ថ្ងៃចូលរោងការកូនក្រមុំរត់បាត់ពីផ្ទះ៣ថ្ងៃទើបត្រឡប់មកវិញ ជីដូន និងម្តាយបានសងថ្លៃបណ្តាការជូនកូនកម្លោះ វិញទាំងអស់ដើម្បីបញ្ចប់រឿង
ខេត្តកំពង់ឆ្នាំង៖ នៅព្រឹកថ្ងៃចូលរោងការទី២៣ ខែមករា នៃអាពាហ៍ពិពាហ៍មួយ នៅក្នុងភូមិស្ពករាជ ឃុំអណ្តូង ស្នាយ ស្រុករលាប្អៀរ កូនក្រមុំបានរត់បាត់ពីផ្ទះតាមប្រុសម្នាក់ដែលនាងមិនធ្លាប់ស្រឡាញ់សោះ ហើយនាងបាន ត្រឡប់មកដល់ផ្ទះវិញនៅយប់ថ្ងៃទី២៥ ខែមករា ដោយសំពះសុំទោសម្តាយ និងជីដូនថា នាងខុសហើយមិនគួរ ធ្វើបែបនេះឡើយមិនដឹងមកពីអ្វី។ ដោយឡែកក្រុមគ្រួសារខាងស្រីបានសងថ្លៃបណ្តាការទាំងអស់ ទៅខាងគ្រួសារ កូនកម្លោះវិញនូវប្រាក់ចំនួន១.៨០០ដុល្លា និងម៉ូតូ១គ្រឿងនៅល្ងាចថ្ងៃទី២៥ ខែមករា ដើម្បីបញ្ចប់រឿងមង្គលការ។
លោកស្រីផាន់ សិរី អាយុ៣៩ឆ្នាំ ជាម្តាយកូនក្រមុំ និងលោកយាយ រៀល រុំ អាយុ៧២ឆ្នាំ ជាជីដូន កូនក្រមុំ ឈ្មោះសុខា សិរីរ័ត្ន អាយុ២១ឆ្នាំ រស់នៅក្នុងភូមិស្ពករាជ ឃុំអណ្តូងស្នាយ ស្រុករលាប្អៀរ បានរៀបរាប់អោយដឹងនៅព្រឹកថ្ងៃទី២៦ ខែមករានេះថា៖ កូន និងចៅស្រីរបស់គាត់ ជាកូនក្រមុំដែលត្រូវចូលរោងការជាមួយកូនកម្លោះឈ្មោះស៊ិន ស៊ីវង៉ុក អាយុ២២ឆ្នាំ រស់នៅ ភូមិបាញ់ឆ្គោល ឃុំជ្រៃបាក់ ស្រុករលាប្អៀរ។ ដោយនៅថ្ងៃទី២៣ ខែមករា ជាថ្ងៃចូលរោងការសូត្រមន្ត និងធ្វើកិច្ចការជាមង្គលផ្សេងៗ ហើយនៅថ្ងៃទី២៤ ខែមករា ជាថ្ងៃស៊ីការ។ ប៉ុន្តែអ្វីដែលដែលកូន គាត់សុខចិត្តភ្ជាប់ពាក្យ និងសុខចិត្តរៀបការ គឺជាបំណងរបស់នាងទាំងអស់ បែរជាធ្វើអោយគាត់ខ្មាស់គេទៅវិញ គឺកូនាងបានបាត់ខ្លួនពីផ្ទះតាំងពីម៉ោង៤និ៣០នាទីទៀបភ្លឺថ្ងៃទី២៣ ខែមករា ជាថ្ងៃចូលរោងការ រហូតដល់ម៉ោង៧ព្រឹកទើបមានការភ្ញាក់ផ្អើលឡើង ហើយក្រុមគ្រួសារក៏មិនបានដឹងថានាងរត់ទៅតាមអ្នកណាដែរ។
ក្រោយពេលបាត់ខ្កលួននៅព្រឹកថ្ងៃទី២៣ ខែមករា ដោយខ្លាចនាងចាញ់បោកគេ ឬមានគ្រោះថ្នាក់ដោយ ប្រការណាមួយដោយជនាងមានគ្រឿងអលង្គការ ខ្សែដៃ ខ្សែក ចិញ្ចៀន មាស និងប្លាទីនជាង១តម្លឹងជាប់ទៅផង នោះ ក្រុមគ្រួសារនាងក៏បានប្តឹងសមត្ថកិច្ចអំពីការបាត់ខ្លួននាង និងបាននាំគ្នាបង្ហោះហ្វេសបុកស្រាវជ្រាវរក និង អំពាវ នាវអោយនាងមកផ្ទះវិញ។ ចំណែកគ្រួសារខាងកូនកម្លោះនៅល្ងាចថ្ងៃទី២៣ ខែមករា ក៏បានសម្របសម្រួល ជាមួយគ្រួសារខាងកូនក្រមុំសុំយកថ្លៃបណ្តាការវិញ។ ចំណែកថ្លៃបណ្តាការមានប្រាក់ចំនួន១.៨០០ដុល្លា និងម៉ូតូ១ គ្រឿង ត្រូវបានប្រគល់ជូនទៅម្តាយខាងកូនកម្លោះរួចហើយនៅល្ងាចថ្ងៃទី២៥ ខែមករានេះ ដើម្បីបញ្ចប់រឿង។
ម្តាយនិងជីដូនកូនក្រមុំបានរៀបរាប់ទាំងទឹកភ្នែកអោយដឹងទៀតថា៖ ក្រោយពេលពួកគាត់បានប្រគល់ប្រា ក់ថ្ងៃបណ្តាការសងគេអស់វិញនៅល្ងាចថ្ងៃទី២៥ ខែមករា នៅពេលយប់បន្តិចកូននិងចៅស្រីគាត់ក៏មកដល់ ផ្ទះ វិញដែរ ដោយបានបត់ជើងសំពះពួកគាត់ និងសុំទោសថា« ខ្ញុំមិនគួរហ៊ានធ្វើបែបនេះដោយសុខចិត្តទៅជាមួយ ប្រុសផ្សេងដែលនាងមិនដែលស្រឡាញ់គេសោះ តែមិនដឹងហេតុអីទេនៅព្រឹកនោះខ្ញុំនឹកគេពេកសុខ ចិត្តចេញ ពីផ្ទះទៅជាមួយគេទៅវិញ»។ លោកយាយ រៀល រុំ បានបញ្ជាក់ទៀតថា រឿងចៅប្រសារក្រោយនេះ ទុកអោយ គេគិតគូររៀបចំតាមតែចិត្តគេចុះគាត់លែងដឹងឮទៀតហើយ និងក៏សូមអគុណអ្នកដន្លងចាស់ ខ្លាំងណាស់ ដែល បានយោគយល់មិនប្តឹងផ្តល់គាត់ គ្រាន់តែទារយកបណ្តាការវិញ៕ រិទ្ធិ ជ័យ
http://ift.tt/23s0rDV
