ព្រែកបង្ហូតក្នុងឃុំផ្លូវទូក សុទ្ធតែសម្រាស់រាប់គីឡូម៉ែត្រ ណែនឡើងគោកព្រែក ស្វាគមន៍លោកអភិបាល ខេត្តពេលចុះចែកអំណោយ តែមន្ត្រីជលផលឆ្លើយថាផុតពេលបង្ក្រាបហើយ
ខេត្តកំពង់ឆ្នាំង៖ ក្នុងពេលធ្វើដំណើរតាមកាណូតកាត់ព្រែកបង្ហូតក្នុងឃុំផ្លូវទូក ស្រុកកំពង់លែង កាលពីព្រឹកថ្ងៃទី១៤ ខែឧសភា ឆ្នាំ២០១៥ ជាមួយលោក ឈួរ ច័ន្ទឌឿន អភិបាលខេត្តកំពង់ឆ្នាំង ចុះទៅចែកអំណោយជូនប្រជាពលរដ្ឋរងគ្រោះ៣៥គ្រួសាររលំផ្ទះ ដោយខ្យល់ព្យុះនៅភូមិពាមខ្នងឃុំផ្លូវទូក ទាំងអ្នកយកពត៌មានយើង ទាំងលោកអភិបាលខេត្ត មន្ត្រីរាជការ កងកម្លាំងប្រដាប់អាវុធ និងអាជ្ញាធរស្រុករាប់រយនាក់សុទ្ធតែបានឃើញនិងភ្នែកផ្ទាល់ នូវបទល្មើសដាក់សម្រាស់ណែនព្រែកបង្ហូតរាប់គីឡូម៉ែត្រដូចគ្នា ពេលសួរមន្ត្រីរដ្ឋបាលជលផលគេឆ្លើយយ៉ាងស្រួលថាគេហ៊ុំចាប់ត្រីអស់ហើយគឺផុតពេលបង្ក្រាបទៅហើយ។
រឿងបទល្មើសដាក់សម្រាស់ក្នុងព្រែកបង្ហូតឡើងគោកព្រែកខាងលើពិតជាហួសចិត្តមែន ដែលគេមិននឹក ស្មានដល់ថា ទាំងខ័ណ្ឌ ទាំងផ្នែក ទាំងសង្កាត់នេសាទជលផល ជាសមត្ថកិច្ចជំនាញបែរ ជាឆ្លើយប្រាប់ អ្នកយកព័ត៌មានយើងយ៉ាងធូរខ្សុយទៅវិញថា ពេលនេះជនល្មើសបានហ៊ុំចាប់ត្រីអស់ទៅហើយ គឺហួស ពេលបង្ក្រាបទៅហើយ និងបើបង្ក្រាបក៏មិនដឹងជាត្រូវអូសសម្រាស់ទាំងនោះទៅចោលនៅទីណាទេ បើព្រែកតូចបែបនេះ ប្រហែលជាទុកអោយគោកព្រែកហើយទៅស្របច្បាប់តើមែនទេ!!លោកជលផល។
ទាក់ទង និងបទល្មើសដាក់សម្រាស់នៅក្នុតំបន់នេះ ប្រជាពលរដ្ឋបានអោយដឹងថាពួកគាត់ដាក់សម្រាស់ តិចតូចជាលក្ខណៈគ្រួសារទេ គឺដាក់ម្តុំៗម្នាក់ក្នុងព្រែកតាមមុខចំការរបស់ខ្លួន តែច្រើនគ្រួសារទៅក៏ ណែន ព្រែកបែបនេះតែម្តងទៅ តែពួកគាត់បានបង់លុយអោយលោកប្រធានសហគមន៍នេសាទ និងមន្ត្រី ជំនាញរួចហើយបើមិនបង់លុយអោយទេ ក៏មិនអាចហ៊ុំចាប់ត្រីបានដែរ…!!។
