ស្មាតហ្វូន៥ម៉ូដែលមានឈ្មោះក្នុងបញ្ជី Guinness World Record
ជារឿងមួយដ៏ចម្លែក ដែលសូម្បីតែស្មាតហ្វូនក៏អាចជាប់ឈ្មោះក្នុងបញ្ជី Guinness World Record ហើយមិនមែនតែមួយម៉ូដែលទេ គឺដល់ទៅប្រាំម៉ូដែលឯណោះ។
ខាងក្រោមនេះគឺជាស្មាតហ្វូនចំនួន៥ ដែលមានសមត្ថភាពអាចជាប់ឈ្មោះក្នុងបញ្ជី Guinness World Record៖
១. LG G4
កាលពីថ្មីៗនេះ LG G4 បានបំបែកឯតទគ្គកម្មថ្មីដោយសារតែទូរសព្ទនេះអាចថតរូប Selfie បានច្រើនក្នុងរយៈពេលដ៏ខ្លី គឺថតបានចំនួន ៧៤៦សន្លឹកក្នុងរយៈពេល២ម៉ោង។ ពីមុនស្មាតហ្វូនដែលគ្រងតំណែងឯតទគ្គកម្មនេះគឺ Samsung Galaxy A3 និង A5 ដែលថតរូប Selfie បានចំនួន៥៣១សន្លឹក ក្នុងរយៈពេលដូចគ្នា។
២. Gionee Elife S5.1
ទូរសព្ទរបស់ប្រទេសចិនមួយនេះទទួលបានតំណែងជាទូរសព្ទដែលមានកម្រាស់ស្ដើងជាងគេនៅលើពិភពលោក គឺមានកម្រាស់ត្រឹមតែ ៥,១មមតែប៉ុណ្ណោះ។ មួយខែក្រោយមកក៏មានទូរសព្ទចិនមួយម៉ូដែលទៀតបានដណ្ដើមយកតំណែងពីទូរសព្ទនេះ។
៣. Oppo R5
Oppo R5 គឺជាទូរសព្ទដែលទាញទម្លាក់ទូរសព្ទ Gionee Elife S5.1 ចេញពីបញ្ជី Guinness World Record ក្នុងតំណែងជាទូរសព្ទដែលមានកម្រាស់ស្ដើងជាងគេវិញម្ដង គឺមានកម្រាស់ត្រឹមតែ ៤,៨៥មមតែប៉ុណ្ណោះ។
៤. HTC One
HTC One បានបង្កើតឯតទគ្គកម្ម Guinness World Record ថ្មីដោយសារក្រុមហ៊ុន HTC បានបង្កើតផ្ទាំងមួយផ្គុំឡើងពីទូរសព្ទ HTC One ចំនួន៤០០គ្រឿង អាចបង្ហាញរូបភាពដែលស៊ីមេទ្រីគ្នាបានយ៉ាងល្អ។
៥. LG Optimus 2X
បានបង្កើតឯតទគ្គកម្ម Guinness World Record ក្នុងនាមជាស្មាតហ្វូនដែលមាន CPU ប្រភេទ dual-core ដំបូងគេនៅឆ្នាំ២០១១។
-ចុចអាន៖ Samsung បង្ហាញរថយន្តមានអេក្រង់ក្រោយ ងាយស្រួលអ្នកបើកវ៉ា
ប្រែសម្រួល៖ ហៃ សុខហេង
ប្រភព៖ phonearena
