ស្រោមអនាម័យវៃឆ្លាត អាចប្ដូរពណ៌ពេលប៉ះជំងឺកាមរោគ
និស្សិតជនជាតិអង់គ្លេសមួយក្រុម បានបង្កើតស្រោមអនាម័យវៃឆ្លាត ដែលអាចប្ដូរពណ៌បានពេលប៉ះជាមួយនឹងជំងឺកាមរោគ។
ស្រោមអនាម័យពិសេសត្រូវបានបង្កើតឡើងដោយភ្ជាប់មកជាមួយម៉ូលេគុលតូចៗដែលអាចប្រែពណ៌ផ្សេងៗនៅពេលដែលប៉ះជាមួយបាក់តេរីឬវីរុសបង្កជំងឺផ្សេង ជាពិសេសជំងឺកាមរោគ។
បើតាម Daanyal សិស្សម្នាក់ក្នុងចំណោមអ្នកបង្កើតស្រោមអនាម័យវៃឆ្លាតនេះបានឲ្យដឹងថា ស្រោមអនាម័យនេះគឺត្រូវបានបង្កើតឡើងជាពិសេសដើម្បីឲ្យអ្នកប្រើប្រាស់ដឹងពីមេរោគនេះជាមុន និងប្រុងប្រយ័ត្នការពារខ្លួនពីជំងឺកាមរោគបានដោយខ្លួនឯង។
ការបង្កើតគំនិតច្នៃជាគំរូស្រោមអនាម័យវៃឆ្លាតនេះឡើង បានធ្វើឲ្យក្រុមសិស្សអង់គ្លេសនោះឈ្នះរង្វាន់ពីកម្មវិធី TechTeen Awardsជាទឹកប្រាក់១០០០ផោន និងដំណើរកម្សាន្តទៅរាជវាំង Buckingham ផងដែរ។
យ៉ាងណាក្ដីអ្នកនាំពាក្យក្នុងកម្មវិធីនេះបាននិយាយថា ស្រោមអនាម័យនេះនឹងមិនទាន់ដាក់លក់នៅឡើយទេ ៕
ក្រុមនិស្សិតដែលបង្កើតស្រោមអនាម័យវៃឆ្លាត
អត្ថបទទាក់ទង៖
– ស្រោមអនាម័យក្លែងក្លាយជិត ៣៥លានស្រោម ត្រូវគេចាប់បាន
– កូរ៉េខាងត្បូងលុបចោលច្បាប់ផិតក្បត់ ក្រុមហ៊ុនផលិតស្រោមអនាម័យសាទរ
– មាន ៧៥៥ដុល្លារ ទើបអាចទិញស្រោមអនាម័យបាននៅវេណេហ្ស៊ុយអេឡា
ប្រែសម្រួល៖ មាន រតនា
ប្រភព៖ metro
http://ift.tt/1CuxrvK