អាទូរីសបោះពួយវ៉ាជែងរថយន្តនៅពីមុខមិនផុត ជ្រុលទៅបុកជាមួយរថយន្តកុងតឺន័រមនុស្ស៣នាក់ របួសធ្ងន់ និងស្រាល ចំណែកអ្នកបើកអាទូរីសដាក់មេប្រូចបាត់
ខេត្តកំពង់ឆ្នាំង៖ មនុស្ស៣នាក់ បានរងរបួសធ្ងន់ និងស្រាល នៅក្នុងករណីគ្រោះថ្នាក់ចរាចរណ៍មួយ នៅពេលដែលរថយន្តទូរីស ខំបើកវ៉ារថយន្តពីមុខមិនផុតជ្រុល ទៅបុកជាមួយរថយន្តកុងតឺន័រ ចំណែកអ្នកបើកបររថយន្តទូរីសបានដាក់មេប្រូចបាត់ស្រមោល។ ហេតុការណ៍នេះបានកើតឡើង នៅវេលាម៉ោង៣ និង២០នាទីល្ងាចថ្ងៃទី១៧ ខែមករា ឆ្នាំ២០១៦ នៅលើកំណាត់ផ្លូវជាតិលេខ៥ ក្នុងចន្លោះគីឡូម៉ែត្រ ៥៧លេខ៥៨ ស្ថិតក្នុង ភូមិព្រៃពីស ឃុំជ្រេស ស្រុកកំពង់ត្រឡាច។
លោក ម៉ាត់ លី អធិការនគរបាលស្តីទីស្រុកកំពង់ត្រឡាច បានអោយដឹងថា៖ នៅមុនពេលកើតហេតុ រថយន្តម៉ាកទូរីស ពណ៌បៃតងចាស់ ពាក់ស្លាកលេខ កំពង់ចាម 2A.1725 បើកបរដោយបុរសមិនស្គាល់ អត្តសញ្ញាណ បានបើកក្នុងល្បឿនលឿនតាមផ្លូវជាតិពីជើងទៅត្បូង លុះមកដល់ចំណុចកើតហេតុ បានខំ បើកជែងវ៉ារថយន្តនៅពីមុខ តែវ៉ាមិនផុត ក៏ជ្រុលទៅបុករថយន្ត ដឹកកុងតឺន័រ មកពីមុខមួយគ្រឿង ពាក់ ស្លាកលេខ ភ្នំពេញ 3B.3943 បើកបរដោយបុរសឈ្មោះ សៅ គឹមសាន អាយុ៣៦ឆ្នាំ មានទីលំនៅ ភូមិសេ.បេ.សេ សង្កាត់ទឹកថ្លា ខណ្ឌសែនសុខ រាជធានីភ្នំពេញបណ្តាល អោយរថយន្តទូរីសជ្រុល ធ្លាក់ចេញ ពីថ្នល់ជាតិ ទៅប៉ះ និងម៉ូតូ១គ្រឿងទៀតរបស់ជនបរទេសដែលឈប់ស្ងៀម ។
ក្រោយពេលកើតហេតុ គេឃើញអ្នកជិះក្នុងរថយន្តទូរីស ចំនួន៣នាក់បានរងរបួសធ្ងន់និងស្រាល ហើយ ត្រូវបានសមត្ថកិច្ចនគរបាលហៅរថយន្តសង្គ្រោះដឹកទៅសង្គ្រោះនៅមណ្ឌលសុខភាពស្រុកកំពង់ត្រឡាច ។ រីឯមធ្យោបាយ រថយន្ត២គ្រឿង និងម៉ូតូជនបរ ទេសជន ជាតិពីលីពីន១គ្រឿងត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកកំពង់ត្រឡាច កសាងសំណុំរឿងតាមផ្លូវច្បាប់ដើម្បីរង់ចាំការដោះស្រាយតាមនិតិវីធី ៕ រិទ្ធិ ជ័យ
http://ift.tt/1NhOHYM
