គោយន្តកន្ត្រៃបើកចុះចំណោតហ្វ្រាំងមិនស៊ីរ៉េក្រឡាប់ធ្លាក់រណ្តៅលូថ្នល់ជាតិ៧៨
ខេត្តរតនគិរី៖ គោយន្តកន្ត្រៃដឹកមនុស្សចំនួន៨នាក់ បើកបរក្នុងទិសដៅពីលិចទៅកើតដោយល្បឿនលឿន ខណៈមកដល់ចំណុចកើតហេតុទល់មុខផ្សារតាយ សេង ស្ថិតក្នុងភូមិ៤ សង្កាត់កាចាញ ក្រុងបានលុង ខេត្តរតនគិរី ចុះចំណោតហ្វ្រាំងចាប់មិនស៊ីបណ្តោលអោយរ៉េចង្កូតធ្លាក់ពីផ្លូវជាតិលេខ៧៨ទៅខាងស្តាំដៃក៏ក្រឡាប់នៅក្នុងរណ្តៅនេះតែម្តង។ ប៉ុន្តពុំបង្កអោយមាននរណាម្នាក់គ្រោះថ្នាក់ដល់អាយុជីវិត នោះទេ។ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១និង៣០នាទី រសៀល ថ្ងៃទី១៤ ខែកក្កដា ឆ្នាំ២០១៥។
តាមប្រភពពត៌មានពីកន្លែងកើតហេតុបានអោយដឹងថា គោយន្តកន្ត្រៃយ៍មួយគ្រឿងនេះចេញពីខេត្តកំពង់ស្ពឺ ដឹកកម្មករមានប្រុស ស្រី ទាំងអស់ប្រមាណ៨នាក់ សំដៅមកក្រុងបានលុង ដើម្បីស្វែងរកការងារធ្វើ ហើយចៃដន្យមិនទាន់ដល់គោលដៅស្រាប់តែមកក្រឡាប់ចាក់កម្មករចោលនៅមុខផ្សារថ្មីតាយសេងនេះ។ ប្រភពបន្តទៀតថា ទាំងម្ចាស់គោយន្តកន្ត្រៃ និងកម្មករពុំបានដឹកអត្តសញ្ញាណនោះទេ ដោយសារពួកគាត់លាក់លៀម មិនចង់អោយលិចឮទៅដល់អ្នកភូមិស្រុកកំណើតរបស់ពួកគាត់ខ្មាស់គេ។ ក្រោយពីកើតហេតុមិនបានរំខានដល់សមត្ថកិច្ចមូលដ្ឋាននោះទេ ដោយម្ចាស់គោយន្តកន្ត្រៃបានហៅរថយន្តស្ទួចយកទៅជួសជុលខ្លួនដោយឯង៕ លី វណ្ណៈ
http://ift.tt/1LbPMpO
