យុវជនម្នាក់ផឹកស្រវឹង យកញញួរទៅវាយក្បាលយុវជនម្នាក់ហូរឈាមកក្លាក់ តែត្រូវគេយកកាំបិតតាំងតោកាប់សងបណ្តាលឲ្យរបួសធ្ងន់
ខេត្តព្រះសីហនុ៖ យុវជនចំនួន២នាក់ជាគូទំនាស់សំដីនឹងគ្នាជាច្រើនថ្ងៃមកហើយខណៈពេលបំពេញការងារជាកម្មករសំណង់នៅក្បែរគ្នារឿងនេះបានក្លាយទៅជាគំនុំ។ លុះព្រលប់ថ្ងៃទី១៥ ខែមករា ពួកគេមានការហូបចុកផឹកស៊ីក្បែរគ្នា ស្រវឹងស្រឿងរៀងៗខ្លួនស្រាប់តែយុវជនបង្កម្នាក់បានយកបានយកញញួរវាយក្បាលយុវជនម្នាក់ហូរឈាមកក្លាក់ ភ្លាមនោះយុវជនរងរបួសបានស្ទុះទៅយកកាំបិតប៉ាំងតោមកកាប់ក្បាលសងវិញបណ្តាលឲ្យជនបង្ករងរបួសធ្ងន់។ ហេតុការណ៍កាប់ចាក់គ្នានេះ បានកើតឡើងនៅវេលាម៉ោង២០ និង០០នាទីយប់ថ្ងៃទី១៥ ខែមករា ឆ្នាំ២០១៦ នៅចំណុចក្រុមទី១៤ ភូមិ៤ សង្កាត់លេខ៤ ក្រុងព្រះសីហនុ។
ប្រភពសមត្ថកិច្ចមូលដ្ឋានបានឲ្យដឹងថា នៅយប់កើតហេតុឈ្មោះ ឡុច សាភាន ភេទប្រុស អាយុ២២ឆ្នាំ ស្នាក់នៅចំណុចក្រុមទី១៤ ភូមិ៤ សង្កាត់លេខ៤ ក្រុងព្រះសីហនុ បានអង្គុយផឹកជាមួយឈ្មោះ នួន ចន្ថា ភេទប្រុស អាយុ២១ឆ្នាំ ហើយខណៈនោះស្រាប់តែឈ្មោះ ដូង រី ភេទប្រុស អាយុ២១ឆ្នាំ មុខរបរជាកម្មករសំណង់ដូចគ្នា បានដើរមកជិត រួចបានយកញញួរ វាយក្បាលឈ្មោះ នួន ចន្ថា បណ្តាលអោយរងរបួសធ្ងន់ហូរឈាមកក្លាក់។ ឃើញដូច្នោះជនរងគ្រោះក៏បានស្ទុះទៅទាញកំបិតតាំងតោមកកាប់សងលើឈ្មោះ ដូង រី វិញ បណ្តាលអោយឈ្មោះ ដូង រី រងរបួសធ្ងន់។ បន្ទាប់មកឈ្មោះ នួន ចន្ថា បានរត់គេចខ្លួនទៅដល់ឆ្នេរកន្ទុយនាគ តែត្រូវសមត្ថកិច្ចតាមចាប់បានបញ្ជូនទៅកាន់អធិការក្រុងតែម្តង។
បច្ចុប្បន្នជនសង្ស័យឈ្មោះ នួន ចន្ថា និងឡុច សាភាន សមត្ថកិច្ចសាកសួរកសាងសំណុំរឿងបញ្ជូនទៅកាន់ស្នងការនគរបាលខេត្តព្រះសីហនុ ដើម្បីចាត់ការតាមច្បាប់៕ សមុទ្រខៀវ
http://ift.tt/1U7eEQm
