តន្ត្រីករ២នាក់ជិះម៉ូតូឌុបគ្នា កាត់រាត្រីបានទៅបុកម៉ូតូ១គ្រឿងទៀតក្នុងដំណើរបញ្ច្រាសទិសគ្នាប៉ើងចេញពីគ្នារបួសហូរឈាមធ្ងន់ទាំង៣នាក់
ខេត្តកណ្តាល៖ បុរសចុះណាស់ជាតន្ត្រីករជិះម៉ូតូឌុបគ្នាក្នុងរាត្រី បានវ៉ាក់អើបុកជាមួយម៉ូតូ១គ្រឿងទៀតបើកបរដោយយុវជនម្នាក់ ដោយដំណើរបញ្ច្រាសទិសគ្នាបានបណ្តាលឲ្យម៉ូតូទាំង២គ្រឿងជល់គ្នាពេញទំហឹងដួលប្រកាចប្រកិនបណ្តាលឲ្យអ្នកជិះលើម៉ូតូទាំងបីនាក់ដួលបោកខ្លួនលើផ្លូវរបួសបែកមុខបែកមាត់ត្រូវដៃត្រូវជើងហូរឈាមរងរបួសធ្ងន់រៀងៗខ្លួន។ គ្រោះថ្នាក់ចរាចរណ៍កើតហេតុនៅវេលាម៉ោង២១ និង៥០នាទីយប់ថ្ងៃទី១៥ ខែមេសា ឆ្នាំ២០១៥ នៅចំណុចផ្លូវលេខ២១A ភូមិ ព្រែករុន ឃុំ ព្រែកគយ ស្រុក ស្អាង ខេត្ត កណ្ដាល។
នគរបាលប៉ុស្តិ៍ព្រែកគយបានឲ្យដឹងថា៖ ជនរងគ្រោះទី១ឈ្មោះ ម៉ី ខន ភេទប្រុស អាយុ៥៥ឆ្នាំ មុខរបរតន្ត្រីករ (មិនពាក់មួក) មានទីលំនៅភូមិសំបួលើ ឃុំព្រែកថ្មីស្រុកកោះធំ ខេត្តកណ្ដាល បាធ្វើដំណើរពីជើងមកត្បូង ។ ជាអ្នកបើកបរ ម៉ូតូម៉ាក SUZUKI វីវ៉ា សេ១១០ ពណ៌ខ្មៅ ពាក់ផ្លាកលេខភ្នំពេញ1J-3411។ជនរងគ្រោះទី២ ជាអ្នក រួមដំណើរ ឈ្មោះ កៅ អ៊ិត ភេទប្រុស អាយុ៥០ឆ្នាំ មុខរបរតន្ត្រីករ (អត់ពាក់មួក) នៅភូមិឃុំជាមួយគ្នា។ ចំណែកភាគីម្ខាងទៀតដែលរងរបួសដែរនោះឈ្មោះ គង់ គឹមស្រ៊ុន ភេទប្រុស អាយុ៣២ឆ្នាំ បើកបរម៉ូតូហុងដាវ៉េវ សេ១២៥ ពណ៌ក្រហមលាយខ្មៅ គ្មានស្លាកលេខ មានទីលំនៅភូមិ ត្រើយត្រឹង្ស ឃុំព្រែកអំបិលដែលកំពង់បើកពីត្បូងទៅជើង លុះដល់ចំណុចកើតហេតុខាងលើដោយមានល្បឿលឿនដូចគ្នាស្របពេលយប់ផងមើលមិនសូវច្បាស់ក៏បានបុកគ្នាពេញទំហឹងបណ្តាលឲ្យរងរបួសទាំង៣នាក់ និងម៉ូតូខូចខាតខ្ទេចទាំងពីរ។ករណីនេះគ្រោះថ្នាក់ចរាចរណ៍នេះសមត្ថកិច្ចបានបញ្ជាក់ថា បង្កឡើងដោយអ្នកបើកបរម៉ូតូម៉ាក SUZUKI វីវ៉ា។
បន្ទាប់ពីកើតហេតុជនរងរបួសទាំង៣នាក់ត្រូវបានដឹកយកនៅសង្គ្រោះនៅមន្ទីរពេទ្យ បង្អែកស្អាង រួចបញ្ជូនបន្តទៅកាល់ម៉ែត្រ ។ ចំណែកម៉ូតូទាំង២គ្រឿង ត្រូវនគរបាលយកមករក្សាទុកនៅអធិការដ្ឋាន នគរបាល ស្រុកស្អាង ដើម្បីរងចាំការដោះស្រាយ៕
http://ift.tt/1CQLSsz
