ជិះម៉ូតូទៅបុកគោយន្តគ្មានភ្លើងបំភ្លឺពីក្រោយរបួសធ្ងន់ម្នាក់ អ្នកបើកគោយន្តត្រូវចាប់បញ្ជូនទៅតុលាការខេត្ត
ខេត្តកំពង់ឆ្នាំង៖ បុរសម្នាក់បានរងរបួសធ្ងន់ដោយសារជិះម៉ូតូទៅបុកនឹងគោយន្តដឹកអុសមួយគ្រឿងពីក្រោយ ពេញទំហឹង។ ហេតុការណ៍នេះបានកើតឡើងនៅវេលាម៉ោង៧ និង២០នាទីយប់ថ្ងៃទី២៣ ខែមេសា ឆ្នាំ២០១៥ នៅលើផ្លូវជាតិលេខ៥ ត្រង់ចន្លោះគីឡូម៉ែត្រលេខ ៦៣ និង៦៤ ស្ថិតក្នុង ភូមិឡពាង ឃុំតាជេស ស្រុកកំពង់ត្រឡាច ចំណែកអ្នកបើកគោយន្តត្រូវសមត្ថកិច្ចឃាត់ខ្លួន។
សមត្ថកិច្ចនគរបាលចរាចរណ៍ស្រុកកំពង់ត្រឡាចបាននិយាយអោយដឹងថា៖ បុរសរងគ្រោះមានឈ្មោះ គ្រេង មករា អាយុ២៩ឆ្នាំ មានទីលំនៅភូមិសំរោង ឃុំតាជេស ស្រុកំពង់ត្រឡាច ខេត្តកំពង់ឆ្នាំង។មុនពេលកើតហេតុបុរសរង គ្រោះបានជិះម៉ូតូម៉ាកវ៉េវ ពណ៌ខ្មៅ ពាក់ស្លាកលេខ ភ្នំពេញ 1K.0249 ធ្វើដំណើរពីជើងទៅត្បូង។ លុះមកដល់ចំណុចកើតហេតុស្រាប់តែទៅបុក នឹងគោយន្តដឹកអុសស្ទែរ គ្មានភ្លើងបំភ្លឺ និងគ្នាស្លាកចំណាំងផ្លាតពីក្រោយយ៉ាងពេញទំហឹង បណ្តាលអោយជនរងគ្រោះរងរបួសយ៉ាងធ្ងន់ធ្ងរហូរឈាមជោគប្រាណ ចំណែកម៉ូតូរងការខូចខាតមួយកំណាត់មុខ។
ក្រោយពេលកើតហេតុ ជនរងគ្រោះត្រូវបានដឹកទៅសង្គ្រោះនៅមណ្ឌលសុខភាពស្រុកកំពង់ត្រឡាច ប៉ុន្តែដោយសាររបួសធ្ងន់ធ្ងរពេក ក្រុមគ្រូពេទ្យបានសម្រេចបញ្ជូនបន្តទៅសង្គ្រោះនៅមន្ទីរពេទ្យកាល ម៉ែត្រក្រុងភ្នំពេញជាបន្តទៀតដើម្បីសង្គ្រោះជីវិត ។ ចំណែកអ្នកបើកបរគោយន្ត មានឈ្មោះតាក តុល អាយុ២៣ឆ្នាំ មានទីលំនៅ ភូមិកំពែង ឃុំត្រងិលស្រុកភ្នំក្រវ៉ាញ ខេត្តពោធិសាត់ ត្រូវបានសមត្ថកិច្ចឃាត់ខ្លួន និងកសាងសំណុំរឿង បញ្ញជូបខ្លួននិងគោយន្ត១គ្រឿងទៅតុលាការខេត្ត ចាត់ការតាមនិតិវិធី៕ ដោយ រិទ្ធិ ជ័យ
http://ift.tt/1zUJp0d