Metfone នៅតែមានសេវាជាប់ ទោះក្នុងគ្រាមានព្យុះខ្លាំងប៉ុនណា
សៀមរាប: ឥទ្ធិពលខ្យល់កន្ដ្រាក់បានបំផ្លិចបំផ្លាញផ្ទះសម្បែង និងស្ថានីយក្រុមហ៊ុនទូរស័ព្ទនានាដែលធ្វើឲ្យបងប្អូនប្រជាពលរដ្ឋមានការព្រួយបារម្ភទាំងសុខសុវត្ថិភាពផ្ទាល់ខ្លួន និងបញ្ហាទំនាក់ទំនង។ ប៉ុន្ដែបើទោះបីស្ថិតក្នុងស្ថានភាពអាក្រក់យ៉ាងនេះក៏ដោយ ក៏ស្ថានីយរបស់ក្រុមហ៊ុន Metfone នៅតែឈរត្រដែន និងបម្រើជូននូវសេវាទូរស័ព្ទពេញៗដល់អតិថិជនជាដរាប។
ខ្យល់កន្ដ្រាក់ដែលបានបោកបក់កាត់ខេត្ដសៀមរាប កាលពីថ្ងៃទី២២ ខែ មេសា កន្លងទៅនេះ បានធ្វើឲ្យប៉ះពាល់ និងខូចខាតយ៉ាងធ្ងន់ធ្ងរដល់ទ្រព្យសម្បត្ដិ ជាពិសេសផ្ទះសម្បែងរបស់ប្រជាពលរដ្ឋក្នុងខេត្ដនេះ ដោយពួកគេបង្ខំចិត្ដរត់ភៀសខ្លួនរកទីកន្លែងមានសុវត្ថិភាព។
ក្រោយពីខ្យល់កន្ដ្រាក់អស់ឥទ្ធពល បណ្ដាស្ថានីយផ្សាយសេវាជាច្រើនរបស់ក្រុមហ៊ុនទូរស័ព្ទនានា ត្រូវបានរាយការណ៍ថា បានដួលរលំ ដោយរងការខូចខាត និងធ្វើឲ្យមានការរំខានដល់ការទំនាក់ទំនងរបស់ប្រជាពលរដ្ឋ។
យោងតាមប្រភពព័ត៌មានច្បាស់ការពីសាខាខេត្ដសៀមរាប បានឲ្យដឹងថា យ៉ាងណាមិញ Metfone ជាក្រុមហ៊ុនបម្រើសេវាកម្មទូរស័ព្ទចល័តធំជាងគេនៅខេត្ដសៀមរាប និងនៅទូទាំងប្រទេស ដែលមានក្រុមភ្នាក់ងារបច្ចេកទេសសុទ្ធតែមានសមត្ថភាពខ្លាំងពេញខ្លួន នៅតែផ្ដល់ទំនុកចិត្ដដល់អតិថិជននូវសេវាកម្មប្រកបដោយគុណភាពខ្ពស់។
ប្រភពដដែលបានបន្ដថា៖ «ក្រោយពីព្យុះស្ងប់ខ្យល់ ស្ថានីយផ្សាយសេវារបស់ Metfone បន្ដដំណើរការជាធម្មតា ១០០ភាគរយ ទាំងសេវា 2G និង 3G។ តាមរយៈការកិច្ចខិតខំប្រឹងប្រែងនេះ ក្រុមហ៊ុន Metfone បានផ្ដល់ជូនអតិថិជននូវសេចក្ដីទុកចិត្ដចំពោះគុណភាពបណ្ដាញដែលនៅតែមានដំណើរការល្អ ទោះស្ថិតក្នុងកាលៈទេសៈណាក៏ដោយ»។
ស្ថិតក្នុងស្ថានភាពដ៏លំបាក បុគ្គលិកក្រុមហ៊ុន Metfone ទាំងអស់មានសេចក្តីរីករាយយ៉ាងខ្លាំងដែលបានជួយប្រជាពលរដ្ឋឲ្យមានការប្រាស្រ័យទាក់ទងគ្នាបានជាធម្មតា បើទោះបីមានព្យុះភ្លៀងក៏ដោយ។ នេះជាលទ្ធផលនៃកិច្ចសហការជាមួយភូមិភាគ 4 ក្នុងការការពារបណ្ដាញទំនាក់ទំនងរបស់ប្រជាពលរដ្ឋ៕
បញ្ចូលអត្ថបទដោយ៖ សុវណ្ណ
អត្ថបទ៖ ផ្សាយពាណិជ្ជកម្ម
from Khmernote - The best entertainment website in Cambodia http://ift.tt/1Emwuti