បុរសម្នាក់សល់តែដង្ហើមចង្រិត រងរបួសធ្ងន់ធ្ងរបាក់ដៃស្តាំដាច់ជើងម្ខាង និងបែកមុខមាត់របួសធ្ងន់ធ្ងរ បន្ទាប់ពីជិះម៉ូតូឡើងវ៉ាត្រូវរថយន្តធន់ធ្ងន់បុកប៉ើង
ខេត្តកណ្តាល ៖ យុវជនម្នាក់ បានរបួសបាក់ដៃស្តាំ ដាច់ជើងម្ខាង និងបែកមុខមាត់របួសធ្ងន់ធ្ងរបំផុត ដោយសារជិះម៉ូតូ ក្នុងល្បឿនលឿនឡើងវ៉ារថយន្ត១គ្រឿងក្នុងដំណើស្របទិសគ្នា ក៏ជ្រុលទៅបុក នឹងរថយន្តដឹកទំនិញ១គ្រឿងទៀតក្នុងដំណើរបញ្ច្រាសទិសគ្នាចំពេញទំហឹងប៉ើងទាំងម៉ូតូ។ ហេតុការណ៍គ្រោះថ្នាក់ដ៍រន្ធត់នេះបានកើតឡើងកាលពីវេលាម៉ោង ៩និង៣០ នាទីយប់ ថ្ងៃទី៤ ខែមករា ឆ្នាំ២០១៦ នៅលើកំណាត់ផ្លូវជាតិលេខ១ចន្លោះគីឡូម៉ែត្រ ៣៧-៣៨ ភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល ។
សមត្ថកិច្ចបានឲ្យដឹងថា ជនរងគ្រោះមានឈ្មោះ សួង ហ៊ឹម ភេទប្រុស អាយុ ២៧ឆ្នាំ មានទីលំនៅ ភូមិជ័យឧត្តម ឃុំសំរោងធំ ស្រុកកៀនស្វាយជិះមូតូ ម៉ាកហុងដា សេ១២៥ ពណ៌ខ្មៅ ពាក់ស្លាកលេខ ភ្នំពេញ 1FB-4859 ។ ចំណែករថយន្តម៉ាក ហ្វុយហ្សូ ពណ៌សលាយក្រហម ជារថយន្តដឹកទំនិញ ពាក់ស្លាកលេខ ភ្នំពេញ 3A-1899 ក្រោយកើតហេតុ ដោយឃើញសភាពមិនស្រួល អ្នកបើកបរបានរត់គេចខ្លួន ។ ក្រោយកើតហេតុសម្ថកិច្ចប៉ុស្ដិ៍ និងជំនាញ បានចុះដល់កន្លែងកើតហេតុបន្ត នីតិវិធីប្រមូលមធ្យោបាយ ទាំង២មកកាន់អធិការដ្ឋាន ដើម្បីបន្តចាត់ការតាមនីតិវិធី ស្រាវជ្រាវរកអ្នកបើកបររថយន្តដែលកំពុងរត់គេចខ្លួននោះ។
សាក្សីបានអោយដឹងថា មុនពេលកើតហេតុ គេឃើញជនរងគ្រោះ ជិះម៉ូតូតែម្នាក់ឯង ក្នុងល្បឿនលឿន ទិសដៅពីកៀនស្វាយ ទៅភ្នំពេញ ពេលមកដល់ ចំណុចកើតហេតុ បានបើកវ៉ាជាមួយរថយន្តមួយគ្រឿង ដែលនៅពីមុខ ក៏ជ្រុលទៅបុក រថយន្តដឹកទំនិញ មួយគ្រឿងទៀត ដែលធ្វើដំណើរបញ្ច្រាសទិសគ្នា ធ្វើអោយជនរងគ្រោះ បាក់ដៃស្តាំ ដាច់ជើងខាងស្តាំនិងបែកមុខមាត់យ៉ាងធ្ងន់ធ្ងរ ហើយត្រូវក្រុមគ្រួសារ ដឹកយកទៅសង្គ្រោះ នៅមន្ទីពេទ្យរុស្សី ដោយឡែក អ្នកបើកបររថយន្ត បានរត់គេចខ្លួនបាត់៕
http://ift.tt/1kICJ3O
