យុវជន ចែកចាយ និងប្រើប្រាស់ថ្នាំញៀន៥នាក់ ត្រូវនគរបាលចាប់ខ្លួនក្នុងបញ្ជូនទៅតុលាការកាត់ទោស
ខេត្តកំពង់ឆ្នាំង៖ អ្នកចែកចាយ និងប្រើប្រាស់ថ្នាំញៀនចំនួន៥នាក់ ត្រូវបាននគរបាលស្រុក និងខេត្ត សហការគ្នាធ្វើតាមចាប់ខ្លួនបានជាបន្តបន្ទាប់ នៅថ្ងៃទី៧ និងទី៨ ខែសីហា ឆ្នាំ២០១៥ នៅកន្លែង២ផ្សេងគ្នា ក្នុងស្រុកកំពង់ត្រឡាច និងស្រុកសាមគ្គីមានជ័យ ដកហូតថ្នាំញៀន២កញ្ចប់។
សមត្ថកិច្ចនគរបាលការិយាល័យប្រឆាំងគ្រឿងញៀន របស់ស្នងការនគរបាលខេត្តបាននិយាយ អោយដឹងថា៖ នៅរសៀលថ្ងៃទី០៧ ខែសីហា សមត្ថកិច្ចនគរបាល បានចាប់ជនសង្ស័យចំនួន៤នាក់ នៅ កន្លែងលេងអ៊ីនធឺណែតមួយកន្លែង នៅភូមិសាលាលេខ៥ ឃុំអូរឫស្សី ស្រុកកំពង់ត្រឡាច ដែលអ្នកទាំង នោះមាន១,ឈ្មោះ ស កានុន អាយុ២៣ឆ្នាំ នៅភូមិដើមពពេល ឃុំថ្មឥដ្ឋ ២,ឈ្មោះ មឿន ឌីនោរ៉ាអាយុ ១៦ឆ្នាំ ៣,ឈ្មោះ សាំង គឹមឆាយ អាយុ២៤ឆ្នាំ ទាំងពីរនាក់នេះនៅមានទីលំនៅ ភូមិតាអត ឃុំពានី និង ៤ឈ្មោះ ដួង សុភុត អាយុ២៣ឆ្នាំ មានទីលំនៅភូមិ សាលាលេខ៥ ឃុំអូរឬស្សី ។
ក្រោយការចាប់ខ្លួនជនសង្ស័យខាងលើនៅល្ងាចថ្ងៃទី០៨ ខែសីហា សមត្ថកិច្ចនគរបាលបានស្រាវជ្រាវនិងចាប់បាន អ្នកចែកចាយដ៏សកម្មម្នាក់ទៀតឈ្មោះ ឈុន រ៉ា អាយុ២៦ឆ្នាំ ឈ្មោះនេះចាប់នៅផ្ទះក្នុង ភូមិបឹងលាជ ឃុំសេដ្ឋី ស្រុកសាមគ្គីមានជ័យ ។ ជនសង្ស័យម្នាក់នេះជាមុខសញ្ញាចែកចាយថ្នាំញៀនធ្លាប់ជាប់ពន្ឋនាគារ និងទើបរួចខ្លួនបានជាង១ខែប៉ុណ្ណោះ។ ចំណែកវត្ថុតាងដែលសមត្ថកិច្ចដកហូតបានរួមមានថ្នាំ៖ ញៀនប្រភេទម៉ាទឹកកក១កញ្ចប់ធំ និង១កញ្ចប់តូច ម៉ូតូ១គ្រឿង ទូរស័ព្ទដៃ២គ្រឿង និងឧបករណ៏សម្រាប់ប្រើប្រាស់មួយចំនួនទៀត។
ជនសង្ស័យទាំង៥នាក់ត្រូវបានសមត្ថកិច្ចនគរបាលការិយាល័យប្រឆាំងគ្រោះញៀន នៃស្នងការដ្ឋាននគរបាលខេត្ត កសាងសំណុំរឿងតាមនិតិវិធី បញ្ជូនទៅតុលាការខេត្ត នៅរសៀលថ្ងៃទី០៩ ខែសីហា ឆ្នាំ២០១៥ ដើម្បីចាត់ការបន្តទៅតាមផ្លូវច្បាប់៕ រិទ្ធិ ជ័យ
http://ift.tt/1huW6MK
