ស្នេហ៍ពិតរញ្ចួយមេឃ! លោកយាយកោងខ្នង នាំផ្លូវស្វាមី ពិការដើរ អស់រយៈ ពេល ៣០ឆ្នាំ ដោយមិន ត្អូញត្អែរមួយម៉ាត់
ចិន៖ គូរអោយកោតសរសើរ លោកយាយ Wie Guiyi មានអាយុ 76 ឆ្នាំបាននាំផ្លូវស្វាមីពិការភ្នែករបស់គាត់ លោកតា Huang Funeng 80 មានអាយុ ៨០ ឆ្នាំ ដើរទៅណាមកណា ដោយប្រើឈើឫស្សី អស់រយៈពេល ៣០ឆ្នាំ គិត ចាប់តាំងពីស្វាមីគាត់ចាប់ផ្តើមពិការភ្នែក ក្នុងឆ្នាំ ១៩៨៥ ។ លោកយាយ និង លោកតាសព្វថ្ងៃរស់នៅក្នុងភូមិរបស់តូច មួយក្នុងភាគខាងត្បូងប្រទេសចិន ។
បើទោះបីមានជំងឺគមខ្នង , និវត្តជនម្នាក់នេះមិនដែលត្អូញត្អែរពីការលំបាករបស់គាត់ឡើយ ហើយគាត់បាននិយាយ ប្រាប់អ្នកយកសារពត៌មានថា គាត់តែងតែសម្លឹងមើលទៅមុខជានិច្ច មិនដែលរាថយទេ ។ រឿងរ៉ាវរបស់ ប្តីប្រពន្ធ ចំណាស់មួយគូរនេះ ត្រូវបានគេផ្សព្វផ្សាយពេញបណ្តាណសង្គមអ៊ីនធឺណិតចិន ហើយប្រជាជនគ្រប់គ្នាបានកោត សរសើរ ពីទឹកចិត្តស្រលាញ់របស់គាត់ ដែលគាត់មិនទៅណាចោលគ្នាទោះមានការលំបាកក៏ដោយ ហើយគេបាន និយាយថា នេះហើយ ជាស្នេហាពិត។
ពួកគេបានរៀបការជាមួយគ្នាអស់រយះពេល 55 ឆ្នាំមកហើយ ប៉ុន្តែពួកគាត់គ្មានកូនម្នាក់ទេ ។ នៅថ្ងៃរៀបអាពាហ៍ ពិពាហ៍ របស់ពួកគាត់បានសន្យាគ្នាថា ពួកគាត់នឹងមើលថែគ្នាអស់មួយជីវិត ។លោកយាយតែងតែពណ៌នាអំពីអ្វី គ្រប់យ៉ាង ដែលគាត់មើលឃើញ ប្រាប់ទៅលោកតា នៅពេលដែលគាត់ ដើរទៅផ្សារ ឬទៅទីណាមួយ ។
លោកយាយបាននិយាយថា៖ “ខ្ញុំសប្បាយរីករាយខ្លាំងណាស់ដែលខ្ញុំបាន រស់នៅក្បែរគ្នា” ។ “ខ្ញុំគឺជាភ្នែករបស់គាត់ ហើយគាត់គឺជាអ្វីគ្រប់យ៉ាងរបស់ខ្ញុំ” ៕
ដោយ៖ ខ្មែរណូត
ប្រភព៖ បរទេស
from Khmernote - The best entertainment website in Cambodia http://ift.tt/1PfWcn3
