៤នាក់ជាប់ពាក់ព័ន្ធទៅនឹងការរក្សាទុក ចែកចាយថ្នាំញៀនត្រូវសមត្ថកិច្ចឃាត់ខ្លួន
ខេត្តព្រះសីហនុ៖ មនុស្សប្រុសស្រីចំនួន៤នាក់ បានរក្សាទុក និងចែកចាយថ្នាំញៀន ត្រូវបានកម្លាំងជំនាញ នៃការិយាល័យប្រឆាំងគ្រឿងញៀនធ្វើការឃាត់ខ្លួននាយប់ថ្ងៃទី២១ និង២២ ខែមេសា ឆ្នាំ២០១៥ នៅចំណុចភូមិ៣ សង្កាត់លេខ២ ក្រុងព្រះសីហនុ។
លោកវរសេនីយ៍ទោ តាក សារិទ្ឋ នាយការិយាល័យប្រឆាំងការជួញដូរថ្នាំញៀននៃស្នងការដ្ឋាននគរបាលខេត្តព្រះសីហនុបានឲ្យដឹងថា ការចាប់ឃាត់ខ្លួននេះត្រូវបានធ្វើឡើង បន្ទាប់ពីកម្លាំងរបស់លោកធ្វើការស៊ើបអង្កេតអស់ជាច្រើនសប្តាហ៍កន្លងមក។ ប៉ុន្តែកាលនោះ ដោយពុំទាន់វត្ថុតាងច្បាស់លាស់ ទើបសមត្ថកិច្ចពុំទាន់ចាប់ខ្លួនពួកគេ។ រហូតដល់ថ្ងៃទី២១ខែសីហាឆ្នាំ២០១៤ វេលាម៉ោង២៣ និង១៥នាទីខណៈពេលជនសង្ស័យ កំពុងធ្វើសកម្មភាពចែកចាយ ទើបកម្លាំងរបស់លោក ចុះធ្វើការឃាត់ខ្លួនដោយរឹបអូសបានទាំងវត្ថុតាង។
លោកបានបន្តថា ជនសង្ស័យទាំង៤នាក់មានឈ្មោះ ទី១-ឈ្មោះ ចាន់ ដាវិត ភេទប្រុស អាយុ២៦ឆ្នាំ បច្ចុប្បន្នស្នាក់នៅផ្ទះជួល ភូមិ៣ សង្កាត់លេខ២ក្រុង ខេត្តព្រះសីហនុ(ពីបទចែកចាយគ្រឿងញៀន), ទី២-ឈ្មោះ សូ ថាវីភេទប្រុស អាយុ២៨ឆ្នាំ មានទីលំនៅ បច្ចុប្បន្នស្នាក់ស្នាក់នៅផ្ទះជួល ភូមិ៣ សង្កាត់លេខ២ក្រុង ខេត្តព្រះសីហនុ (ពីបទចែកចាយគ្រឿងញៀន)។ វត្ថុតាងដែលរឹបអូសបានមាន៖ ថ្នាំញៀនមេតំហ្វេតាមិនចំនួន០១កញ្ចប់ធំស្មើនឹង៧.៨ក្រាម -ម៉ូតូចំនួន០២គ្រឿង -ជញ្ជឹងថ្លឹងចំនួន០១ -ទូរស័ព្ទដៃ០៤គ្រឿង -កាបូបលុយ០១ -ថង់ផ្លាស្ទិក១ដុំ។
ហើយនៅយប់ថ្ងៃទី២២មេសារឆ្នាំ២០១៥វេលាម៉ោង០១ និង០០ នាទីយប់ ដោយបានឃាត់ខ្លួន បានជនសង្ស័យ២នាក់បន្ថែមទៀតក្នុងនោះមាន ទី១-មានឈ្មោះ ង្វៀង កុងដឹកតឿង ភេទ ប្រុស អាយុ៣៧ឆ្នាំជនជាតិវៀតណាមមានមុខរបរចឹញ្ចឹមបង្គារ មានទីលំនៅទីក្រុងហូជីមិញ (ពីបទប្រើប្រាស់គ្រឿងញៀន)ទី២-មានឈ្មោះ ឡេ ជីគីមថូ ភេទ ស្រី អាយុ៣៨ឆ្នាំមានទីលំនៅខេត្តហាទៀង ប្រទេសវៀតណាម។ប្រភពដ៏ដែលបានបន្តថា ក្នុងយុទ្ឋនាការចុះបង្ក្រាបនេះដែរ សមត្ថកិច្ចបានរកឃើញនូវវត្ថុតាងមួយចំនួនរួមមានៈថ្នាំញៀនមេតំហ្វេតាមិនចំនួន៤កញ្ចប់ស្មើនឹង១៤ក្រាម -ម៉ូតូចំនួន០២គ្រឿង -ជញ្ជឹងថ្លឹងចំនួន០៣គ្រឿង -ដបជក់ចំនួន០៣- ថង់ផ្លាស្ទិក១ដុំធំ។
បច្ចុប្បន្នជនសង្ស័យទាំង៤នាក់ រួមជាមួយវត្ថុតាងកំពុងត្រូវបានកំលាំងសមត្ថកិច្ចសាកសួរនិងកសាងសំណុំរឿងបញ្ជូនទៅកាន់សាលាដំបូងខេត្តព្រះសីហនុ ចាត់ការតាមនិតិវិធី៕ ដោយ សមុទ្រខៀវ
http://ift.tt/1OexvtX
