វិធីសាស្ត្រមើលថែកូនៗ ក្នុងពេល អ្នកកំពុង លែងលះគ្នា
នៅពេល ដែលឪពុកម្តាយ មានជម្លោះ ត្រូវលែងលះគ្នាទេ កូនៗក៏ក្លាយជាជនរងគ្រោះដោយសារភាពតានតឹងក្នុងចិត្ត។ ក្មេងៗមិនអាចយល់ពីទស្សនៈនៃការរៀបការ ឬលែងលះឡើយអ្វីគ្រប់យ៉ាងដែលពួកគេដឹងគឺ ការឈឺចាប់។ ក្នុងកំឡុង ពេលលែងលះគ្នា អ្វីដែលសំខាន់ត្រូវគិតពីការថែរក្សាកូនឲ្យបានល្អ ។ គម្រោងមុនពេលលែងលះគ្នាគួរតែធ្វើឡើង ដើម្បីធ្វើឲ្យកូនៗអាចកែតម្រូវទៅតាមស្ថានភាពបាន។
អ្នកគួរតែបន្ថែមបរិកាសល្អៗនៅក្នុងផ្ទះ ហើយអ្នកត្រូវចាប់អារម្មណ៏នឹងតម្រូវការរបស់កូនៗ។ ប្រសិនបើអ្នកជា ឪពុកម្តាយ ដែលចង់ដឹងពីវិធីសាស្ត្រដើម្បីមើលថែកូនឲ្យ បានល្អ ក្នុងកំឡុងពេលកំពុងលែងលះគ្នា ខាងក្រោមនេះជាការ ណែនាំ និងវិធីសាស្ត្រមួយចំនួនអាចជួយដល់អ្នកបាន៖
១. រក្សាទម្លាប់ដដែល
កុំព្យាយាមផ្លាស់ប្តូរទម្លាប់កូនរបស់អ្នក នៅពេលអ្នកលែងលះគ្នា។ បំលាស់ប្តូរនៅក្នុងជីវិតប្រចាំថ្ងៃនឹងធ្វើឲ្យកូនៗ គិតពីហេតុផល។ សូមកុំប្តូរសាលារៀន ឬថ្ងៃថែទាំរបស់ពួកគេ។
២. ពិភាក្សាគ្នាជាលក្ខណៈឯកជន
ត្រូវចងចាំថា ត្រូវរក្សាការពិភាក្សារបស់អ្នកឲ្យឆ្ងាយពីភ្នែក ពីត្រចៀកកូនៗរបស់អ្នក។ នេះជាចំណុចសំខាន់ ក្នុងពេល កំពុងមើលថែកូន កំឡុងពេលកំពុងលែងលះគ្នា។
៣. កុំជេរប្រមាថគូស្នេហ៏ចាស់របស់អ្នក
កុំនិយាយពីរឿងអាក្រក់របស់គូស្នេហ៏ចាស់របស់អ្នកនៅចំពោះមុខកូនៗរបស់ អ្នក។ វានឹងបង្ខំឲ្យកូនៗរបស់អ្នកស្វែង រកការពិត។ ត្រូវជឿជាក់លើខ្លួនឯង ត្រូវមានទំនុកចិត្ត។
៤. សុំជំនួយពីអ្នកជំនាញ
ត្រូវចេះទទួលយកដំបូន្មានពីអ្នកចិត្តសាស្ត្រ ឬអ្នកប្រឹក្សា។ វានឹងអាចជួយដល់ទាំងឪពុកម្តាយ និងកូនឲ្យបានយល់ពី ស្ថានភាពធ្វើឲ្យការសម្រេចចិត្តអំពីគម្រោងទៅថ្ងៃ អនាគត។
៥. ការទំនាក់ទំនងត្រូវឲ្យច្បាស់លាស់
ត្រូវចេះអត់ធ្មត់នៅពេលនិយាយ និងឆ្លើយតបនូវរាល់មន្ទិលសង្ស័យរបស់កូនៗ។ វានឹងធ្វើឲ្យកូនៗកាន់តែមានទំនុក ចិត្តជាមួយនឹងអ្នក។ ត្រូវគិតដល់អាយុកូនៗរបស់អ្នក ហើយព្យាយាមពន្យល់បញ្ហាជាភាសាសាមញ្ញៗ ដែលងាយ ឲ្យពួកគេយល់។
៦. គោរពអារម្មណ៏របស់កូនៗ
មិនថាអ្នកខិតខំព្យាយាមខ្លាំងប៉ុណ្ណាទេ ការឈឺចាប់ និងភាពក្រៀមក្រំរបស់កូនៗនឹងត្រូវការពេលវេលាដើម្បីព្យាបាល។ ត្រូវចេះគោរពអារម្មណ៏ និងគំនិតរបស់ពួកគេ។ នេះជាចំណុចដែលសំខាន់មួយដែលអ្នកត្រូវរក្សាទុកក្នុងចិត្ត ក្នុងពេលកំពុងមើលថែគេ ក្នុងកំឡុងពេលកំពុងលែងលះគ្នា។
៧. ក្តីសុខនៅក្នុងផ្ទះ
ទីកន្លែងស្និតស្នាលដែលកូនៗចង់បាននោះគឺ ក្តីសុខនៅក្នុងផ្ទះ។ ដូច្នេះ ត្រូវព្យាយាមធ្វើឲ្យបរិយាកាសក្នុងផ្ទះរបស់អ្នកល្អជានិច្ច។ ត្រូវធ្វើឲ្យផ្ទះជាកន្លែងរស់នៅដែលមានផាសុកភាព៕
ដោយ៖ ខ្មែរណូត
ប្រភព៖ បរទេស
from Khmernote - The best entertainment website in Cambodia http://ift.tt/1OjeAyi
