យុវជន៣នាក់ រក្សាទុក និងចរាចរណ៍អាវុធដាវសាម៉ូរ៉ៃ ត្រូវតុលាការខេត្តឃុំខ្លួន
ខេត្តកំពង់ឆ្នាំង៖ សាលាដំបូងខេត្តកំពង់ឆ្នាំង បានសម្រចឃុំខ្លួនយុវជន៣នាក់ ក្នុងពន្ធនាគារ ខេត្តកំពង់ឆ្នាំងកាលពីរសៀលថ្ងៃទី៣ ខែឧសភា ឆ្នាំ២០១៥ ដោយចោទប្រកាន់ពីបទរក្សាទុក និងចរាចរណ៍អាវុធ (ដាវសាម៉ូរ៉ៃមួយដើម) ខុសច្បាប់ ដែលបានប្រព្រឹត្តឡើងកាលពីវេលាម៉ោង ៨និង៣០នាទីយប់ថ្ងៃទី២ ខែឧសភា ឆ្នាំ២០១៥ នៅចំណុច ភូមិសូវង្ស ឃុំតាជេស ស្រុកកំពង់ត្រឡាច ។
លោក ទេព សារ៉ាត់ នាយការិយាល័យនគរបាលព្រហ្មទ័ណ្ឌកម្រិតស្រាលនៃស្នងការដ្ឋាននគរបាល ខេត្តបាននិយាយអោយដឹងថា៖ ជនសង្ស័យទាំង៣នាក់ មាន ៖ ១ឈ្មោះ ពូ កៅ អាយុ២៨ឆ្នាំ មានទីលំនៅភូមិច្រករមៀតឃុំអូរឬស្សី ស្រុកកំពង់ត្រឡាច , ២ឈ្មោះ ឃួន បញ្ញា អាយុ២១ឆ្នាំ មានទីលំនៅភូមិទួលខ្សាច់ ឃុំជ្រៃបាក់ ស្រុករលាប្អៀរ , និង៣ ឈ្មោះ សឿង វ៉ែន អាយុ១៩ ឆ្នាំមានទីលំនៅភូមិព្រែករាំង ឃុំទឹកហូត ស្រុករលាប្អៀរ ។
លោកបានអោយដឹងទៀតថា៖ មុនពេលឃាត់ខ្លួន សមត្ថកិច្ចនគរបាល ស្រុកកំពង់ ត្រឡាចបានដាក់ កម្លាំង ត្រួតពិនិត្យអាវុធជាតិផ្ទុះ នៅចំណុចភូមិសូវង្ស ឃុំតាជេស ស្រុកកំពង់ត្រឡាច ពេលនោះសមត្ថកិច្ចបានឃាត់ជនសង្ស័យទាំង៣នាក់ដែលជិះម៉ូតូមួយគ្រឿង មានកាន់ដាវសាម៉ូរ៉ៃមួយដើម ជាប់ខ្លួន ហើយបានទាត់ខ្លួនកសាងសំណុំរឿងបញ្ជូនមកស្នងការដ្ឋាននគរបាលខេត្ត ។ បនញតាប់មកបាន បញ្ជូន ខ្លួនបន្តទៅតុលាការខេត្តទើបតុលាការខេត្តបានសម្រេចឃុំខ្លួនតែម្តង ដោយចោទប្រកាន់ពីបទលាក់ ទុក និងចរាចរណ៍អាវុធ។
លោក នាយការិយាល័យព្រហ្មទណ្ឌ័កម្រិតស្រាលខេត្តបានបន្តថា៖ បើទោះបីជនសង្ស័យខាងលើមិនទាន់មានសកម្មភាពកាប់ប្រហារ ទៅលើអ្នកណាម្នាក់អោយមានរបួសក៏ពិតមែន ប៉ុន្តែក្នុងផ្លូវច្បាប់ ការរក្សាទុក ការចរាចរណ៍ អាវុធដែលអាចបង្កអោយមនុស្សស្លាប់ និងរបួសបាន គឺត្រូវមានទោសពី ៣ទៅ៦ខែ ដូចករណីខាងលើនេះ ជនសង្ស័យខាងលើអាចជាប់ទោសយ៉ាងតិក៏៣ខែដែរ ករណីនេះគឺជាសារមួយដល់យុវជនទាំងឡាយគួរតែប្រុងយត្ន័និងជៀសវាងអោយឆ្ងាយពីដាវសាម៉ូរៃ ដែលជាអាវុធប្រហារមនុស្ស៕ ដោយ រិទ្ធិ ជ័យ
http://ift.tt/1dJKxzo
