បើកម៉ូតូលឿនរថយន្តបត់ពីមុខហ្វ្រាំងមិនទាន់បុកចំពេញទំហឹង របួសធ្ងន់ម្នាក់បាក់ភ្លៅបែកមុខឈាមជោគផ្នល់ និងរបួសស្រាលម្នាក់
ខេត្តព្រះសីហនុ៖ យុវជនម្នាក់បានរងរបួសធ្ងន់បាក់ភ្លៅស្តាំបែកមុខធ្ងន់ធ្ងរឈាមជោគថ្នល់ សង្ឃឹមរស់តិចតូច និងនារីវ័យក្មេងម្នាក់បានរងរបួសស្រាលបន្ទាប់ពីបានជិះម៉ូតូក្នុងល្បឿលឿន បុកនឹងរថយន្តដឹកជនបរទេសបត់ឆ្វេងឆ្លងផ្លូវចូលកាស៊ីណូកំពង់សោមស៊ីធី។ ហេតុការណ៍នេះបានកើតឡើងនៅវេលាម៉ោង២០ និង២៥នាទី យប់ថ្ងៃទី១៩ ខែមករា ឆ្នាំ២០១៦។
មន្ត្រីនគរបាលចរាចរណ៍បានប្រាប់ឲ្យដឹងថា នៅវេលាកើតហេតុខាងលើ រថយន្តម៉ាក ហាយឡែនឌឺ ពណ៌ស្ករ ពាក់ស្លាកលេខភ្នំពេញ 2AA-9947 បើកបរដោយឈ្មោះ ថឹង ប៊ុនថេន មានមុខងារជាមន្ត្រីនគរបាលច្រកទ្វារកំពង់ផែអន្តរជាតិក្រុងព្រះសីហនុ បានរត់គេចខ្លួនក្រោយកើតហេតុ។ ចំណែកភាគីជិះម៉ូតូមួយគ្រឿង ម៉ាកអ៊ែប្លែត ពណ៌ផ្ទៃមេឃ គ្មានស្លាកលេខ ជិះគ្នា២នាក់ បើកបរដោយឈ្មោះ ទី ភេទប្រុស អាយុ១៧ឆ្នាំមានមុខរបរជាបុគ្គលិកឡនំប៉័ង ស្ថិតក្នុងភូមិ៣ សង្កាត់លេខ៤ ក្រុងព្រះសីហនុ (រងរបួសធ្ងន់សង្ឃឹមរស់តិច) កំពុងសង្គ្រោះ បន្ទាន់មនៅមន្ទីពេទ្យចំការចេក ក្រុងព្រះសីហនុ។ អ្នករួមដំណើរជាមួយស្ត្រីវ័យក្មេងម្នាក់ឈ្មោះ អ៊ុង ធារី អាយុ១៤ឆ្នាំ មុខរបរសិស្ស មានទីលំនៅក្រុម៩ភូមិ៣ សង្កាត់លេខ២ ក្រុងព្រះសីហនុ (រងរបួសស្រាល) កំពុងសំរាកព្យាបាលនៅគ្លីនិច ចាក់អង្រែកំពង់សោម។
តាមប្រភពសាក្សីនៅកន្លែងកើតហេតុបានអះអាងថា នៅមុនពេលកើតហេតុ គេបានឃើញម៉ូតូយុវជនរងគ្រោះ បើកបរក្នុងល្បឿនយ៉ាងលឿនក្នុងទិសដៅពីកើតមកលិច(ពីស្តុប៣៣៣មកតោរពី) លុះមកដល់ចំណុចកើតហេតុស្រាប់តែមានរថយន្ត និងម៉ូតូគ្រឿងម៉ាកហាយឡែនឌឺពណ៌ស្ករ បើកបញ្ជ្រាសទិសគ្នា ហើយបានបទឆ្វេងចូលក្នុងការស៊ីណូ ទើបធ្វើអោយម៉ូតូ ដែលកំពុងជិះលឿននោះគេចមិនផុត ក៏បានបុកពេញទំហឹងតែម្តង បណ្តាលយុវជនម្នាក់សន្លប់ធំ និង ស្ត្រីម្នាក់រងរបួសស្រាល។ ក្រោយកើតហេតុ ទាំងម៉ូតូ និងរថយន្ត ត្រូវបានសមត្ថកិច្ចយកទៅរក្សាទុកនៅការិយាល័យចរាចរណ៍ផ្លូវគោក រងចាំការដោះស្រាយពេលក្រោយ៕ សមុទ្រខៀវ
http://ift.tt/1VdOXOj
