ចាប់បញ្ជូនខ្លួនស្ត្រីមេបនជួញដូផ្លូវភេទទៅកាន់តុលាការខេត្ត
ខេត្តព្រះសីហនុ៖ ស្ត្រីជនសង្ស័យ ជាប់ពាក់ព័ន្ធបទសញ្ញាកម្មម្នាក់ បន្ទាប់ពីស្ត្រីជនរងគ្រោះ ពីរនាក់ទ្រាំមិនបានពីការបង្ខំឲ្យវ៉ៃសិចជាមួយភ្ញៀវជាប្រចាំបានលួចរត់មកប្តឹងដែលសមត្ថកិច្ចកងរាជអាវុធឲ្យជួយ ហើយកម្លាំងកងរាជអាវុធហត្ថបានឃាត់ខ្លួនកាលពីថ្ងៃទី៥ ខែកក្កដា ឆ្នាំ២០១៥ ត្រូវបានបញ្ជូនខ្លួនទៅកាន់សាលាតដំបូងហើយកាលពីល្ងាចថ្ងៃទី៦ ខែកក្កដានេះ ដើម្បីចាត់ការតាមនិតិវិធីច្បាប់។
លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអអាវុធហត្ថខេត្តព្រះសីហនុ បានអោយដឹងថា៖ កាលពីថ្ងៃទី៥ ខែកក្កដា ឆ្នាំ២០១៥ វេលាម៉ោងប្រមាណជា៥ទៀបភ្លឺ ស្រី្តជាជនរងគ្រោះចំនួន២នាក់ ដោយទី១-ឈ្មោះចាន់ ស្រី ស្រស់ ភេទ ស្រី អាយុ២៨ឆ្នាំ ទី២-ឈ្មោះ វ៉ាន់ញិប ភេទស្រី អាយុ៣៤ឆ្នាំ បានមកប្តឹង ឈ្មោះ ហ៊ុយ មួយ ភេទស្រី អាយុ៥៥ឆ្នាំ មានទីលំនៅភូមិ៣ សង្កាត់លេខ៣ ក្រុង ព្រះសីហនុ ថាបានបង្ខំអោយពួកនាងរួមភេទជាមួយភ្ញៀវព្រមទាំងជេប្រមាថ លើពួក នាង ទាំង ពីរនាក់ទៀតផង។ ក្រោយពីបានទទួលបណ្តឹងនេះភ្លាម កម្លាំងកងរាជអាវុធចំនួន៥នាក់ បានចុះទៅអន្តរាគមន៍ដល់ទីកន្លែងកើតហេតុ ដោយបាននាំខ្លួនឈ្មោះ ហ៊ុយ មួយ មកកាន់ទីបញ្ជាការ ដើម្បីសួរចម្លើយ។
យោងតាមការបំភ្លឺរបស់ឈ្មោះ ចាន់ ស្រីស្រស់ និងឈ្មោះ វ៉ាន់ ញិប បានអោយដឹងថា៖ កាលពីថ្ងៃទី២ ខែកក្កដា ឆ្នាំ២០១៥ នាងបានជួបជាឈ្មោះ ហ៊ុយ មួយ នេះនៅវត្តភ្នំ រួចគាត់ បានបបួល នាងមកធ្វើការនៅក្រុងព្រះសីហនុ ជាអ្នកបំរើតាមផ្ទះ។ ពេលនោះនាងក៏យល់ ព្រមមកតាមគាត់។ លុះមកដល់ក្រុងព្រះសីហនុ ស្រាប់តែឈ្មោះ ហ៊ុយ មួយ បានបង្ខំអោយ នាងទទួល ភ្ញៀវបំរើសេវាផ្លូវភេទទៅវិញ ដោយពុំមានជំរើសពួកនាងបានបង្ខំចិត្តរួមភេទជា មួយភ្ញៀវ ក្នុងថ្ងៃចាប់ពី២ទៅ៣នាក់ ហើយកម្រៃ នៃការរួមភេទក្នុងមួយសិច២ម៉ឺនរៀល តែត្រូវ បង់ អោយឈ្មោះ ហ៊ួយ មួយម៉ឺនរៀល។
ហើយនាងបានបន្ថែមទៀតថា៖ ក្នុងរយៈពេលប៉ុន្មានថ្ងៃនេះ ពួកនាងទទួលភ្ញៀវបានជាង១០នាក់ ព្រមទាំងបានបង្ខាំងនាងមិនអោយទៅណា និងបង្ខំអោយរូបនាងទទួលភ្ញៀវគ្មានម៉ោងសំរាកទៀតផង។ ដោយទ្រាំនឹងទង្វើនេះលែងបានរូបនាង ក៏បានប្តឹងសមត្ថកិច្ចកងរាជអាវុធហត្ថឲ្យជួយពួកនាង៕ សមយទ្រខៀវ
http://ift.tt/1HHRr5w
