ខឹងប្រពន្ធយកប្តីថ្មីបង្កជម្លោះហើយយកដាវសាមូរ៉ៃកាប់អតីតជាប្រពន្ធដាច់ប្រអប់ដៃម្ខាង
ខេត្ដពោធិ៍សាត់ ៖ បុរសអតីតជាប្តី បានយកដាវសាមូរ៉ៃ កាប់ប្រហារស្ត្រីវ័យក្មេង អតីតជាប្រពន្ធដាច់ប្រអប់ដៃម្ខាង ដោយសារតែប្រច័ណ្ឌរឿងស្រី្តនោះយកប្តីថ្មី ខណៈប្តីឃោរឃៅរូបនោះចុះចោលប្រពន្ធរយៈពេលជាង១ឆ្នាំ ដោយបន្ទាប់ពីពួកគេរួមរស់ជាមួយគ្នាជាប្តីប្រពន្ធក្នុងរយៈពេល១ខែនោះមក។ បន្ទាប់ពីប្រព្រឹត្តរឿងឃោរឃៅបុរសរូបនោះ ត្រូវកម្លាំងកងរាជអាវុធហត្ថខេត្ដបានឃាត់ខ្លួន កាលពីវេលាម៉ោង៨ និង៣០នាទី ព្រឹកថ្ងៃទី២០ ខែឧសភា ឆ្នាំ២០១៥ ស្ថិតនៅក្នុងភូមិឈើទាលខ្ពស់ ឃុំក្បាលត្រាច ស្រុកក្រគរ ខេត្ដ ពោធិ៍សាត់ ។
លោក នៅ សុជាតិ អនុសេនីយ៍ឯក មេបញ្ជាកងរាជអាវុធហត្ថស្រុកក្រគរ បានថ្លែងថា៖ ជនដៃដល់មាន ឈ្មោះ សួស ប៊ុន អាយុ៣១ឆ្នាំ មានទីលំនៅភូមិអង្គ្រង ឃុំខ្វិតធំ ស្រុកព្រៃឈរ ខេត្ដកំពង់ចាម ។ ចំណែកស្ដ្រីរងគ្រោះឈ្មោះញ៉ិល សុភី អាយុ២៤ឆ្នាំ មានទីលំនៅក្នុងភូមិឈើទាលខ្ពស់ ឃុំក្បាលត្រាច ស្រុកក្រគរ ខេត្ដពោធិ៍សាត់ ។ ក្រោយកើតហេតុស្ដ្រីរងគ្រោះត្រូវបានបញ្ជូនទៅ សម្រាកព្យាបាលនៅមន្ទីរពេទ្យបង្អែក ខេត្ដ ។ ចំណែកបុរសដៃដល់ត្រូវកម្លាំងកងរាជអាវុធហត្ថឃាត់ខ្លួន និង បញ្ជូនទៅកាន់ទីបញ្ជាការ កងរាជអាវុធហត្ថ ខេត្ដដើម្បីកសាងសំណុំរឿបញ្ជូនទៅសាលាដំបូងខេត្តតាមច្បាប់ ។
លោកអនុសេនីយ៍ឯកឲ្យដឹងថា៖ បើតាមប្រភពអ្នករស់នៅក្បែរខាងបានបញ្ជាក់ឲ្យដឹងថា ប្ដី ប្រពន្ធមួយគូនេះបានបែកបាក់គ្នាជាង១ឆ្នាំមកហើយ ពួកគេបាន រស់នៅជាមួយគ្នាត្រឹមតែមួយខែប៉ុណ្ណោះ ។ ពេលនោះ ខាងប្រុសបានចុះចោលទៅនៅស្រុកកំណើត ។ ក្រោយពីវិលមករកនាង ហើយបានដឹងថានាងមានគូ ស្រករថ្មីទៀត ដោយបុរសដៃដល់ផ្តើមសួររករូបថតអនុស្សាវរីយ៍របស់ ពួកគេ លាយលំនឹងប្រច័ណ្ឌ និងស្ដាយប្រពន្ធបានអ្នកថ្មី ទើបទាស់សំដីនឹងគ្នា ហើយឈានដល់ផ្ទុះហិង្សា កាប់នាងគ្មានប្រណីដៃរហូតដាច់ប្រអប់ដៃម្ខាង៕ គិរី
http://ift.tt/1IPA6pu
