អ្នកបើកគោយន្តម្នាក់ត្រូវទៅតុលាការខេត្តឃុំខ្លួន បន្ទាប់ពីបើកគោយន្តគ្មានភ្លើងបំភ្លឺពីក្រោយត្រូវអ្នកជិះម៉ូតូម្នាក់បើកបុករបួសធ្ងន់
ខេត្តកំពង់ឆ្នាំង៖ បុរសជាអ្នកបើកគោយន្តម្នាក់ ត្រូវបានតុលាការឃុំខ្លួននៅរសៀលថ្ងៃទី២៥ ខែមេសា ឆ្នាំ២០១៥ បន្ទាប់ពីរូបគេបានបើកបរគោយន្តរបស់ខ្លួនដឹកអុស ពេលយប់ដោយគ្មាន បំពាក់ភ្លើង ចំណាំង ផ្លាត បង្កអោយបុរសម្នាក់ជិះម៉ូតូទៅបុកគូទគោយន្តដឹកអុសពីក្រោយពេញទំហឹងរងរបួសធ្ងន់។ ហេតុការណ៍នេះបានកើតឡើងនៅវេលាម៉ោង៧ និង២០នាទីយប់ ថ្ងៃទី២៣ ខែមេសា ឆ្នាំ២០១៥ នៅលើផ្លូវជាតិលេខ៥ ត្រង់ចន្លោះគីឡូម៉ែត្រលេខ ៦៣និង៦៤ ស្ថិតក្នុង ភូមិឡពាង ឃុំតាជេស ស្រុកកំពង់ ត្រឡាច។
សមត្ថកិច្ចនគរបាលចរាចរណ៍ផ្លូវគោកខេត្តបាននិយាយអោយដឹងថា៖ បុរសរងគ្រោះមានឈ្មោះ គ្រេង មករា អាយុ២៩ឆ្នាំ មានទីលំនៅភូមិសំរោង ឃុំតាជេស ស្រុកំពង់ត្រឡាច ។ មុនពេលកើតហេតុ បុរសរង គ្រោះបានជិះម៉ូតូម៉ាកវ៉េវ ពណ៌ខ្មៅ ពាក់ស្លាកលេខ ភ្នំពេញ 1K.0249 ក្នុងដំណើរពីជើងទៅត្បូង លុះមក ដល់ចំណុចកើតហេតុស្រាប់តែទៅបុក និងគោយន្តមួយគ្រឿងដឹកអុសស្ទែរ គ្មានភ្លើងបំភ្លឺ និងគ្នាស្លាកចំណាំងផ្លាតពីក្រោយយ៉ាងពេញទំហឹង បណ្តាលអោយជនរងគ្រោះរងរបួសយ៉ាងធ្ងន់ធ្ងរ ចំណែកម៉ូតូរងការខូចខាតមួយកំណាត់មុខ។ ចំណែកអ្នកបើកបរគោយន្តត្រូវបានសមត្ថកិច្ចឃាត់ខ្លួន។
ក្រោយពេលកើតហេតុ ជនរងគ្រោះត្រូវបានដឹកទៅសង្គ្រោះនៅមណ្ឌលសុខភាព ស្រុកកំពង់ត្រ ឡាច ប៉ុន្តែដោយសាររបួសធ្ងន់ធ្ងរពេក ក្រុមគ្រូពេទ្យបានសម្រេច បញ្ជូនបន្តទៅ សង្គ្រោះ នៅមន្ទីរពេទ្យកាលម៉ែត្រក្រុងភ្នំពេញជាបន្តទៀតដើម្បីសង្គ្រោះជីវិត ។ #សមត្ថកិច្ចបានពញ្ជាក់អោយដឹងថា៖អ្នកបើកបរគោយន្តបង្កគ្រោះថ្នាក់នោះមានឈ្មោះ តាក តុល អាយុ ២៣ឆ្នាំ មានទីលំនៅ ភូមិកំពែង ឃុំត្រងិល ស្រុកភ្នំក្រវ៉ាញ ខេត្តពោធិសាត់ រូបគេជាអ្នកស៊ី ឈ្នួលដឹកអុស ស្ទែរអោយគេ ប៉ុន្តែគោយន្តគឺកម្មសិទ្ធរបស់គាត់។
នៅព្រឹកថ្ងៃទី២៥ ខែមេសា ឆ្នាំ២០១៥ នេះ អ្នកបើកគោយន្ត ឈ្មោះ តាក តុល ត្រូវបានសមត្ថកិច្ចនគរ បាលចរាចរណ៍ខេត្ត បញ្ជូនខ្លួននិងសំណុំរឿងមកកាន់សាលាដំបូងខេត្ត និងត្រូវបានតុលាការ ខេត្តឃុំ ខ្លួនបណ្តោះអាសន្ន ដើម្បីអោយចៅក្រមស៊ើបអង្កេតស្រាវជ្រាវ និងជំនុំជំរះ ផ្តន្ទាទោសតាមច្បាប់។
ការឃុំខ្លួនក្នុងករណីគ្រោះថ្នាក់ចរាចរណ៍ខាងលើនេះ គឺជាសារមួយដល់បងប្អូនអ្នកប្រើប្រាស់គោយន្ត ទាំងឡាយ គួរតែយល់ដឹងអំពីការប្រើប្រាស់គោយន្តដែលត្រូវតែបំពាក់ភ្លើង អោយបានត្រឹមត្រូវតាម បច្ចេកទេសយានយន្ត ដើម្បីបញ្ចៀសគ្រោះថ្នាក់ចារចរណ៍ និងដើម្បីកុះអោយមានទោសទ័ណ្ឌដោយសា រតែគោយន្តយើងគ្មានភ្លើងបំភ្លឺផ្លូវ និងគ្មានចំណាំងផ្លាត៕ ដោយ រិទ្ធិ ជ័យ
http://ift.tt/1Ibrcme