទចែកចាយថ្នាំញៀនរួមទាំងវត្ថតាងគ្រឿងញៀនប្រភេទមេតំហ្វេតាមីន ចំនួន៥គ្រាប់ និងវត្ថុតាងមួយចំនួនទៀត។ ការឃាត់ខ្លួននេះបានធ្វើឡើងនៅ វេលាម៉ោង៩ និង៤៥នាទីព្រឹក កាលពីថ្ងៃទី២៩ ខែមីនា ឆ្នាំ២០១៥ នៅចំណុចមុខវត្ដ បាលិលេយ្យប៉ែកខាងលិច ស្ថិតក្នុងភូមិ ក្បាលកោះ សង្កាត់-ក្រុងប៉ោយប៉ែត ខេត្ដបន្ទាយមានជ័យ ។
លោកឧត្តមសេនីយ៍ត្រី ឱ បូរិន្ទមេបញ្ជាការកងរាជអាវុធហត្ថខេត្តបន្ទាយមានជ័យបានប្រាប់អោយដឹងនៅរសៀលថ្ងៃទី៣០ ខែមីនា ឆ្នាំ២០១៥នេះថា ក្រោយពីកម្លាំងជំនាញយើងបានដាក់ការស្រាវជ្រាវ តាមដានរហូតឈានមកដល់ការឃាត់ខ្លួន និងចែកឆេររកឃើញវត្ថុតាងគ្រឿងញៀន ប្រភេទមេតំហ្វេតាមីន យ៉ាមា ចំនួន៥គ្រាប់ អាវុធខ្លី កែច្នៃ (ខ្យល់) ចំនួន១ដើម ពូថៅ ១ ទូរស័ព្ទដៃ ១គ្រឿង ដែកថ្តក់កង្ហា ចំនួន៣ និងកាំបិតខ្លី ១ដើម ។
លោកមេបញ្ជាកបន្តថា ទាំងអស់នេះគឺមានការចុះអន្តរាគមន៍ផ្ទាល់ ដោយលោកតែម ប៉ូឡា មេបញ្ជាការរងមូលដ្ឋានកងរាជអាវុធហត្ថក្រុង និងលោក រស់ សាហានមេបញ្ជាការរងមូលដ្ឋានកងរាជអាវុធហត្ថក្រុង ដោយមានការបញ្ជាផ្ទាល់ដោយជា ដា មេបញ្ជាការកងរាជអាវុធហត្ថក្រុងទើបមានការបង្ក្រាបបានករណីខាងលើនេះសម្រេច ។
ជនសង្ស័យមានឈ្មោះចាន់ ពៅ ភេទប្រុស អាយុ៣៣ឆ្នាំ រស់នៅភូមិកើតហេតុ មានមុខរបជាអ្នកលក់សំបុត្ររថយន្តក្រុង បញ្ជាក់ជនសង្ស័យនេះគឺពូកែខាងគាបជម្រិតបោកលក់សំបុត្ររថយន្ត មានតម្លៃកប់ពពក ប៉ោយប៉ែត ទៅភ្នំពេញមានតម្លៃ៥០០បាត ស្មើនឹង៦៥០០០រៀល ក្នុងម្នាក់សំរាប់ពលករដែលមកពីប្រទេសថៃ តែតម្លៃពិតត្រឹមតែ ២៥០០០រៀលប៉ុណ្ណោះ។ បច្ចុប្បន្នសមត្ថកិច្ចបានសាងសំណំរឿងជនសង្ស័យខាងលើ រួមទាំងវត្ថុតាងបញ្ជូនទៅកាន់សាលាដំបូងខេត្តដើម្បីចាត់ការតាមនិតិវិធីច្បាប់៕ ដោយយុវតីក្រុងប៉ោយប៉ែត
http://ift.tt/19HduJB
