ប្រជាពលរដ្ឋរកឃើញថ្មចម្លាក់ផ្តែសម័យអង្គរមួយផ្ទាំងនៅទីទួលមួយអ្នកស្រុកនិយាយថាធ្លាប់មាន ប្រសាទ បុរាណពីដើមនៅទីនោះត្រូវបានរលាយបាត់រូប
ខេត្តកំពង់ឆ្នាំង៖ ថ្មភក់ចម្លាក់ផ្តែសម័យអង្គរមួយផ្ទាំង ត្រូវបានប្រជាពលរដ្ឋរកឃើញ នៅទីទួលមួយ កន្លែង ស្ថិតនៅក្នុងភូមិទី៨ សង្កាត់ខ្សាម ក្រុងកំពង់ឆ្នាំង នៅម៉ោង ១០និង៤៥នាទីព្រឹក ថ្ងៃទី១៨ ខែមិថុនាឆ្នាំ២០១៥ នៅពេលដែលប្រជាពលរដ្ឋបាននាំគ្នាកាប់យកដីនៅទីទួលនោះទៅប្រើប្រាស់ចាក់ក្នុងភូមិ។
ប្រជាពលរដ្ឋនៅក្នុងភូមិទី៨បាននិយាយអោយដឹងថា៖ ទីទួលមួយនេះ ពួកគាត់បានឃើញជាយូរមក ហើយ ដោយមានប្រជាពលបាននាំមកកាប់យកដីដួលនោះទៅចាក់ភូមិដ្ឋានរបស់ខ្លួន ដោយមិនបាន ដឹងថា ជាទួលអ្វី នោះទេប៉ុន្តែនៅព្រឹកនេះពេលកាប់ដីទៅក៏បានប្រទះឃើញថ្មមួយដំយ៉ាងធំ មិនដឹងថា ជាថ្មីអ្វីដែរ តែពេលផ្ងារថ្មនោះឡើងសម្រាប់តែឃើញមានរូបចម្លាក់យ៉ាងល្អ ហើយបានប្រាប់តៗគ្នា ដឹងដល់មន្ទីរវប្បធម៌ និងវិចត្រសិល្បៈ ខេត្ត និងបានមកដឹកយកទៅរក្សាទុកនៅសារ មនី្ទរខេត្តនៅ រសៀល ថ្ងៃទី១៨ ខែមិថុនា ឆ្នាំ២០១៥តែម្តងទៅ។
លោក សុខ ធួក ប្រធានមន្ទីរវប្បធម៌ និងវិចិត្រសិល្បះខេត្ត បាននិយាយឌោយដឹងថា៖ ផ្ទាំងថ្មចម្លាក់ផ្តែនេះ ត្រូវបានមន្ត្រីមន្ទីរវប្បធម៌ខេត្ត យករថយន្តទៅដឹកមកដល់សារៈមន្ទីរខេត្តនៅម៉ោង ២និង៣០នាទីរសៀលថ្ងៃដដែលនេះ ។ ផ្ទាំងថ្មភក់នៃចម្លាក់ផ្តែនេះមានប្រវែង ១,៣០ម៉ែត្រ និងកំពស់ ០,៦០ ម៉ែត្រ និងកម្រាស់ប្រមាណ០,១២ម៉ែត្រ ធ្វើពីថ្មភក់ សម័យអង្គរ ក្នុងសត្សវត្តទី៦ឬទី៧ និងតាមប្រជាពល រដ្ឋនិយាយពេលទៅដឹកថ្មចម្លាក់យកមករក្សាទុកនិយាយថា ទីកន្លែងទួលមានចម្លាក់នេះជាទួលប្រាសាទ បុរាណមានឈ្មោះ “ទួលប្រាសាទអណ្តូង១” តែយ៉ាងណានោះមិនទាន់មិនច្បាស់នោះទេ មន្ទីរនិងធ្វើការស្រាវជ្រាវបន្តទៀត ពីប្រវត្តិនៃទីទួលបុរាណមួយនេះ។
លោក សុខ ធួក បាននិយាយអោយដឹងទៀតថា៖ ផ្ទាំងចម្លាក់ផ្តែគឺមាននៅគ្រប់ប្រាសាទទាំងអស់ ដែលបុព្វបុរសខ្មែរយើងជំនាន់ដើម ធ្វើពីថ្មភក់ ដាក់លើក្លោងទ្វារប្រាសាទ ដោយមានសសរពេជទ្រជា ទម្រនៅ សងខាងមាត់ទ្វារ។ លោកសង្ស័យថា នៅទីទួលនោះមានប្រាសាទបុរាណ ដែលបានរំលំរលាយ បាត់រូប ពីយូរលង់ណាស់មកហើយ ប្រជាពលរដ្ឋច្រើនជំនាន់បានមកកាប់ទន្ទ្រានទីទួលប្រាសាទនេះ និងផ្ទាំងនៃ ចម្លាក់ផ្តែនេះគឺកប់ផ្កាប់ផ្ទាំងចម្លាក់នេះបាត់ក្នុងដី ទើបពេលប្រជាពលរដ្ឋបានឃើញមិនដឹងថាជាថ្មអ្វី ព្រោះពីផ្ទាំងថ្មម្ខាងគ្រាន់តែជាថ្មភក់ធម្មតាប៉ុណ្ណោះ ។ ព័ត៌មានលំអិតច្បាស់លាស់នៃផ្ទាំងចម្លាក់ផ្តែ មួយនេះលោកនឹងបញ្ជាក់ពេលក្រោយបន្ទាប់ធ្វើការពិនិត្យស្រាវជ្រាវបន្តទៀតរួចមក ៕ ដោយ រិទ្ធិ ជ័យ
http://ift.tt/1Luu8gi
