អ្នកសារព័ត៌មានប្រចាំនៅខេត្តរតនគិរី អាជ្ញាធរខេត្តរំលឹកឲ្យអនុវត្តវិជ្ជាជីវឈរលើមូលដ្ឋានច្បាប់ និងក្រមសីលធម៌
ខេត្តរតនគិរី៖ អាជ្ញាធរខេត្តរតនគិរី បានកោះអញ្ជើញអ្នកសារព័ត៌មានដែលជាតំណាងរបស់អង្គភាពព័ត៌មានវិទ្យុ ទូរទស្សន៍ កាសែត និងគេហទំព័រ មកពីអអ្គភាពផ្សេងៗគ្នាប្រមាណ៣០នាក់បានធ្វើការសំណេះសំណាល ជាមួយលោក ញ៉ែម សំអឿន អភិរបាលរងខេត្ត ទទួលបន្ទុកវិស័យព័ត៌មាន និងជាតំណាងលោកអភិបាលខេត្ត ដោយមានការចូលរួមពីមន្ត្រីតំណាងមន្ទីរជុំវិញខេត្ត កាលពីនៅព្រឹកថ្ងៃទី២៦ ខែឧសភា ឆ្នាំ២០១៥ នៅ សាលប្រជុំសាលាខេត្តរតនគិរីដើម្បីបង្កើនទំនាក់ទំនង និងកិច្ចសហការ និងជម្រុញឲ្យអ្នកសារព័ត៌មានប្រកាប់ខ្ជាប់គោលការណ៍ច្បាប់ និងក្រមសិលធម៌។
លោកញ៉ែម សំអឿន មានប្រសាសន៍ថាការដែរអញ្ជើញក្រុមអ្នកសារពត៌មានមកថ្ងៃនេះមិនមែនអាជ្ញាធរខេត្តរឹតបណ្តឹងវិស័យព័ត៌មាននោះទេ តែនេះគឺជាការជួបជុំស្គាល់គ្នាឲ្យកាន់តែជិតស្និតបន្ថែមទៀតរវាងអាជ្ញាធរខេត្ត និងក្រុមអ្នកសារព័ត៌មាន។ លោកបានបញ្ជាក់ថា តួនាទីអ្នកសារព័ត៌មានមានសារៈសំខាន់ណាស់។ អ្នកសារព័ត៌មានស្ថិតក្នុងស្ថាប័នឯករាជ្យ ជាអ្នកផ្តល់ព័ត៌មាន ជួនសាធារណៈជន ដែលសកម្មភាពអ្នកសារព័ត៌មានក៏ជាការចូលរួមចំណែកអភិវឌ្ឍន៍សង្គមជាតិដែរ។ បច្ចុប្បន្នប្រទេសកម្ពុជាមានស្ថាប័នព័ត៌មានជាច្រើនអង្គភាពដែលនេះជាការបញ្ជាក់ឲ្យឃើញពីការយកចិត្តទុកដាក់របស់រាជរដ្ឋាភិបាលក្នុងការផ្តល់សិទ្ធិបញ្ចេញមតិ ប៉ុន្តែអ្នកសារព័ត៌មានត្រូវតែគោរពច្បាប់ និងក្រមសីលធម៌របស់ខ្លួន។
លោក ឆាយ បូរិន ប្រធានមន្ទីរព័ត៌មានខេត្តរតនគិរី បានលើកយក ពនយល់ចំណុចសំខាន់ៗនៃ ច្បាប់ស្តី ពីរបបសារព័ត៌មាន ជម្រាបជូនអ្នកសារព័ត៌មានរំលឹកអំពីតួនាទី តួនាទី ភារៈកិច្ច អ្នកសារពត៌ មាន ក្នុងការ ជួយដល់សង្គម ជាពិសេសផ្តោតលើការទទួលខុសត្រូវរបស់អ្នកសារព័ត៌មានក្នុងការផ្តល់ព័ត៌មានទៅកាន់មិត្តអ្នកអានអ្នកស្តាប់ ដោយប្រភពព័ត៌មាន ជាព័ត៌មានពិត មានប្រភពត្រឹមត្រូវ ទើបផ្សព្វផ្សាយទៅមិនធ្វើឲ្យប៉ះពាល់ដល់ស្ថេរភាពនយោបាយសង្គម និងសិទ្ធសេរីភាពអ្នកដ៏ទៃ។
នាឱការនោះអ្នកសារព័ត៌មានបានសំណូមពរដល់អាជ្ញាធរខេត្តថា៖ គួរជម្រុញឲ្យមានការទំនាក់ទំនងគ្នាដោយមន្ត្រីរដ្ឋបាលសាលាខេត្ត ស្ថានប័នជុំវិញខេត្ត និងអាជ្ញាធរមូលដ្ឋាន ជួយសហការ និងផ្តល់ព័ត៌មាន ទៅវិញទៅមក ដើម្បីភាពរីកចំរើនក្នុងខេត្ត ជាពិសេសព័ត៌មានសន្តិសុខសណ្តាប់ធ្នាប់សង្គមផ្សព្វផ្សាយដល់សាធារណៈជនឲ្យបានដឹង។ ក្នុងឱកាសនោះផងដែរក្រុមអ្នកសារព័ត៌មានក្នុងខេត្តនោះបានបង្ហើបអំពីគម្រោង នឹងបង្កើតជាសមាគមន៍អ្នកសារព័ត៌មានប្រចាំខេត្តរតនគិរីផងដែរដើម្បីធ្វើឲ្យកិច្ចសហការសាមគ្គី និងការពារគ្នាផលប្រយោជន៍អ្នកសារព័ត៌មាន៕ លី វណ្ណៈ
http://ift.tt/1FgLMwS
