រថយន្តដឹកថ្មបុកម៉ូតូធុនធំក្នុងទិសបញ្ច្រាសគ្នាហើយកិនពីលើមនុស្សប្រុស២នាក់ស្លាប់ភ្លាមៗនៅកន្លែងកើតហេតុ
ខេត្តកំពង់ឆ្នាំង៖ មនុស្សប្រុស២នាក់ ជិះម៉ូតូធុនធំបានស្លាប់ភ្លាមៗនៅកន្លែងកើតហេតុ ដោយសាររថយន្តដឹកថ្មបានបុកហើយកិនពីលើក្នុងទិសច្រាស់គ្នា ហើយរថយន្តបានបើករត់គេចបាត់។ ហេតុការណ៍នេះបានកើតឡើងនៅវេលាម៉ោង៣ និង០៥នាទីរសៀលថ្ងៃទី២៥ ខែមករា ឆ្នាំ២០១៦នៅចំណុចផ្លូវបំបែកចូលព្រលានយន្តហោះតាមបណ្តោយផ្លូវជាតិលេខ៥ ស្ថិតក្នុងភូមិស្វាយជ្រុំ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។
លោកវរសេនីយ៍ត្រី ឈឹម សារុន នាយការិយាល័យនគរបាលចរាចរណ៍ផ្លូវនៃស្នងការដ្ឋានខេត្តកំពង់ឆ្នាំងបានអោយដឹងថា៖ ជនរងគ្រោះទាំង២នាក់មាន ១.ឈ្មោះ សៀន ភេទប្រុស អាយុ២៥ឆ្នាំ ជាអ្នកបើកបរម៉ូតូម៉ាកCBR ពណ៌ក្រហម ពាក់ផ្លាកលេខ 1CV-7707, និង២.ឈ្មោះ វ៉ាន់នី ភេទប្រុស អាយុ២៨ឆ្នាំជាអ្នកជិះពីក្រោយ ពួកគេរស់នៅក្នុងឃុំស្វាយជ្រុំ ស្រុករលាប្អៀរ ត្រូវបានរថយន្តបុកហើយកិនពីលើស្លាប់ភ្លាមៗទាំង២នាក់ នៅកន្លែងកើតហេតុ ចំណែកម៉ូតូជនរងគ្រោះបានខូចខ្ទេចទាំងស្រុង។
ប្រជាពលរដ្ឋនៅកន្លែងកើតហេតុបានអោយដឹងថា៖ មុនពេលកើតហេតុគេឃើញជនរង គ្រោះបានជិះម៉ូតូក្នុងទិសដៅពីជើងមកត្បូងមានល្បឿនយ៉ាងលឿន លុះមកដល់ចំណុចកើត ហេតុជាផ្លូវបត់កោងត្រូវបានរថយន្តដឹកថ្មភ្នំរបស់ក្រុមហ៊ុនមួយមិនស្គាល់ឈ្មោះមួយបើកពីក្នុងទិសដៅច្រាស់ទិសគ្នា និងបានបុកម៉ូតូចំពេញទំហឹងតែម្តងបណ្តាលអោយជងរងគ្រោះទាំង ២នាក់ស្លាប់ភ្លាមៗតែម្តង។
ក្រោយពេលកើតហេតុភ្លាម អ្នកបើកបររថយន្តបានបើករថយន្តរត់គេចទៅការដ្ឋាន វាយ ថ្មរបស់ខ្លួន នៅក្នុងហេតុការខាងលើនេះ សមត្ថកិច្ចនគរបាលចរាចរណ៍ខេត្តកំពុងស្វែង រករថយន្ត និងអ្នកបើករថយន្ត ដើម្បីយកមកផ្តន្ទាទោសតាមផ្លូវច្បាប់។ដោយឡែក សពជន រងគ្រោះទាំង២នាក់ត្រូវបានក្រុមគ្រួសារមកទទួលយកទៅធ្វើបុណ្យតាមប្រេពៃណីនៅក្នុងលំនៅដ្ឋាន៕ រិទ្ធិ ជ័យ
http://ift.tt/1QrgYkv
