ពលរដ្ឋខេត្តព្រះសីហនុប្រតិកម្មទៅនឹងការសាងសង់របងចូលសមុទ្រពីសំណាក់ក្រុមហ៊ុនចិនដែរអាជ្ញាធរខេត្តនេះកំពុងតែគាំទ្រ
ខេត្តព្រះសីហនុ៖ ទីតាំងសំណង់របស់ក្រុមហ៊ុនចិនឈ្មោះស៊ីហ៊ូអ៊ិនធឺណេស្សិនណលហូតែល មួយកន្លែង និងអាជ្ញាធរខេត្តព្រះសីហនុកំពុងរងការរិះគន់យ៉ាងខ្លាំង ជុំវិញការសាងសង់របងចូលដល់ផ្ទៃសមុទ្រ ដែលជាទ្រព្យសម្បត្តិរបស់សាធារណៈ ព្រោះកន្លងមកគេពុំដែលបានឃើញក្រុមហ៊ុនណាមួយ ឬបុគ្គលណាមួយហ៊ានសាងសង់បែបនេះទេ។ ទោះយ៉ាងណាពលរដ្ឋព្រឺក្បាលនឹងអំពើលោភលន់នេះ ដែលគេលើកឡើងថា នៅឯភ្នំពេញអ្នកមានអំណាចអាជ្ញាធរបាន ឃុបឃិតជាមួយឈ្មួញលុបបឹងលុបទន្លេព្រែក តែអំពើនេះបានមកដល់ខេត្តនៅតំបន់មាត់សមុទ្រទៀតហើយគឺលុបសមុទ្រដណ្តើមយកដីយ៉ាអនាធិបតេយ្យ។
លោក សីលា ក៏ដូចជាប្រជាពលរដ្ឋរស់នៅក្រុងព្រះសីហនុដ៏ទៃទៀត បានសំដែងទស្សនៈថា៖ វាជាលើកទី១ ហើយក៏ជាប្រវត្តិសាស្ត្រសម្រាប់ខេត្តទេសចរណ៍មួយនេះដែរ ដែលអាជ្ញាធរខេត្តហាក់ពុំខ្វល់ទៅនឹងទង្វើ រំលោភបំពានពីសំណាក់ក្រុមហ៊ុនចិនឈ្មោះស៊ីហ៊ូអ៊ិនធឺណេស្សិនណល ហូតែល មានទីតាំងស្ថិតនៅភូមិ០១ សង្កាត់លេខ៣ ក្រុងព្រះសីហនុដ៏មានឥទ្ធិពលមួយដោយសារអ្នកមានអំណាចអង្គុយគងអន្ទាក់ខ្លានៅពីក្រោយ។
បច្ចុប្បន្នក្រុមហ៊ុនមួយនេះបាននឹងកំពុងជាន់ឈ្លីច្បាប់រដ្ឋធម្មនុញ្ញខ្មែរយ៉ាងគឃ្លើនដោយពួកគេបានចាក់ដីលប់ឆ្នេរខ្សាច់ដ៏ស្រស់ស្អាត សាងសង់របងព័ទ្ធដីឆ្នេររហូតដល់ក្នុងទឹកសមុទ្រ ដែលជារបស់រដ្ឋ និងជារបស់ជនជាតិខ្មែរទាំងមូល។ ផ្ទុយទៅនឹងច្បាប់របស់ព្រះរាជាណាចក្រកម្ពុជាដែលចែងថា បឹង ទន្លេ ភ្នំ សមុទ្រ ឆ្នេរ កោះ និងសម្បត្តិធម្មជាតិមួយចំនួន ជារបស់សម្បត្តិរដ្ឋ។ ប៉ុន្តែករណីរំលោភនេះត្រូវកើតឡើងយ៉ាងចំហរនៅពេលនេះស្ថាប័នជំនាញពាក់ព័ន្ធ និង អាជ្ញារធខេត្តព្រះសីហនុហាក់ធ្វើពុំដឹងពុំឮទៅវិញ ដែលគេសង្ស័យថាអាចម្នាក់ទទួលបានលាភសក្ការៈសើមមាត់សើមកទៅហើយ។
ពលរដ្ឋរិះគន់ពេញមាត់ថា៖ នេះជារូបភាពបង្ហាញពីភាព កម្សោយរបស់អាជ្ញាធរខេត្ត លើសពីនេះធ្វើអោយមានការសង្ស័យថាជាការ ឃុប ឃិត ជាលក្ខណៈប្រព័ន្ធ ចាប់តាំងពីថ្នាក់ក្រោមរហូតថ្នាក់លើ បំផ្លាញទ្រព្យសម្បត្តិធម្មជាតិខ្មែរដ៏ធ្ងន់ធ្ងរ ដែលគួរតែមានវិធានការតាមផ្លូវច្បាប់មិនត្រូវអត់ឱនឲ្យ។
ជុំវិញការរិះគន់នេះដែរ លោក ឈិត សេង ងួន អភិបាលរងទទួលបន្ទុកបានឆ្លើយថា វាជាការត្រឹមត្រូវហើយដែលការដ្ឋានសាងសង់មួយចាំបាច់ត្រូវតែធ្វើហ៊ុំព័ន្ធយ៉ាងនេះនោះ បើពុំមានការហ៊ុំព័ន្ធនោះទេវាអាចបង្ករហានិភ័យដល់អ្នករស់នៅជិតខាង។ ឯចំពោះការហ៊ុំព័ទ្ឋ ខុសលក្ខណៈបច្ចេកទេសយ៉ាងណានោះ លោកបានអោយក្រុមការងារជំនាញ និង ថ្នាក់ក្រុងចុះទៅធ្វើត្រួតពិនត្យហើយ ចំពោះការចាក់ដីលប់លើឆ្នេរខ្សាច់នោះ វាគឺជាលក្ខណៈបច្ចេករបស់វិស្វករសំណង់ ដែលគ្រោងសាងសង់អាងហែលទឹកសាធារណៈ និង អាងចំរោះទឹកស្អាតនៅកន្លែងនោះ វាពុំបានធ្វើអោយប៉ះពាល់អ្វីនោះទេ៕ សមុទ្រខៀវ
http://ift.tt/1IUKybv
