លោក សុច សឿង បំពេញជាកុលបុត្រ សាងភ្នួសក្នុងព្រះពុទ្ធសាសនា
(ភ្នំបាសិត,ខេត្តកណ្តាល)៖ ក្នុងត្រកូលកសិករ កើតឆ្នាំ១៩៧២ នៅភូមិធំ ឃុំពញ្ញាពន់ ស្រុកពញ្ញាឮ ខេត្តកណ្តាល កុមារា សុច សឿង ក៏ដូចជាជនកម្ពុជាគ្រប់រូប បានឆ្លងកាត់ក្នុងសង្គ្រាមស៊ីវិលហែកហួរ រហូតចុកក្រោយប្រទេសកម្ពុជាទាំងមូលបានធ្លាក់ក្នុងយុគដ៏ខ្មៅងងឹត នៃសករាជថ្មី គឺរបបប៉ុលពត ដែលទាំងអស់នេះជាលទ្ធផលនៃសង្គ្រមដ៏វិនាសកម្មខ្មែរបំផ្លាញខ្មែរ ក្រោមការចូលជ្រៀតជ្រែក និងរៀបចំសេនារីយោនៃពួកបរទេស។
ក្រោយការដួលរលំនៃរបបប៉ុលពត កុមារា សុច សឿង ត្រូវបានឪពុកម្តាយបញ្ជូនឲ្យទៅរៀន។ ហើយអាស្រ័យដោយស្ថានភាពគ្រួសារក្រលំបាកក្នុងជីវភាព ជាហេតុតម្រូវឲ្យកុមារា ត្រូវផ្ញើខ្លួនយ៉ាងច្រើនជាមួយនឹងវត្តអារាម ដើម្បីរៀនសូត្ររហូតបានបញ្ចប់ការសិក្សាថ្នាក់ បរិញ្ញាប័ត្រនៅសាកលវិទ្យាល័យភ្នំពេញនាឆ្នាំ១៩៩៩៦ លើមុខវិជ្ជាអក្សរសាស្ត្រ-មនុស្សសាស្ត្រ។ លោក សុច សឿង ធ្លាប់ជាសាស្ត្រាចារ្យអក្សរសាស្ត្រ ហើយលោកក៏ជា អ្នកកាសែតម្នាក់ដែលបានចូលរួមលើកកំពស់ក្នុងវិស័យការពារសិទ្ធិសេរីភាពបញ្ចេញមតិ តាំងតែពីឆ្នាំ១៩៩៣មក ហើយក៏ធ្លាប់សិក្សថ្នាក់ឧត្តមសិក្សាលើមុខវិជា្ជមួយចំនួនជាអាទ៍ វិទ្យាសាស្ត្រនយោបាយ និងសង្គមច្បាប់ ហើយក៏ធ្លាប់បានឆ្លងកាត់សាលាភូមិន្ទរដ្ឋបាល និងក៏ធ្លាប់ជានាយទាហាន នៃកងឯកភាពអង្គរក្ស សម្តេចនាយយករដ្ឋមន្ត្រី ហ៊ុន សែន ព្រមទាំងជាអ្នកច្បាប់ឯករាជ្យ លោកបានចូលរួមសកម្មភាពសង្គមយ៉ាងច្រើនផងដែរ។
ឥឡូវនេះដើម្បីយល់ឲ្យកាន់តែច្បាស់ និងស៊ីជម្រៅក្នុងព្រះពុទ្ធសាសនា ក៏ដូចជាប្រតិបត្តិតាមប្រពៃណីទំនៀមទម្លាប់ខ្មែរយើងតាំងពីបុរាណកាលមក និងជាពិសេសដើម្បីតបស្នងសងគុណនូវឧបការគុណដ៏មហាធំធេងរបស់លោកអ្នកមានគុណទាំងពីរនោះ លោក សុច សឿង ក៏បានសម្រេចសាងភ្នួសកាលពីថ្ងៃ១០កើត ខែជេស្ឋ ឆ្នាំមមែ សប្តសក ពុទ្ធសករាជ ២៥៥៩ ត្រូវនឹងថ្ងៃទី២៧ ខែឧសភា ឆ្នាំ២០១៥ នៅទីអាវាសវត្ត ត្រៃយ៍ត្រឹង្ស លើកំពូលភ្នំត្រៃយ៍ត្រឹង្ស (ភ្នំបាសិត) ហើយក្នុងឋានៈជា បព្វជិតកុលបុត្រ នឹងប្រឹងប្រែងក្រេបជញ្ជក់ពុទ្ធឱវាទ ពោលគឺសិក្សាឲ្យបានខ្ជាប់ខ្ជួននូវ អដ្ឋង្គិកមគ្គ ដែលបង្រួមបែបខ្លីគឺ សី សមាធិ បញ្ញា៕ បក្សីចាំក្រុង
http://ift.tt/1AzrIJo
