បុរសស្រវឹងម្នាក់បើកម៉ូតូបុកកង់ពីក្រោយបណ្តាលអោយកុមារីម្នាក់របួសធ្ងន់
ខេត្តកំពង់ឆ្នាំង៖ កុមារីម្នាក់របួសក្បាលធ្ងន់ធ្ងរ និងបុរសជាជនបង្ករងរបួសស្រាល នៅក្នុងហេតុការណ៍គ្រោះ ថ្នាក់ ចរាចរណ៍មួយ ដោយសារបើកបរម៉ូតូក្នុងស្ថានភាពស្រវឹងជោគជាំ បុកកង់កុមារីរងគ្រោះពីក្រោយពេញទំហឹកាលពីវេលាម៉ោង៤និង៤៥នាទីល្ងាចថ្ងៃទី១៥ ខែមករា ឆ្នាំង២០១៦ នៅលើផ្លូវកៅស៊ូក្រោយវិទ្យាល័យព្រះបាទសុរាម្រឹត ក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង។
សមត្ថកិច្ចនគរបាលចរាចរណ៍ក្រុងកំពង់ឆ្នាំងបានអោយដឹងថា៖ ជនបង្កគ្រោះថ្នាក់ឈ្មោះ ក្លូអាយុជាង៣០ឆ្នាំ រស់នៅភូមិត្រោកលិច ឃុំស្រែថ្មី ស្រុករលាប្អៀរ បើកបរម៉ូតូម៉ាកវេវអាល់ហ្វា ពណ៌ខ្មៅ ពាក់ស្លាកលេខ ក៦៤៧៦-កច១។ចំណែកកុមារីរងគ្រោះមានឈ្មោះ ជៀម សុធារី អាយុ១៤ឆ្នាំ រស់នៅភូមិស្រែព្រីង សង្កាត់កំពង់ឆ្នាំង ក្រុង កំពង់ឆ្នាំង។
មុនពេលកើតហេតុគេឃើញជនបង្កបើកម៉ូតូយ៉ាងលឿនក្នុងស្ថានភាពស្រវឹងក្នុងទិសពីត្បូងទៅជើង លុះមកដល់ កន្លែង កើតហេតុ ក៏បានបុកកុមារីរងគ្រោះកំពុងជិះកង់ពីក្រោយពេញទំហឹងក្នុងទិសស្របគ្នា បណ្តាលអោយនាង ដួល បោកក្បាលពីក្រោយនិងថ្នល់កៅស៊ូ សន្លប់រងរបួសធ្ងន់ធ្ងរ។ ចំណែកជនបង្កក៏បានរងរបួសបែកមុខបែក មាត់គ្រាន់បើដែរ ពេលសមត្ថកិច្ចសួរនាំអត្តសញ្ញាណឆ្លើយមិនដឹងខុសត្រូវ ព្រោះតែស្រវឹងជោកជាំវង្វេងស្មារតី ប៉ុន្តែមានអ្នកស្គាល់ថា បុររសនេះឈ្មោះ ក្លូ រស់នៅក្នុភូមិត្រោកលិច ឃុំស្រែថ្មី។
ក្រោយពេលកើតហេតុកុមារីរងគ្រោះត្រូវបានគេដឹកតាមម៉ូតូយកទៅសង្គ្រោះព្យាបាលនៅក្នុងមន្ទីរពេទ្យបង្អែក ខេត្តកំពង់ឆ្នាំង។ ចំណែកជនបង្កត្រូវបានគេដឹកតាមរថយន្តយកទៅរុំរបួសនៅក្នុងមន្ទីរពេទ្យ ខេត្តផងដែរ។ រីឯម៉ូតូ និងកង់ ក្នុងករណីគ្រោះថ្នាក់ចរាចរណ៍នេះត្រូវបានសមត្ថកិច្ច ដឹកយកទៅរក្សាទុកនៅក្នុងអធិការដ្ឋាននគរ បាល ក្រុងកំពង់ឆ្នាំង កសាងសំណុំរឿងតាមនិតិវិធីច្បាប់។
ច្បាប់ចរាចរណ៍ផ្លូវគោកមាត្រា៧៧ បានចែងថា៖ជនណាបើកបរយានយន្តនៅពេលដែលខ្លួនស្ថិត ក្នុងភាពស្រវឹង មាន ជាតិអាកុលចាប់ពី០,៤០ ក្នុង១លីត្រខ្យល់ និង០,៨០ក្នុង១លីត្រឈាមឡើងទៅ ត្រូវផ្តន្ទាទោសដាក់ពន្ធនាគារ ពី១ខែ ទៅ៦ខែ និងពិន័យប្រាក់ពី៨០ម៉ឺនរៀល ទៅ៤លានរៀល។
ដោយឡែកមាត្រា៨៣បានថែងថា៖ ជនណាបើកបរធ្វេសប្រហែសមិនប្រុងប្រយ័ត្ន បណ្តាលអោយរបួស ដល់អ្នក ដ៏ទៃ ហើយបណ្តាលអោយអ្នករងគ្រោះអសមត្ថភាពធ្វើការ ងារលើសពី៨ថ្ងៃ គិតពីថ្ងៃកើតហេតុ ត្រូវផ្តន្ទាទោស ដាក់ពន្ធនាគារពី៦ខែ ទៅ២ឆ្នាំ និងពិ ន័យប្រាក់ពី២លានរៀល ទៅ១០លានរៀល។ ហេតុនេះគួរតែយល់ដឹង អ្នកស្រវឹងបើកបរក៏មានទោស និងបើបង្កគ្រោះថ្នាក់ទៀតនោះគឺមានកាន់តែធ្ងន់ទ្វេដង៕ រិទ្ធិ ជ័យ
http://ift.tt/1Jcmg3L
