ស្លាប់១នាក់ និងរងរបួស២នាក់ ដោយសាររថយន្តឆ្លាម បើកជែងវ៉ាបុកពីក្រោយ
ខេត្តបន្ទាយមានជ័យ៖ រថយន្តកាមរីឆ្លាមដឹកអ្នកដំណើរល្បឿនលឿនបើកជែងឡើងវ៉ាបុកម៉ូតូ២គ្រឿង បណ្តាលអោយមនុស្សស្លាប់ម្នាក់ និងរបួស២នាក់។ ហេតុការគ្រោះថ្នាក់ចរាចរណ៍នេះ នៅវេលាម៉ោង១០និង១៥នាទី កាលថ្ងៃទី១១ ខែឧសភា ឆ្នាំ២០១៥ នៅតាមបណ្តោយផ្លូវជាតិលេខ៦ ខាងលិចស្ពានទី៤ស្ថិតភូមិ-សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ។
មន្ត្រីនគរបាលចរាចរណ៍ នៃស្នងការនគរបាលខេត្តប្រាប់ថា គ្រោះថ្នាក់ចរាចរបណ្ដាលអោយស្លាប់បុរសម្នាក់ឈ្មោះមៃ ឈឿន ភេទប្រុស អាយុប្រមាណជាង៥០ឆ្នាំ រស់នៅភូមិកន្ទួត សង្កាត់ភ្នៀត ក្រុងសិរីសោភ័ណ និងរបួសស្រាល២នាក់ ឈ្មោះ លី ពាណិជ្ជ ភេទប្រុស អាយុ៣៥ឆ្នាំ ជាប្តីឈ្មោះ ហួត បូទុម្យ អាយុ៣០ឆ្នាំ ត្រូវជាប្រពន្ធដែលរស់នៅភូមិត្រពាំងថ្មកើត ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ។
មន្ត្រីនគរបាលចរាចរណ៍ខេត្តបន្ទាយមានជ័យបានប្រាប់ថា៖ នៅពេលដែលគ្រោះថ្នាក់ចរាចរណ៍កើតឡើងគឺរថយន្តធុនកាំម៉ារីឆ្លាមពណ៌ស្ករ សេរីឆ្នាំ១៩៩៧ ពាក់ស្លាក់លេខបន្ទាយមានជ័យ2A-2164 បានបើកបរទិសដៅពី លិចមកកើត ក្នុងល្បឿនលឿនហើយបានឡើងវ៉ាឆ្វេង ទៅបុកម៉ូតូសេ១០០សេរី ចាស់ពណ៌ក្រហម អូសរឺម៉ក ខាងក្រោយហើយរុលទៅបុកម៉ូតូ១គ្រឿងម៉ាក់សេ១២៥ ពណ៌ខ្មៅ ពាក់ស្លាក់លេខបន្ទាយមានជ័យ1D-6298 ដែលជិះគ្នា២នាក់ប្តីប្រពន្ធ បណ្តាលរបួសស្រាលត្រូវដឹងសង្គ្រោះបន្ទាន់ទៅមន្ទីរពេទ្យ។
ក្រោយពីកើតហេតុសមត្ថកិច្ចបានប្រមូលយករថយន្ត បង្ក និងម៉ូតូយកទៅរក្សាទុកនៅអធិការដ្ឋាននគរបាលក្រុងសេរីសោភ័ណ ដើម្បីដោះស្រាយគ្នាតាមនិតិវិធីច្បាប់នាពេលក្រោយ៕ ដោយ វ៉ាន់ វត្ថា
http://ift.tt/1JN788k
