ចាប់ជនសង្ស័យម្នាក់ ត្រូវតាមចាប់ខ្លួនដីការបង្គាប់ របស់តុលាការពីបទរក្សាទុកសារធាតុញៀន
ខេត្តកំពង់ឆ្នាំង៖ ជនសង្ស័យម្នាក់ត្រូវបានកម្លាំងសមត្ថកិច្ចនគរបាលក្រុងកំពង់ឆ្នាំង ចាប់ខ្លួន នៅវេលាម៉ោង ១០ និង៣០នាទីថ្ងៃទី១១ ខែមេសា ឆ្នាំ២០១៥ នៅចំណុចផ្ទះជួលមួយកន្លែងស្ថិតក្នុងភូមិទួលក្រឡាញ់ សង្កាត់កំពង់ឆ្នាំង តាមដីកាចាប់ខ្លួនរបស់តុលាការខេត្ត ពីបទរក្សាទុកសារធាតុញៀន។
លោក ញ៉ោក ប៊ុនធី អធិការរងនគរបាលក្រុងកំពង់ឆ្នាំង បាននិយាយអោយដឹងថា៖ ជនសង្ស័យចែកចាយ ថ្នាំញៀនរូបនោះមានឈ្មោះ ហ៊ន សុធា ហៅជា អាយុ២៩ឆ្នាំ មានទីលំនៅភូមិចុងកោះ សង្កាត់ ផ្សាឆ្នាំង ក្រុងកំពងឆ្នាំង ។ ការចាប់ខ្លួននេះគឺធ្វើឡើងតាមដិការរបស់តុលាការ ដែលបង្គាប់អោយចាប់ខ្លួន ចេញដោយលោក តេង រតនា ចៅក្រមស៊ើបសួរ លេខ ៨៨ ចុះថ្ងៃទី ១៥ ខែកញ្ញា ឆ្នាំ២០១៤ ដោយបានចោទប្រកាន់ពីបទ « រក្សាទុកដោយខុសច្បាប់ នូវសារធាតុញៀន» ដែលបានប្រព្រឹត្តឡើងកាលពីខែ កក្កដា ឆ្នាំ២០១៤ នៅក្នុង ភូមិត្រពាំង ចឹក្សា សង្កាត់កំពង់ឆ្នាំង ។
លោកបានបន្តថា៖ កាលក្នុងអំឡុងខែកក្កដា ឆ្នាំ២០១៤ ជនសង្ស័យខាងបានធ្វើសកម្មភាពចែកចាយថ្នាំញៀន នៅក្នុងភូមិត្រពាំងចឹក្សា ពេលនោះកម្លាំងសមត្ថកិច្ចធ្វើការព័ទ្ធចាប់បានម្នាក់ក្នុងចំណោម បក្សពួក២នាក់ ក្នុងនោះជនសង្ស័យខាងលើបានហក់ទឹកទន្លេគេចខ្លួនបាត់ និងគេចខ្លួនរហូត ទើបតែការ ថ្មីៗនេះសមត្ថកិច្ចបានដឹងថា៖ ជនសង្ស័យរូបនោះមកពួនសម្ងំជួលផ្ទះខាងលើនេះស្នាក់នៅទើប សមត្ថ កិច្ច ឈានដល់ការចាប់ខ្លួនប្រគល់អោយតុលាការតែម្តង ៕ ដោយ រិទ្ធិ ជ័យ
http://ift.tt/1bdmpn5
