យុវជនម្នាក់ ជិះម៉ូតូឡើងស្ពានព្រែកតាមាក់ បោះពួយលឿនស្លេវ ទៅបុកគូទរថយន្តពេញទំហឹងបោកក្បាលនឹងស្ពានបែបខ្ចាយស្លាប់បិទភ្នែកមិនជិត
ខេត្តកណ្តាល ៖ យុវជនម្នាក់ ជិះម៉ូតូឥតពាក់មួកការពារសុវត្ថិភាព តាមផ្លូវជាតិលេខ៨បោះពួយដូចកំរោលចូលជ្រែកឡើងស្ពានព្រែកតាមាក់ល្បឿនលឿនណាស់បាន ជ្រុលទៅបុកគូទរថយន្តដែលកំពុងបើកនៅពីមុខពេញទំហឹង បណ្តាលឲ្យដួលបោកក្បាលទៅលើស្ពានបែកខ្ចាយខួរស្លាប់ក្នុង ថ្លុកឈាមយ៉ាងរន្ធត់ កាលពីវេលាម៉ោង៣ និង១០នាទីរសៀល ថ្ងៃអាទិត្យ ទី៥ ខែមេសា ឆ្នាំ២០១៥ ត្រង់ចំណុចលើស្ពានព្រែកតាមាក់ ស្ថិតក្នុងភូមិព្រែកតាមាក់ ឃុំព្រែក តាមាក់ ស្រុកខ្សាច់កណ្តាល ខេត្តកណ្តាល ។
មន្ត្រីនគរបាលចរាចរស្រុកខ្សាច់កណ្តាលបានឲ្យដឹងថា សពជនគ្រោះថ្នាក់ចរាចរណ៍ខាងលើនេះមានឈ្មោះ ផាយ គីមលី ភេទប្រុស អាយុ២៣ឆ្នាំ មានទីលំនៅក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ជិះម៉ូតូម៉ាកហុងដាឌ្រីម ធុនសេ១២៥ ពណ៌ខ្មៅ ស៊េរីឆ្នាំ២០១៤ ពាក់ស្លាកលេខភ្នំពេញ 1CM-4108 ។ ចំណែកឯរថយន្តដែលត្រូវបានជនរងគ្រោះបើកបុកនោះពុំស្គាល់អត្តសញ្ញាណនោះទេ ក្រោយពីកើតហេតុបានគេចខ្លួនបាត់ ។ សាកសពជនរងគ្រោះ ត្រូវបានសមត្ថកិច្ចនគរបាលប្រគល់ទៅឲ្យក្រុម គ្រួសារយកទៅធ្វើបុណ្យ ៕
http://ift.tt/1IjkhIy
