សមត្ថកិច្ចចម្រុះខេត្តមណ្ឌលគិរីថា៖ ឈើសល់ពីការដុតបំផ្លាញនៅក្នុងក្រុមហ៊ុនប៊ិនហ្វឿក១ ចំនួន១៩០៩កំណាត់ អ្នកលួចដុតឈើនោះសមត្ថកិច្ចកំពុងចាត់វិធានការ
ខេត្តមណ្ឌលគិរី៖ លោក ជា សុវណ្ណថេត ព្រះរាជអាជ្ញារងអមសាលាដំបូងខេត្តមណ្ឌលគិរីបានថ្លែង នៅរសៀលថ្ងៃទី២៥ ខែមករា ឆ្នាំ២០១៦នេះថា សមត្ថកិច្ចចម្រុះបានរកឃើញកំណាត់ឈើ នៅក្នុងបរិវេណក្រុមហ៊ុនប៊ិនហ្វឿក១ ចំនួន១៩០៩ កំណាត់ កាលពីពេលកន្លងទៅថ្មីៗនេះ ដោយមិនមិនរាប់បញ្ចូលនឹងចំនួនឈើ ដែលគេលួចដុតកាលពីយប់ថ្ងៃទី១៩ ខែមករា ឆ្នាំ២០១៦ នោះទេ។
លោកបានបញ្ជាក់ប្រាប់ថា ក្រុមហ៊ុនប៊ិនហ្វឿក១គឺជាក្រុមហ៊ុនរបស់ប្រទេសវៀតណាម ដែលទទួលសិទ្ធិវិនិយោគលើផ្ទៃដីជាង៥ពាន់ហិកតា ដើម្បីដាំកៅស៊ូ ដែលមានទីតាំនៅភូមិចកចារ ឃុំស្រែឈូក ស្រុកកែវសីមា ខេត្តមណ្ឌលគិរី រហូតមកដល់ពេលបច្ចុប្បន្នក្រុមហ៊ុនធ្វើការឈូសឆាយដាំកៅស៊ូអស់ហើយគ្មានសល់ព្រៃឈើទៀតទេ។
ចំពោះការប្រមូលផលអនុផលព្រៃឈើ នឹងកាក់សំណល់របស់ក្រុមហ៊ុនប៊ិនហ្វឿក១ ត្រូវបានក្រសួងកសិកម្ម ប្រគាល់អោយក្រុមហ៊ុន ឌួង ស្រួច ជាអ្នកទទួលយកកសិផល ផលអនុផលព្រៃឈើ នៅក្រុមហ៊ុនប៊ិនហ្វឿក១ ដោយមានចុះក្នុងសៀវភៅបន្ទុក នឹងបានបង់ព័ន្ធចូលរដ្ឋត្រឹមត្រូវអត់មានបញ្ហាអីទេ ប៉ុន្តែក្រុមហ៊ុនឌួងស្រួចខាងលើនេះបានផ្ទេរសិទ្ធកាន់កាប់បន្តអោយលោក ឧកញ៉ា ស៊ឹង សំអុល ចំពោះការលួចដុតឈើនៅទីតាំនេះ សមត្ថកិច្ចកំពុងចាត់វិធានការហើយ ។
គួររំលឹកដែរថា កាលពីយប់ថ្ងៃទី១៩ ខែមករា ២០១៦នេះ មានកើតករណីជនមិនស្គាលមុខលួចដុតគំនរឈើទើបតែស្ងួតតិចៗក្នុង បរិវេណក្រុមហ៊ុនប៊ិនហ្វឿក១ជាច្រើនកន្លែងកាលពីថ្ងៃទី១៩មករា បន្ទាបពីគណៈកម្មការជាតិដើម្បីទប់ស្កាត់ និងបង្ក្រាបបទល្មើសព្រៃឈើបើកប្រតិបត្តិការបង្ក្រាបឆែកឆេរទីតាំងស្តុកឈើខេត្តត្បូងឃ្មុំ និងក្រចេះកាលពីថ្ងៃទី១៨មករានោះ ហើយបើតាមប្រជាសហគមន៍បានរាយការណ៍មក រហូតមកដលថ្ងៃទី២៥មករា នេះនៅមិនទាន់រលាត់អស់នៅឡើយទេ។
ដោយឡែក លោក សាក់ សារ៉ាង មេបញ្ជាការកម្លាំងអាវុធហត្ថខេត្តមណ្ឌលគិរីបានឲ្យដឹងដែរថា លោកបានទទួល ព័ត៌មានអំពីករណីជនមិនស្គាល់មុខលួចដុតនេះហើយ លោកបានបញ្ជាមុន្ត្រីរបស់លោក ទៅដល់គោលដៅដែលឆេះនោះហើយ ហើយកូនចៅរបស់លោករាយការណ៍ថាឆេះអស់តែ៥០កំណាត់ប៉ុណ្ណោះ៕ ឦសាន២
http://ift.tt/1POoUJI
