មានគេដាក់ញត្តិសុំយក ផ្ទះលោក លីក្វាន់យូ ធ្វើជាតំបន់ បេតិកភណ្ឌជាតិ
បុរសម្នាក់ឈ្មោះលោក Benedict Yuen បានចាប់ផ្តើមសរសេរញត្តិដាក់នៅលើគេហទំព័រឈ្មោះ change.org ដើម្បីស្នើសុំអាជ្ញាធរ អោយយកផ្ទះរបស់លោកលីក្វាន់យូ ដែលមានទីតាំងនៅលើបណ្តោយផ្លូវ Oxley ធ្វើជាតំបន់បេតិកភ័ណ្ឌជាតិជាផ្លូវការ។
ខាងក្រោមនេះ គឺជាញត្តិរបស់លោក :
«ផ្ទះ ដែលមាន style ដូចផ្ទះក្នុងសម័យអាណានិគមដ៏ធំនេះ មិនគួរត្រូវបានបំផ្លាញចោលឡើយ ប៉ុន្តែគួរតែត្រូវបានថែទាំទុកក្នុងរយៈពេលយូរតាមតែអាចធ្វើទៅបាន ។
” ជាងពាក់កណ្តាលសតវត្សរ៍កន្លងមក បន្ទប់ក្រោមដីនៃផ្ទះនេះគឺជាកន្លែងដែល ក្រុមអ្នកនយោបាយមិនគិតពីផលប្រយោជន៍ផ្ទាល់ខ្លួន ហើយមានការប្តេជ្ញាចិត្តខ្ពស់មួយក្រុម រូមទាំងបិតាស្ថានិក លី ក្វាន់យូរ បានមក ប្រមូលផ្តុំគ្នាជាញឹកញាប់ដើម្បីពិភាក្សា និង ធ្វើផែនការស្វ័យភាព-របស់ប្រទេសសិង្ហបុរី និង ការទាមទារឯករាជ្យភាពជាបន្តបន្ទាប់ពីចក្រភពអង់គ្លេសក្នុងអំឡុងពេលថ្ងៃចលាចល នៅក្នុងឆ្នាំ 1950 ។
«ពួកយើង នឹងសោកស្តាយបំផុតប្រសិនបើផ្ទះរបស់លោក Lee ត្រូវបានបំផ្លាញចោលនៅពេលខាងមុខ ។
“សិស្សៗ ជំនាន់ក្រោយនឹងបានមកមើលផ្ទះនេះផ្ទាល់ ដើម្បីជាអំនះអំនាង នៅពេលដែលគេឃើញ រូបភាពនៃផ្ទះ នៅក្នុងសៀវភៅប្រវត្តិសាស្រ្តរបស់គេ ។
«ប្រសិនបើផ្ទះនោះក្លាយទៅជាសារមន្ទីរសាធារណៈ សំរាប់អោយ សិស្ស និស្សិត និង សាធារណៈជនទូទៅ រួមទាំងភ្ញៀវទេសចរបានចូលទស្សនា នោះវាជាវិធីសាស្រ្តមួយ ដើម្បីអោយមនុស្សគ្រប់រូបបានចងងចាំនូវប្រវត្តិសាស្ត្រ និងមានមនះសិកា ស្នេហាជាតិ ។
«យើងមានហេតុផលគ្រប់គ្រាន់ហើយដើម្បីធ្វើរឿងនេះ ដូច្នេះយើងមិនគួររុះរើផ្ទះនោះ ហើយគម្រោងការនេះមិនអាចត្រលប់ក្រោយបានទេ ” ៕
ដោយ៖ ខ្មែរណូត
ប្រភព៖ បរទេស
from Khmernote - The best entertainment website in Cambodia http://ift.tt/1IlyVeP
