ស្រវឹងស្រាព្រឹលភ្នែកបើកម៉ូតូបញ្ច្រាសរង្វង់មូលក្នុងល្បឿនលឿនកាត់រាត្រីឡានបុកដួលប្រកាច់ពេញថ្នល់
ខេត្តកណ្ដាល៖ បុរស២នាក់ស្រវឹង ទំនងស្ពឹកមុខ បើកម៉ូតូក្នុងល្បឿនលឿនបញ្ច្រាស់រង្វង់មូលកាត់រាត្រីក្នុងដំណើរដូចខ្លែងឆាបកូនមាន់ បណ្តាលឲ្យបុកជាមួយរថយន្តពេញទំហឹងបណ្តាលឲ្យខ្ទាតដួលបោកលើថ្នល់រងរបួសធ្ងន់ កាលពីវេលាម៉ោង២៣ និង៤២នាទីយប់ថ្ងៃទី២៣ ខែមេសា ឆ្នាំ២០១៥ នៅលើកំណាត់ផ្លូវលេខ៨ ចន្លោះគីឡូម៉ែត្រលេខ២៦ និង២៧នៅចំណុចភូមិព្រែកតាមាក់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល។
សមត្ថកិច្ចបានឲ្យដឹងថា បុរសរងរបួសទាំង២នាក់នោះ ទី១ឈ្មោះ មឿន ធួក ភេទប្រុស អាយុ២៨ឆ្នាំ មានទីលំនៅភូមិឫស្សីជ្រោយ ឃុំឫស្សីជ្រោយ ស្រុកមុខកំពូល ខេត្តកណ្ដាល ជាម្ចាស់ម៉ូតូ និងជាអ្នកបើកបរ។ ទី២អ្នករួមដំំណើរ ឈ្មោះ ឌិន ចិន្ដា ភេទប្រុស អាយុ៣៧ឆ្នាំ នៅភូមិចំបកមាស សង្កាត់បាក់ខែងខណ្ឌ ជ្រោយចង្វា រាជធានីភ្នំពេញ។ ពូកគេបានរងរបួសធ្ងន់ ហើយសមត្ថកិច្ចបានបញ្ជូនទៅសង្គ្រោះ។
សមត្ថកិច្ចបានបញញជាក់ថា រថយន្តបង្កមិនស្គាល់ម៉ាក និងអ្នកបើកបរក៏មិនស្គាល់អត្តសញ្ញាណ ដោយបើកបរក្នុងទិដៅពីលិចទៅកើត។ លុះពេលដល់ចំណុចខាងលើរថយន្តបានបុកម៉ូតូម៉ាកហុងដាធន់ C-125 ពណ៌ ខ្មៅពាក់គ្មានស្លាកលេខ អ្នកជិះលើម៉ូតូទាំងពីនាក់រងរបួសធ្ងន់ និងខូចខាតម៉ូតូ០១គ្រឿងយ៉ាងដំណំ។ អ្នកបើកបរបន្ទាប់ពីឃើញហេតុការណ៍មិនស្រួលបានសាងលេខបន្ថែមល្បឿនជាន់បែកផ្សែងគេចបាត់ស្រមោល៕ ស្រីម៉ៅ
http://ift.tt/1HyGZux