បញ្ហាខាងលើនេះគេអោយដឹងថា អ្នកទទួលខុស និងទទួលត្រូវគឺមន្ត្រីជំនាញ តើច្បាប់ស្តីពីជលផល អោយ ធ្វើបែបនេះទេ ច្បាប់អនុញ្ញាតអោយដាក់សម្រាស់ជាលក្ខណៈគ្រួសារដែរឬទេ សម្រាស់គឺជាព្រៃឈើលិចទឹក តើច្បាប់អនុញ្ញាតអោយកាប់ព្រៃលិចទឹកយកមកដាក់សម្រាស់ចាប់ត្រីដែរឬទេ ថ្ងៃក្រោយនិងអនាគតបើតែបែបនេះគឺព្រែកទន្លេពិតជាគោក អស់ព្រៃលិចទឹកនិងត្រីពិតជាអស់ តើប្រវត្តិសាស្ត្រកូនចៅជំនាន់ក្រោយនិងស្តីបន្ទោសអ្នកណា រឿងនេះគឺខ្លួនឯងបំផ្លាញផលប្រយោជន៍ខ្លួនឯងកូនចៅខ្លួនឯង ភូមិឃុំខ្លួនឯង និងប្រទេសជាតិខ្លួនឯង ទាំងមិនដឹងភ្លេចខ្លួនហើយ។
ជាក់ស្តែងនៅពេលធ្វើដំណើរតាមព្រែកខាងលើនេះ តាមកន្លែកមួយចំនួនក្នុងព្រែកនេះគោករាក់នៅទឹកត្រឹមតែក្បាលជង្គង់ កាណូតបើកទៅស្ទើរតែមិនរួច មិនតែប៉ុណ្ណោះកាណូតជាច្រើនគ្រឿងបានេជាប់ស្លាបចក្រជាមួយសាច់អួនចាស់ៗដែលគេហ៊ុំសម្រាស់ទុកចោល ជាក់ស្តែងកាណូតបរិស្ថានខេត្តដែលក្រុមអ្នកយកព័ត៌មានយើងជិះ បានជាប់ស្លាបចក្រជាមួយសាច់អួនខាងលើដល់ទៅ៥ដងឯណោះ។
លោក ឈួរ ច័ន្ទឌឿន អភិបាលខេត្ត នៅក្នុពីធីចែកអំណោយជូនប្រជាពលរដ្ឋ៣៥គ្រួសារនៅក្នុងភូមិថ្នល់ឈើទាល និងភូមិពាមខ្នង ឃុំផ្លូវទូក ស្រុកកំពង់លែង ក៏បានដាស់តឿននិងណែនាំផងដែរដល់ប្រជាពលរដ្ឋយើងសូមកុំប្រើឧបករណ៍នេសាទខុសច្បាប់ កុំឆក់ត្រី កុំកាប់ព្រៃលិចទឹក កុំដាក់សម្រាស់ខុសច្បាប់ ដែលអាចប្រឈម និងការចាប់ខ្លួនផ្តន្ទាទោសពីសមត្ថកិច្ច និងតុលាការហើយ។
លោកអភិបាលខេត្តក៏បានលើកដែរថា កន្លងមកលោកបានទទួលិខិតមួយច្បាប់ ពីប្រជាពលរដ្ឋនៅ ស្រុកជលគីរី សុំអោយលោកជាអភិបាលខេត្តជួយអន្តរាគមន៍កូនពួកគាត់ដែលត្រូវតុលាការខេត្តចាប់ដាក់ គុកពីបទល្មើសឆក់ត្រី ដោយពួកគាត់និយាយថាកូនគាត់បានឆក់ត្រីយូរមកហើយ តែបែរជាតុលាការទើប តែចាប់ខ្លួនដាក់គុកទៅវិញ។ ក្នុងរឿងនេះលោកអភិបាលខេត្តនិយាយថាអោយតែមាន ភ័ស្តុតាងទោះ យូរ ឬឆាប់តុលាការគេពិតជាមានសិទ្ធចាប់ជនល្មើសដាក់គុក លោកមិនដឹងជាជួយដូចម្តេចនោះទេ ព្រោះ ច្បាប់ អ្នកណា ក៏ត្រូវតែគោរពដែរបើល្មើសគឺពិតជាមានទោស៕ ដោយ រិទ្ធិ ជ័យ
http://ift.tt/1ICDwNF
