បើកឡានបុកម៉ូតូពីក្រោយរួចបើករត់អាងក្រុមហ៊ុនមានអំណាចនៅក្រោយខ្នងសមត្ថកិច្ចមិនហា៑នក្អកជាមូយ
ខេត្តព្រះសីហនុ៖ បើទោះបីជាច្បាប់ចរាចរណ៍កំពុងក្លាយជាប្រធានបទយ៉ាងក្តៅគគុកក្នុងការទប់ស្កាត់បទល្មើស និងគ្រោះថ្នាក់ចរាចរណ៍ យ៉ាងណាក្តីប៉ុន្តែនៅតែមានមនុស្សចំនួនហាក់ពុំបានយកចិត្តទុកដាក់ទៅលើច្បាប់នេះនៅឡើយទេជាក់ស្តែង នៅវេលាម៉ោង៣ និង៣០នាទីរសៀលត្រង់ចំណុចកែងស្តុបខារ៉ាអូរខេ៣៣៣ ក្នុងសង្កាត់៤ ក្រុងព្រះសីហនុ គ្រោះថ្នាក់ចរាចរណ៍មួយបង្កឡើង ដោយរថយន្តតូរីសបុកម៉ូតូចំពីក្រោយហើយតៃកុងថយន្តព្យាយាមបើករថយន្តរត់គេចខ្លួនតែសំណាងអាក្រក់នគរបាលចរាចរណ៍តាមទាន់ក្របួចជាប់។
យោងតាមប្រភពសមត្ថកិច្ចចរាចរណ៍ បានប្រាប់ឲ្យដឹងថានៅវេលាម៉ោង និងទីកន្លែងកើតហេតុចាងលើ មានករណីគ្រោះថ្នាក់ចរាចរណ៍មួយបង្កឡើងដោយរថយន្តតូរីសពាក់ស្លាកលេខព្រះសីហនុ2A-5587 ជាកម្មសិទ្ធរបស់កាស៊ីណូឡាយអិនស៊ីធី បើកបរដោយយុវជនម្នាក់ឈ្មោះ យិន សុភាន់ណារ៉ា ភេទប្រុស អាយុ២៨ឆ្នាំ ស្នាក់នៅCT សង្កាត់៣ ក្រុង-ខេត្តព្រះសីហនុ (ពុំមានប័ណ្ណបើកបរឡើយ) បានបុកម៉ូតូជនរងគ្រោះម៉ាកស្គូពី ពណ៌សគ្មានស្លាកលេខ។
សមត្ថកិច្ចចរាចរណ៍ឲ្យដឹងទៀតថា ជនរងគ្រោះមានឈ្មោះ យ៉ាន ជីរ៉ា ភេទស្រី អាយុ១៨ឆ្នាំ ទីលំនៅភូមិ៤ សង្កាត់៤ក្រុង-ខេត្តព្រះសីហនុ បានរងរបួសគ្រេចចង្កេះ ចំពីក្រោយ ហើយរតៃកុងរថយន្តព្យាយាមបើករថយន្តរត់កគេចតែសំណាងអាក្រក់នគរបាលចរាចរណ៍តាមទាន់ក្របួចជាប់។ ប៉ុន្តែអ្វីដែលមិនអួរអត់អោននោះ គឺតំណាង កាស៊ីណូឡាយអិនស៊ីធីមិនប្រគល់សោរឲ្យនគរបាលយកទៅដោះស្រាយតាមនិតិវិធីទេ មិនត្រឹមតែប៉ុណ្ណោះថែមទាំងបញ្ជាអោយសមត្ថកិច្ចយកជនរងគ្រោះមកដោះស្រាយជាមួយខ្លួនទៅវិញ គ្រាដែលជនរងគ្រោះកំពុង សម្រាកព្យាបាលនៅគ្លីនិកឯកជន ដោយប្រាប់សមត្ថកិច្ចថា ចាំមេអនុញ្ញាតសិនទើបគេព្រមអោយយកឡាន។
យោងតាមសាក្សីនៅនឹងកន្លែងកើតហេតុប្រជាពលរដ្ឋបានឲ្យដឹងថាមុនពេលកើតហេតុគេបានឃើញនារីម្នាក់បើម៉ូតូស្គូពីស្របទិសគ្នា ជាមួយនឹងរថយន្តបង្កលុះមកដល់កន្លែងកើតហេតុ ស្រាប់តែរថយន្តនោះបុកម៉ូតូចំពីក្រោយ ធ្លាក់នារីម្នាក់នោះចេញពីលើម៉ូតូខ្លួនភ្លាមៗនោះរថយន្តបង្កបានតំឡើងល្បឿនបើករត់គេចខ្លួនតែម្តង៕ សមុទ្រខៀវ
http://ift.tt/1JUZ4l6
