បុររសម្នាក់ឆបោកព្រះសង្ឃត្រូវសមត្ថកិច្ចចាប់ខ្លួនបញ្ជូនទៅតុលាការខេត្ត
ខេត្តកំពង់ឆ្នាំង៖ បុរសជាជនឆរបោកម្នាក់ ត្រូវបានសមត្ថកិច្ចនគបាលស្រុកកំពង់លែងឃាត់ខ្លួន នៅពេលគេបានយករូបព្រះអង្គស្ពាន់មួយអង្គ ថាជាព្រះអង្គសំរិតមកធ្វើការល្បួងលួងលោមលក់ អោយព្រះសង្ឃនៅវត្ត២ មិនបានសម្រេច។ ហេតុការណ៍នេះបានកើតឡើងនៅវេលាម៉ោង១២ និង៣០នាទីថ្ងៃទី២០ ខែមេសា ឆ្នាំ២០១៥ នៅចំណុចវត្តសំរោងអណ្តែត ស្ថិតក្នុងភូមិកំពង់ហៅ ឃុំកំពង់ហៅ ស្រុកកំពង់លែង។
សមត្ថកិច្ចនគរបាលស្រុកកំពង់លែងបានអោយដឹងថា៖ជនសង្ស័យនេះមានឈ្មោះ វ៉ាន់ ចន្ធី ភេទប្រុស អាយុ៤៩ឆ្នាំ មានមុខរបរជាជាងសំណង់ និងមានប្រពន្ធឈ្មោះនឹម ស៊ីនួនអាយុ៣៨ឆ្នាំ មានកូន៤នាក់នៅក្នុងបន្ទុករស់នៅក្នុងភូមិផ្ទះព្រៃ ឃុំពាញែក ស្រុកសំពៅមាស ខេត្តពោធិសាត់។ មុនពេលចាប់ខ្លួន សមត្ថកិច្ចបានទទួលព័ត៌មានពីព្រះសង្ឃថា មានជនសង្ស័យបានមកធ្វើការល្បួងលូងលោម ដោយបានយករូបព្រះពុទ្ធរូប១អង្គមកប្រគេនព្រះអង្គថាជាសំរិទ្ធ និងសុំបច្ច័យព្រះអង្គចំនួន២០ម៉ឺនរៀលធ្វើ ជាសោហ៊ុយ ទៅមើលម្តាយឈឺនៅក្នុងលំនៅដ្ឋានខេត្តពោធិសាត់។
សមត្ថកិច្ចបានបញ្ជាក់អោយដឹងទៀតថា៖ ដំបូងគេបានទៅធ្វើការលូងលោមបញ្ចុះបញ្ចូលព្រះសង្ឃនៅវត្តភ្នំ ឃុំតាងិល តែការបញ្ចុះបញ្ចូលមិនបានសម្រេច ជនសង្ស័យក៍បានមកលួងលោមព្រះសង្ឃនៅក្នុងវត្តសំរោងអណ្តែតទៀត ហើយត្រូវបានសមត្ថកិច្ចឃាត់ខ្លួន ដោយបានឆែកឆេរដកហូតបានរូបព្រះពុទ្ធ រូបស្ពាន់តូចមួយអង្គ។ក្រោយពីបានរាយការណ៍ជូនលោកស្នងការនគបាលខេត្ត និងសុំការអនុញ្ញាត ពីលោកព្រះរាជអាជ្ញាខេត្តរួចមក ជនសង្ស័យត្រូវបាននាំខ្លួនមកអធិការនគបាលស្រុក កំពង់លែងធ្វើការសួរនាំតាមនិតិវិធី ។
នៅចំពោះមុខសមត្ថកិច្ចជនសង្ស័យបានសារភាពថា៖ករណីនេះខ្លួនពិតជាបានប្រព្រឹត្តដូច្នេះមែន និងកន្លងមកបានធ្វើដូចខាងករណីខាងលើនេះបានចំនួន៦លើក ហើយចុងក្រោយនេះក៏ត្រូវបានសមត្ថ កិច្ចឃាត់ខ្លួនតែម្តង។ជនសង្ស័យរូនេះត្រូវបានសមត្ថកិច្ចកសាងសំណុំរឿងបញ្ជូនខ្លួន ទៅកាន់ការិយាល័ យព្រហ្មទណ្ឌកម្រឹតស្រាល នៃស្នងការនគបាលខេត្តកំពង់ឆ្នាំង។
លោកប៉ុល វុទ្ធីស្នងការរងនគបាលខេត្តនិងជាប្រធានការិយាល័យកណ្តាល យុត្តិធម៌ បាននិយាយអោយ ដឹងថា៖ ជនសង្ស័យត្រូវបានសមត្ថកិច្ចជំនាញនគបាលខេត្តកសាងសំណុំរឿង បញ្ជូនទៅសាលាដំបូងខេត្ត ចាត់ការបន្តតាមនិតិវិធីនិងអាចចោទប្រកាន់ផ្តន្ទាទោសតាមបញ្ញត្តិច្បាប់៕ ដោយ រិទ្ធិ ជ័យ
http://ift.tt/1K8zslV
