បុរសម្នាក់ជិះម៉ូតូទៅផ្សារត្រូវរថយន្តកូរ៉េបុកម៉ូតូគាត់ពីក្រោយបណ្តាលឲ្យរងរបួសធ្ងន់
ខេត្តកំពង់ឆ្នាំង៖ បុរសម្នាក់បានរងរបួសធ្ងន់ក្នុងករណីគ្រោះថ្នាក់ចរាចរណ៏មួយបានកើតឡើងខណៈដែ លជនរងគ្រោះបានជិះម៉ូតូទៅផ្សារទិញទឹកដោះគោអោយកូន ត្រូវរថយន្តម៉ាកកូរ៉េបុកម៉ូតូគាត់ចំពីក្រោយ ហេតុការណ៍នេះបានកើតឡើង នៅវេលា ម៉ោង ២និង ៣០នាទីរសៀលថ្ងៃទី០៨ ខែសីហា ឆ្នាំ២០១៥ នៅលើកំណាត់ផ្លូវជាតិលេខ៥ ស្ថិតក្នុងភូមិផ្សារ ឃុំផ្សារ ស្រុកបរិបូរណ៌។
សមត្ថកិច្ចនគរបាលមូលដ្ឋានបានអោយយថា៖ មុនពេលកើតហេតុ ជនរងគ្រោះឈ្មោះ ជ័យ សុហៃអាយុ២២ឆ្នាំ មានទីលំនៅ ភូមិផ្សារ បានជិះម៉ូតូម៉ាកសង់កូរ៉េ ទៅទិញទឹកដោះគោអោយកូន ក្នុងទិសដៅពីជើងមកត្បូង លុះមកដល់ចំណុខកើតហេតុ ស្រាប់តែមានរថយន្តម៉ាកកូរ៉េមួយគ្រឿង ពាក់ស្លាកលេខកំពង់ឆ្នាំង 2A-0635 បើកបរដោយបុរសមិនស្គាល់ឈ្មោះ បើកមកបុកម៉ូតូជនរងគ្រោះពីក្រោយអូសម៉ូតូប្រវែង៤៧ម៉ែត្រ បណ្តាលអោយជនរងគ្រោះរងរបួសធ្ងន់។
ក្រោយពេលកើតហេតុ ជនរងគ្រោះត្រូវបានគេដឹកទៅសង្គ្រោះនៅមណ្ឌលសុខភាពស្រុកបរិបូរណ៌ តែដោយសភាពធ្ងន់ពេក ទើបបន្តដឹកមកមន្ទីរពេទ្យខេត្តជាបន្តទៀត ។ ចំណែកម៉ូតូបានរងការខូចខាតមួយកំណាត់ខាងក្រោយ ។សមត្ថកិច្ចនគរបាលបាននិយាយថា៖ អ្នកបើករថយន្តបានរត់គេចខ្លួនបាត់ក្រោយពេលកើតហេតុ និងសង្ស័យថា ករណីបង្ករអោយមានគ្រោះថ្នាក់បែបនេះប្រហែល មកពីអ្នកបើកបររថយន្តបើកងោកងុយ។ រថយន្តបង្ក និងម៉ូតូត្រូវបានសមត្ថកិច្ចនគរបាលយកទៅរក្សាទុកនៅអធិការដ្ឋាន នគរបាលស្រុក បរិបូរណ៍ កសាងសំណុំរឿងដោះស្រាយតាមផ្លូវច្បាប់ ៕ រិទ្ធិ ជ័យ
http://ift.tt/1UyWuYM
