ឧកញ៉ា វន្ត ប៊ុនថៃហៅ(ឧកញ៉ាថៃ)កំពុងតែរត់គេចខ្លួនបើទោះជាសម្តេចតេជោមិនបានចុចចំឈ្មោះឲ្យចាប់ខ្លួនក៏ដោយហើយឃ្លាំងស្តុកឈើនៅស្រុកអូរាំងឪសមត្ថកិច្ចឡោមព័ទ្ធឆែកឆេរ
ខេត្តត្បូងឃ្មុំ ៖ ឃ្លាំងឈើរបស់ឧកញ៉ា វន្ត ប៊ុនថៃ ហៅ(ឧកញ៉ាថៃ) បន្ទាប់ពីកម្លាំងកងរាជអាវុធហត្ថធ្វើការឡោមព័ទ្ធអស់មួយយប់ នៅព្រឹកថ្ងៃទី១៩ ខែមករា ឆ្នាំ២០១៦នេះ សមត្ថកិច្ចចម្រុះមានកម្លាំងកងរាជអាវុធហត្ថខេត្តត្បូង នគរ បាលស្រុកអូរាំងឪ ដឹកនាំដោយលោក ហៀង សុភ័ក្ត ព្រះរាជអាជ្ញាខេត្តត្បូងឃ្មុំ បានចូលទៅឆែកឆេរឃ្លាំងស្តុកឈើ នោះ ស្ថិតក្នុងភូមិសុក្រំជ្រុំ ឃុំគងជ័យ ស្រុកអូរាំងឱ ។ ពេលកម្លាំងចម្រុះចុះឆែកឆេរកាលពីព្រឹកមិញ គេមិនបាន ឃើញមានមនុស្សនៅក្នុងឃ្លាំងនោះទេ ដោយឃ្លាំងនោះត្រូវគេបិទទ្វាររបងទុកចោល ហើយសូម្បីតែឧកញ៉ា វន្ត ប៊ុនថៃ ក៏កំពុងរត់គេចខ្លួនដែរព្រោះតែរកស៊ីឈើមិនស្របច្បាប់។ ទោះជាយ៉ាងណាក៏ដោយ សមត្ថកិច្ចកំពុងតែឡោមព័ទ្ធនៅឡើយ និងធ្វើការវាស់វែងឈើទាំងនោះ។
សូមរំលឹកថា ឧកញ៉ា វន្ត ប៊ុនថៃ ហៅ(ឧកញ៉ាថៃ) នេះជាឈ្មួញឈើជើងខ្លាំងមួយដែលគេចផុតពីការចុចឈ្មោះឲ្យតាមចាប់ខ្លួនដែលអាចនិយាយថាមានៃំណាងជាងឧកញ៉ា លឹម ប៊ុណា ហៅ (ខ្នា) និង ឧកញ៉ា ស៊ឹង សំអុល។ ប៉ុន្តែ ឧកញ៉ា វន្ត ប៊ុនថៃ ហៅ(ឧកញ៉ាថៃ) ជាមេឈ្មួញជើងខ្លាំងមួយរូបខាងប្រមូលទិញ និងដឹកជញ្ជូនឈើសេះហោះទៅវៀតណាមស្មើដៃគ្នាជាមួយ ឧកញ៉ា លឹម ប៊ុណា ហៅ (ខ្នា) និង ឧកញ៉ា ស៊ឹង សំអុល ពួកគេប្រើប្រាស់អាជ្ញាប័ណ្ណអនុញ្ញាតប្រមូលទិញឈើពីក្រសួងកសិកម្ម និងក្រសួងបរិស្ថាន ប៉ុន្តែអាជ្ញាប័ណ្ណនិមួយៗពួកគេដឹកឈើមិនចេះអស់រាប់សិបឆ្នាំ ហើយរហូតធ្វើជាខែលបិទបាំង ការកាប់ឈើមិនរើសកន្លែងចេញពីព្រៃការពាររបស់សហគមន៍ និងឧទ្យានជីវៈចំរុះកែវសីមា ព្រៃដែនជម្រកសត្វព្រៃភ្នំព្រេច ព្រមទាំងបំផុសឲ្យពលរដ្ឋចូលកាប់ឈើខុសច្បាប់ពួកគេចាំប្រមូលទិញដោយមានការឃុបឃិតពីមន្ត្រីគ្រប់ជំនាញ។
ការឡោមព័ទ្ធនេះធ្វើឡើងក្រោយពីមានបទបញ្ជារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា នៅក្នុងកិច្ចប្រជុំគណៈរដ្ឋមន្ត្រី នាព្រឹកថ្ងៃទី១៥ ខែមករា ឆ្នាំ២០១៦នោះបានព្រមានធ្ងន់ទៅលើឈ្មួញ និងអ្នកឃុបឃិតបើកដៃឲ្យមានការរត់ពន្ធឈើទៅប្រទេសវៀតណាម ហើយបានចេញបញ្ជាឲ្យបិទគ្រប់ច្រករត់ពន្ធឈើទៅប្រទេសវៀតណាម ហើយនៅល្ងាចថ្ងៃដដែលនេះ នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានតែងតាំងជាប្រធានគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសព្រៃឈើ៕កញ្ញាសុភាព
http://ift.tt/1lq7s60
