ដង្ហែរបុណ្យផ្កាធ្វើសាលាបុណ្យ ជូនប្រជាពលរដ្ឋ៤ភូមិក្នុងឃុំជលសារ ស្រុកជលគីរី
ខេត្តកំពង់ឆ្នាំង៖ បច្ច័យបុណ្យផ្កាសាមគ្គីប្រមាណជា២០លានរៀល ដែលបានរួមគ្នាដង្ហែរមកកសាងសាលាបុណ្យ មួយនៅក្នុងកំពង់ខ្លាញ់ ឃុំជលសារ ស្រុកជលគីរី ត្រូវបានក្រុមការងារថ្នាក់កណ្តាលគណៈបក្សប្រជាជនកម្ពុជា ខេត្ត ស្រុក ចុះជួយស្រុកជលគីរី ជាអ្នកផ្តួតផ្តើមដង្ហែរមក ដើម្បីបំពេញសេចក្តីត្រូវការរបស់ប្រជាពលរដ្ឋ៤ភូមិនៅតំបន់ឆ្ងាយពីវត្ត នៅក្នុងឃុំជលសារ។
ពីធីដង្ហែបុណ្យផ្កានេះបានធ្វើឡើងនៅព្រឹកថ្ងៃទី២១ ខែមេសា ឆ្នាំ២០១៥ ដោយដង្ហែរពីក្រុងកំពង់ឆ្នាំងឆ្ពោះទៅកាន់ភូមិ ឃុំខាងលើនេះ ដោយមានការចូលរួមពីលោក យិន សាវ៉េន អភិបាលស្រុកជលគីរីលោក លោកស្រីប្រធានមន្ទីរ ក្នុងស្រុក និងតំណាងក្រុមការងារថ្នាក់កណ្តាលចុះជួយស្រុកជលគីរីខេត្ត ស្រុករួម និងបងប្អូនប្រជាពលរដ្ឋ៥ឃុំនិង២៦ភូមិចូល រួមផងដែរ។
ប្រជាពលរដ្ឋដែលបានចូលរួមក្នុងពីធីបុណ្យផ្កាសាមគ្គឺនេះបាននិយាយអោយដឹងថា៖ពួគគាត់មានការត្រេកអយ៉ាងខ្លាំងណាស់ខណះដែលបានក្រុមការងារថ្នាក់កណ្តាលរបស់គណះបក្សប្រជាជនកម្ពុជា ខេត្ត និងស្រុកចូលរួមធ្វើកសាង សាលាបុណ្យមួយខ្នងនៅក្នុងភូមិកំពង់ខ្លាញ់ សម្រាប់បងប្អូនប្រជាពលរដ្ឋទាំង៤ភូមិ ដែលនៅឆ្ងាយពីវត្តបានធ្វើបុណ្យ ទៀន ផ្សេងៗតាមព្រះពុទ្ធសាសនា។
លោកអភិបាលស្រុកជលគីរីបាននិយាយអោយដឹងផងដែរថា៖កន្លងមកភូមិទាំង៤ខាងលើគ្មានសាលាបុណ្យសម្រាប់ធ្វើបុណ្យទេ ព្រោះភូមិរបស់ពួគគាត់នៅឆ្ងាយពីទីវត្តហើយ៦ខែលិចទឹក និង៦ខែគោគ ដែលធ្វើមានការលំបាក ទៅមកក្នុង ការ ធ្វើបុណ្យទៀន។ការផ្តួចផ្តើមបុណ្យផ្កាសាមគ្គឺនេះឡើងដោយ លោក ម៉ែន វុទ្ធី អនុប្រធានក្រុមការងារថ្នាក់កណ្តាល ចុះ ជួយស្រុកជលគីរី និងមានការជួយពី សម្តេចចៅហ្វាវាំងគង់សំអុល និងឯកឧត្តម គុយ សុផល ក្នុងគោលបំណង កសាងសាលាបុណ្យនេះអោយខ្ពស់ពីទឹកសម្រាប់បងប្អូនប្រជាពលរដ្ឋលោកតាលោកយាយបានធ្វើបុណ្យទៀនតាមទម្លាប់របស់ព្រះពុទ្ធសាសនា និងជាប្រយោជន៍មួយសម្រាប់ធ្វើជាទីទួលសុវត្ថិភាពពេលមានការជួបនៅគ្រោះមហន្តរាយ ទឹកជំនន់នៅរដូវទឹកឡើងផងដែរ ។
លោកអភិបាលស្រុកបានអោយដឹងបន្ថែមទៀតថា៖ កន្លងមកពេលប្រជាពលរដ្ឋរងគ្រោះដោយទឹកជំនន់ត្រូវបានអាជ្ញាធរជំលៀស ពួកគាត់ពីភូមិទាំង៤ដឹកយកទៅកាន់ទីទួលសុវត្ថិភាពឆ្ងាយៗ ពីភូមិកំណើតរបស់ពួគគាត់។ដោយមើលឃើញ ការលំបាកខាងលើនេះទើបក្រុមការងារថ្នាក់កណ្តាលរបស់គណះបក្សប្រជាជនកម្ពុជាចុះជួយស្រុកជលគីរី ក៍ដូចជាថ្នាក់ខេត្ត និងស្រុកបានផ្តួចផ្តើមធ្វើបុណ្យផ្កានេះឡើងដើម្បីសម្រួលដលការធ្វើបុណ្យក៍ដូចជាការសម្រួលដល់ការជំលៀសប្រជាពលរដ្ឋក្នុងពេលជួប និងគ្រោះទឹកជំនន់ដែលកើតមានឡើងចំពោះប្រជាពលរដ្ឋយើង៕ ដោយ រិទ្ធិ ជ័យ
http://ift.tt/1K8zpqb
