លោកសាស្ត្រាចារ្យវិទ្យាស្ថានប្រាយហូមម្នាក់តូចចិត្តប្រពន្ធក្មេងរត់ចោលបានសម្រេចចិត្ត ចងកធ្វើអត្តឃាតខ្លួន
ខេត្តកំពង់ឆ្នាំង៖ លោកសាស្ត្រាចារ្យវ័យចំណាស់ម្នាក់ បានដាច់ចិត្តចងកសម្លាប់ខ្លួន ព្រោះតែប្រពន្ធចុងរត់ចោល និងមានជំងឺទឹកនោមផ្អែមប្រចាំកាយព្យាបាលជាច្រើនឆ្នាំមកហើយមិនជា។ករណីធ្វើអត្តឃាតដោយចងកនេះ បានកើតឡើងនៅម៉ោង៦ និង៣០នាទីព្រឹកថ្ងៃទី០៣ ខែកញ្ញា ឆ្នាំ២០១៥ នៅក្នុងបន្ទប់ដេកក្នុងផ្ទះប្អូនប្រុសបង្កើតនៅខាងក្រោមផ្សារព្រៃខ្មែរ ស្ថិតក្នុងភូមិស្ពករាជ ឃុំអណ្តូងស្នាយ ស្រុករលារប្អៀរ ខេត្តកំពង់ឆ្នាំង។
សមត្ថកិច្ចនគរបាលស្រុករលាប្អៀរបានអោយដឹងថា៖ បុរសធ្វើអត្តឃាតមានឈ្មោះ ឌិត សុផាន់ណា ហៅ(គ្រូអ៊ុយ) អាយុ៦២ឆ្នាំ ជាសាស្ត្រាចារ្យបង្រៀនភាសាអង់គ្លេសនៅវិទ្យា ស្ថានប្រាយហូប មានទីលំនៅក្នុងភូមិប្អេរ សង្កាត់ប្អេរ ក្រុងកំពង់ឆ្នាំង។ប្រភពពីក្រុមគ្រួសារ អោយសមត្ថកិច្ចដឹងថា៖ កាលពីថ្ងៃទី០២ ខែកញ្ញា ប្អូនប្រុសបង្កើតឈ្មោះ សាំង បាំងសែន បានទៅយកបងប្រុស ពីផ្ទះរបស់គាត់ភូមិប្អេរ អោយមកស្នាក់នៅព្យាបាលជម្ងឺ នៅនិងផ្ទះ ប្អូន នៅខាងក្រោយក្នុងផ្សារព្រៃខ្មែរក្នុងភូមិ ស្ពករាជ។ពេលយកគាត់មកដល់ផ្ទះប្អូនមើល ទៅអាការះរបស់គាត់ជាបងហាក់ដូចជាធម្មតាមិនមានអ្វីប្លែកឡើយ។
នៅព្រឹកថ្ងៃទី០៣ ខែកញ្ញា ឆ្នាំ២០១៥ ម៉ោងប្រមាណ៥ភ្លឺ គាត់ក្រោកពីដេកនិងបាន មកពរ ប្រឡែងលេងជាមួយនិងចៅជាធម្មតា បន្ទាប់មកគាត់ក៏ដើរចូលទៅក្នុងបន្ទប់ដេក របស់គាត់វិញ។រហូតដល់ម៉ោងប្រហែលជា៧និង១៥នាទីព្រឹកពេលអ្នកផ្ទះមិនឃើញគាត់ចេញពីបន្ទប់ដេកប្អូនប្រុសក៏ស្រែកហៅ តែមិនឭសូរឆ្លើយ ក៏បាននាំគ្នាគាស់ទម្លុះទ្វារចូល ទៅមើល ក៏ឃើញបងប្រុសចងកស្លាប់បាត់ទៅហើយ។
លោក យឹម សុផល នាយការិយាល័យព្រហ្មទ័ណ្ឌនៃអធិកានគរបាល ស្រុករលារ ប្អៀរបានអោយដឹងថា៖ក្រោយពីបានពិនិត្យធ្វើកោសលវិច្ច័យទៅលើសាកសពតាមបច្ចេកទេសរួចមក សមត្ថកិច្ចអោយដឹងថា ការស្លាប់របស់លោក ឌិត សុផាន់ណា ជាសាស្ត្រា ចារ្យ វិទ្យាស្ថានប្រាយហូប ពិតស្លាប់ដោយសារចងកធ្វើអត្តឃាខ្លួនឯងប្រាកដមែន។
តាមការស្រាវជ្រាវសមត្ថកិច្ចអោយដឹងថា៖ មូលហេតុដែលបណ្តាលអោយគាត់ ដាច់ចិត្តចងកសម្លាប់ខ្លួននេះ គឺបានដឹងថា កាលពីថ្ងៃទី០២ ខែកញ្ញា គាត់ និងប្រពន្ធដែល ចុងមានអាយុ៣០ឆ្នាំ បានឈ្លោះប្រកែកគ្នា ហើយប្រពន្ធនោះបានរត់ចោលរូប គាត់ទៅ ខេត្តប៉ៃលិនបាត់ទៅ ទើបគេសង្ស័យថាធ្វើអោយគាត់ខូចចិត្តរហូតដល់សម្លាប់ខ្លួន។ ដោយឡែកកាលពីជាង២ឆ្នាំមុន ប្រពន្ធដើមគាត់មានមុខរបរជាជាងកាត់ដេរនៅផ្ទះក៏ត្រូវ ឃាតករចាក់សម្លាប់នឹងកន្ត្រៃនៅក្នុងផ្ទះទាំងកណ្តាលថ្ងៃ ដែលមកដល់ពេលនេះសមត្ថ កិច្ចមិនបានស្វែងរកឃាតករនោះឃើញឡើយ៕ សហការី
http://ift.tt/1KuUvmV
