អ្នកចែកចាយ និងប្រើប្រាស់ថ្នាំរត់រួច២នាក់ ចាប់បាន៣នាក់ បញ្ជូន ទៅតុលាការខេត្ត
ខេត្តកំពង់ឆ្នាំង៖ ជនសង្ស័យចំនួន៣នាក់ ក្នុងចំណោមបក្ខពួក៥នាក់ ត្រូវបានសមត្ថកិច្ច នគរបាលស្រុកកំពង់ត្រឡាច ចាប់ខ្លួនបានខណៈជនសង្ស័យទាំងនោះកំពុងជួបជុំគ្នាចែកចាយ និងប្រើប្រាស់ថ្នាំញៀន។ ករណីបង្ក្រាបថ្នាំញៀននេះបានធ្វើឡើងនៅវេលាម៉ោង៥ និង១០នាទី ល្ងាចថ្ងៃទី២៣ ខែមេសា ឆ្នាំ២០១៥ នៅចំណុចខាងជើងព្រែក ក្នុងភូមិកំពង់ត្រឡាច ឃុំ និងស្រុកកំពង់ត្រឡាច។
លោក ហ៊ុល វាសនា អធិការនគរបាលស្រុកកំពង់ត្រឡាច បាននិយាយអោយដឹងថា៖ ខណៈដែល សមត្ថកិច្ចនគរបាលរបស់លោកកំពុងចេញល្បាត បានជួបជនសង្ស័យទាំង៥នាក់កំពុងចែកចាយថ្នាំ ញៀននៅចំណុចខាងលើ ភ្លាមនោះសមត្ថកិច្ចបានឡោមព័ទ្ធចាប់បាន៣នាក់ ២នាក់ទៀតរត់រួច ។
ជនសង្ស័យជាអ្នកចែកចាយ និងប្រើប្រាស់ថ្នាំញៀនទាំង៣នាក់នោះមាន៖១. ឈ្មោះ ហួយ សារ៉ាត់ អា យុ២៣ឆ្នាំ, ២.ឈ្មោះ គង់ បូរិន អាយុ១៩ឆ្នាំ និង៣ឈ្មោះ អឹម ភារៈ អាយុ២១ ឆ្នាំ ទាំង៣នាក់មានទីលំនៅ ភូមិពាមលង្វែក ឃុំកំពង់ហ្លួង ស្រុកពញ្ញាឮ ខេត្តកណ្តាល ពួកគេបានឆ្លងដែនមកចែកចាយ និងប្រើប្រាស់ថ្នាំញៀនក្នុងស្រុកកំពង់ត្រឡាច រីឯវត្ថុតាងមានឧបករណ៍ប្រាស់ថ្នាំញៀន និងម៉ូតូចំនួន២គ្រឿង ។
លោកអធិការបានបន្តថា៖ ជនសង្ស័យទាំង៣នាក់ រួមជាមួយវត្ថុតាង ត្រូវបានសមត្ថកិច្ចនគរបាល កសាងសំណុំរឿងបញ្ជូនមកស្នងការដ្ឋាននគរបាលខេត្តនៅព្រឹកថ្ងៃទី២៤ ខែមេសានេះដើម្បីបំពេញសំ ណុំរឿងបន្ថែម បញ្ជូនខ្លួនពួកគេទៅតុលាការខេត្តចាត់ការតាមនិតិវិធី ៕ ដោយ រិទ្ធិ ជ័យ
http://ift.tt/1JBCzSo
